វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4086 នាក់
ម្សិលមិញ 5467 នាក់
សរុប 14163663 នាក់
ចិន៖ កាលពីថ្ងៃអាទិត្យកន្លងទៅនេះ នាយករដ្ឋមន្ត្រីចិនលោកលីឈៀង( Li Qiang)នៅក្នុងជំនួបជាមួយមេដឹកនាំវៀតណាមនៅក្នុងទីក្រុងប៉េកាំងបានជំរុញឱ្យមានការកសាងចំណងមិត្តភាពជាសហគមន៍រួមវាសនាតែមួយរវាងប្រទេសចិននិងវៀតណាម ដើម្បីជាការលើកកម្ពស់ទំនាក់ទំនងទ្វេភាគីរបស់ប្រទេសទាំងពីរឱ្យកាន់តែស៊ីជម្រៅ។
នាយករដ្ឋមន្ត្រីវៀតណាមក្នុងដំណើរទស្សនកិច្ចផ្លូវរដ្ឋនៅស្រុកចិនបានធ្វើឡើងនៅចំខួបរយៈពេល ១៥ ឆ្នាំនៃទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រុយរវាងចិននិងវៀតណាម ត្រូវបានលោក Li Qiang យកមកភ្ជាប់ដើម្បីថ្លែងកោតសរសើរចំពោះកិច្ចខិតខំរបស់រដ្ឋាភិបាលបក្សកុម្មុយនិស្តវៀតណាមក្នុងការជំរុញកិច្ចសហប្រតិបត្តិការជាមួយប្រទេសចិនស្របទៅតាមគោលការណ៍ណែនាំរបស់ថ្នាក់ដឹកនាំនៃប្រទេសទាំងពីរ។
លោកលៅឈៀង( Li Qiang )បញ្ជាក់ទៀតថា ប្រទេសចិនមានឆន្ទៈក្នុងការពង្រឹងកិច្ចទំនាក់ទំនងជាយុទ្ធសាស្ត្រជាមួយវៀតណាម ដោយផ្តោតទៅលើកិច្ចសហប្រតិបត្តិការក្នុងគម្រោងនៃគំនិតផ្តួចផ្តើមផ្លូវមួយខ្សែក្រវាត់មួយ និងប្តេជ្ញាចិត្តដើរតាមយន្តការណែនាំរបស់គណៈកម្មាធិការមជ្ឈិមបក្សនៃប្រទេសទាំងពីរ សម្រាប់កិច្ចការសហប្រតិបត្តិការទ្វេភាគីនៅក្នុងវិស័យសំខាន់ៗ រួមមាន សន្តិសុខ សេដ្ឋកិច្ច ពាណិជ្ជកម្ម ការវិនិយោគ វិទ្យាសាស្ត្រ ការអប់រំ វប្បធម៌ និងសុខាភិបាល។
មន្ត្រីជាន់ខ្ពស់ចិនដដែលរូបនេះ បានថ្លែងជំរុញឱ្យភាគីទាំងពីរពន្លឿនដំណើរការចចារគ្នាដើម្បីសម្រេចឱ្យបានចំពោះការចុះហត្ថលេខាលើផែនការសហប្រតិបត្តិការរួមគ្នារវាងគម្រោងផ្លូវមួយខ្សែក្រវ៉ាក់មួយរបស់ចិន និងគម្រោងច្រករបៀងសេដ្ឋកិច្ចរបស់ប្រទេសវៀតណាម ។សូមបញ្ជាក់ថាថាចិននិងវៀតណាមបាននិងកំពុងមានបញ្ហាទឹកដីកោះជាមួយក្នុងនៅក្នុងសមុទ្រចិនខាងត្បូង ដែលធ្វើឲ្យវៀតណាមត្រូវបង្កើនកិច្ចសហការជាមួយអាមេរិកដើម្បីជាបង្អែក។តែទោះជាមានទំនាសជាមួយគ្នាក៏ប្រទេសកុំមុយនិស្តទាំងពីរនេះមានទំនាក់ទំនងពាណិជ្ជកម្មជាមួយគ្នាយ៉ាងសម្បើមដដែល។ប្រភព៖ Reuters Connect