អាមេរិកចាប់ខ្លួនភ្នាក់ងារសេអ៊ីអាម្នាក់ក្នុងប្រទេសកម្ពុជារឿងបែកធ្លាយឯកសារផែនការអ៊ីស្រាអែលវាយអ៊ីរ៉ង់

ព្រះរាជក្រឹត្យតែងតាំងសមាសភាពសមាជិកឧត្តមក្រុមប្រឹក្សា នៃអង្គចៅក្រមអាណត្តិថ្មីមាន ឧបនាយករដ្ឋមន្ដ្រី កើត រិទ្ធ ជាសមាជិកទី១

ACU ឃាត់ខ្លួន អភិបាលរងខេត្តពោធិ៍សាត់ម្នាក់និងអតីតអភិបាលស្រុកម្នាក់ ពេលតំណាងអយ្យការ ចោទប្រកាន់ លោក លី សាម៉េត, លោក ដួង តារា, លោក មួង ឃីម និងឧកញ៉ា អ៊ុត ធី

លោកហេងយ៉ុងនិស្សិតខ្មែរនៅអាមរិកទាលុយពីលោកដួងអក្ខរ៉ាករណីយ៍ចេញស្សែកស្អុយ

ករណីគ្រោះថ្នាក់ចរាចរបង្កឲ្យមនុស្ស៥នាក់បានស្លាប់ នៅស្រុកស្នួល ឡានស្លាកលេខវៀតណាម

នគរបាលអន្តោប្រវេសន៍ប៉ុស្តិច្រកទ្វារព្រំដែនអន្តរជាតិប៉ោយប៉ែតរកចំណូលប្រចាំខែបានគ្រប់មុខ ?

លោកសូម៉ារ៉ាត្រូវបានរាជរដ្ឋាភិបាលដកពីរដ្ឋលេខាធិការតម្លើងតួនាទីជារដ្ឋមន្ត្រីប្រតិភូអមនាយករដ្ឋមន្ត្រី ដេកចាំការងារ?!

ជាច្រើនទៀត

ចំនួនអ្នកទស្សនា

ថ្ងៃនេះ 2166 នាក់

ម្សិលមិញ 1811 នាក់

សរុប 15649167 នាក់

មេគយចល័តតំបន់៥ ឈួន សោភាដែល ល្បីពុករលួយក្នុងការងារ ត្រូវបានដកបញ្ឈរជើងហើយកាកបាទក្រហមចុះលួងចិត្ត

07-November-2024 / ព័ត៌មានជាតិ

ភ្នំពេញ៖ បើតាមប្រភពច្បាស់ការណ៍ពី អគ្គនាយកដ្ឋានគយនិងរដ្ឋាករ បានអោយដឹងថាលោក ឈួន សោភា ប្រធានគយចល័តតំបន់ ៥ត្រូវបានថ្នាក់លើគយដកបញ្ឈរជើងសិនហើយបន្ទាប់ពីមានរឿងចាប់រថយន្តអង្គភាពយោធាការពារព្រំដែន រហូតបណ្ដាលអោយទាហានការពារព្រំដែនម្នាក់ដែលជាម្ចាស់ឡានតូចចិត្តរត់ទៅចងកសម្លាប់ខ្លួនកាលពីពេលើថ្មីៗនេះ។ a custom chhuna

ប្រភពបានអោយដឹងទៀតថា, លោក យឹម ផល្លី អនុប្រធានគយចល័តតំបន់៥ ត្រូវបានតែងតាំងអោយឡើងជាប្រធានស្ដីទីជំនួសលោក ឈួន សោភា ។
គួរបញ្ជាក់ថា នៅថ្ងៃទី ១៤ ខែ កុម្ភៈ ឆ្នាំ ២០២១ ក្រសួងការពារជាតិ បានបញ្ជូនក្រុមការងារមួយក្រុមចុះទៅស្រាវជ្រាវករណីទាហានការពារព្រំដែន ៥០៣ ចងកសម្លាប់ខ្លួន ដោយសារតែតូចចិត្តចំពោះលោក ឈួន សោភា ចាប់រថយន្តអង្គភាព ។

ក្រុមការងារបានបញ្ចប់ការងារស្រាវជ្រាវនៅថ្ងៃទី ១៥ ខែ កុម្ភៈ ឆ្នាំ ២០២១ ដោយបានរកឃើញថា រថយន្តដែលគយចល័តតំបន់៥ ចាប់នោះគឺពិតជារថយន្តអង្គភាពដែលបានចុះបញ្ជីនៅ អគ្គនាយកដ្ឋានសំភារៈ បច្ចេកទេស ក្រសួងការពារជាតិ ប្រាកដមែន ។ក្រុមការងារនឹងធ្វើរបាយការណ៍គោរពរាយការណ៍ជូនសម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រី ក្រសួងការពារជាតិ ដើម្បីពិនិត្យសម្រេច ។

សូមរម្លឹកថា, លោកអនុសេនីយ៍ត្រី នាង រិទ្ធិឆ័យ ក្រោយគ្រោះថ្នាក់ចរាចរ គាត់បានដោះស្រាយរួចយករថយន្តទៅជួសជុល ដោយគ្មានលុយគាត់បានខ្ចីលុយគេដោះស្រាយ លុះជួសជុលរថយន្តហើយ មកអង្គភាពវិញ (មិនបានពាក់ស្លាកលេខព្រោះទើបចេញពីជាង)ក៏ត្រូវគយចលត័តំបន់៥ចាប់ ទោះខាងអង្គភាពស្នើសុំធានា និងមានឯកសារត្រឹមត្រូវ តាមគោលការណ៍កងយោធលខេមរភូមិន្ទ ក៏ខាងគយចល័តមិនព្រមឲ្យ ហើយជាឡានកញ្ចាស់ថែមទៀត ដែលគាត់ខំសន្សំប្រាក់ខែទិញ យកមកជិះបម្រើឲ្យអង្គភាព ។

គួរបញ្ជាក់ថា រថយន្តនោះ ម៉ាកវីហ្គោ ឆ្នាំផលិត២០១៣ ជារថយន្តមានស្លាកលេខ ខម ប្រើប្រាស់ច្រើនឆ្នាំហើយ លោកមេបញ្ជាការកងការពារព្រំដែន៥០៣ ស្នើសុំយ៉ាងណាក៏ដោះស្រាយមិនចេញ ដោយសារការរឿងនេះ លោកអនុសេនីយ៍ត្រី នាង រិទ្ធិឆ័យ បានសំរេចចិត្តចងក សម្លាប់ខ្លួនឯងកាលពីព្រឹកថ្ងៃទី១០ ខែកុម្ភៈ ឆ្នាំ២០២១ កន្លងទៅនេះ៕

សូមបញ្ជាក់ថាលោក ឈួន សោភា មេគយចល័តតំបន់៥ នេះកន្លងមកមេគយរូបនេះ ត្រូវបានគេទទួលស្គាល់ថាជាកំពូលមនុស្ស គាបសង្កត់អ្នករកស៊ី នឹងដាក់ខែជាមួយនឹងឈ្មួញរកស៊ីខុសច្បាប់ ទំនិញរត់ពន្ធជាដើម.។

សូមបញ្ជាក់ថាសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នាព្រឹកថ្ងៃទី ១៦ ខែកុម្ភៈ ឆ្នាំ២០២១នេះ បានចាត់ឱ្យគណៈប្រតិភូកាកបាទក្រហមកម្ពុជា ដឹកនាំដោយលោក អ៊ុយ សំអាត នាយក នាយកដ្ឋានគ្រប់គ្រងគ្រោះមហន្តរាយ និងគណៈកម្មាធិការសាខាកាកបាទក្រហមកម្ពុជា ខេត្តបន្ទាយមានជ័យ អញ្ជើញចូលរួមបុណ្យ៧ថ្ងៃ និងនាំយកគ្រឿងឧបភោគ-បរិភោគ ថវិកា ៥លានរៀល ចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសពលោកអនុសេនីយ៍ត្រី នាង រិទ្ធិឆ័យ យុទ្ធជន កងការពារព្រំដែនលេខ ៥០៣ ដែលបានបាត់បង់ជីវិតកាលពីថ្ងៃពុធ ទី១០ ខែកុម្ភៈ ឆ្នាំ ២០២១ ក្នុងជន្មាយុ ៣៣ឆ្នាំ។ក្នុងពិធីបុណ្យប្រារព្ធធ្វើឡើងនៅគេហដ្ឋានសព ស្ថិតនៅក្នុងភូមិអូរអំបិល សង្កាត់អូរអំបិល ក្រុងសេរីសោភ័ណ្ឌ ខេត្តបន្ទាយមានជ័យ។ កាកបាទក្រហមកម្ពុជា សូមឧទ្ទិសបួងសួងដល់ដួង វិញ្ញាណកន្ធ លោកអនុសេនីយ៍ត្រី នាង រិទ្ធិឆ័យ បានចប់កំណើតក្នុងសុគតិភព កុំបីឃ្លៀងឃ្លាតឡើយ។ a custom chhoun a custom chhuna1