វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2939 នាក់
ម្សិលមិញ 6501 នាក់
សរុប 13951494 នាក់
តូក្យូ៖ ប្រធានាធិបតីសហរដ្ឋអាមេរិក លោក ចូ បៃឌិន បានចាប់ផ្តើមគំនិតផ្តួចផ្តើមពាណិជ្ជកម្មថ្មីនៅអាស៊ី-ប៉ាស៊ីហ្វិក នៅថ្ងៃចន្ទនេះ នៅទីក្រុងតូក្យូ ប្រទេសជប៉ុន ដោយមានប្រទេសចំនួន ១៣ រួមទាំងឥណ្ឌា និងជប៉ុន បានចុះហត្ថលេខាលើគំនិតផ្តួចផ្តើមនេះ ទោះបីជានៅតែមានសំ ណួរអំពីប្រសិទ្ធភាពនៃកិច្ចព្រមព្រៀងនេះក៏ដោយ។ នេះបើយោងតាមការចេញផ្សាយរបស់ទីភ្នាក់ងារសារព័ត៌មាន AFP។
លោក បៃឌិន បានបង្ហាញជាផ្លូវការនូវក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិកសម្រាប់វិបុលភាព(IPEF) នៅថ្ងៃទីពីរនៃដំណើរទស្សនកិច្ចរបស់លោកក្នុងប្រទេសជប៉ុន ជាកន្លែងដែលលោកបានជួបពិភាក្សាជាមួយនាយករដ្ឋមន្ត្រីជប៉ុន លោក Fumio Kishida នៅមុនកិច្ចប្រជុំកំពូលក្នុងតំបន់ Quad នៅថ្ងៃអង្គារស្អែកនេះ។លោក បៃឌិន បាននិយាយថា៖ «ខ្ញុំជឿថាយើងនឹងឈ្នះការប្រកួតប្រជែងនៅក្នុងសតវត្សទី ២១ ជាមួយគ្នា»។សម្រាប់សមាជិកនៃក្របខ័ណ្ឌសេដ្ឋកិច្ចឥណ្ឌូ-ប៉ាស៊ីហ្វិកនេះ នឹងមានការរួមបញ្ចូលដៃគូតាមរយៈស្តង់ដារដែលបានព្រមព្រៀងគ្នាក្នុងវិស័យសំខាន់ៗចំនួនបួន គឺរួមមាន៖ សេដ្ឋកិច្ចឌីជីថល ខ្សែសង្វាក់ផ្គត់ផ្គង់ ហេដ្ឋារចនាសម្ព័ន្ធថាមពលស្អាត និងវិធានការប្រឆាំងអំពើពុករលួយ។
បញ្ជីឈ្មោះសមាជិកដំបូងបន្ថែមពីសហរដ្ឋអាមេរិក រួមមាន៖ អូស្ត្រាលី ប្រ៊ុយណេ ឥណ្ឌា ឥណ្ឌូនេស៊ី ជប៉ុន ម៉ាឡេស៊ី នូវែលសេឡង់ ហ្វីលីពីន សិង្ហបុរី កូរ៉េខាងត្បូង ថៃ និងវៀតណាម។ ការចូលរួមរបស់បណ្តាប្រទេសទាំងនេះ មានចំនួនប្រហែល ៤០% នៃផលិតផលក្នុងស្រុកសរុបរបស់ពិភពលោក។នៅក្នុងសេចក្តីថ្លែងការណ៍រួមពួកគេថា៖ «យើងចែករំលែកការប្តេជ្ញាចិត្តចំពោះតំបន់ឥណ្ឌូប៉ាស៊ីហ្វិកសេរី បើកចំហ យុត្តិធម៌ រួមបញ្ចូល ទំនាក់ទំនងគ្នាទៅវិញទៅមក ភាពធន់ សុវត្ថិភាព និងវិបុលភាពនៃតំបន់ឥណ្ឌូ-ប៉ាស៊ីហ្វិក។ ការចូលរួមផ្នែកសេដ្ឋកិច្ចកាន់តែស៊ីជម្រៅក្នុងចំណោមដៃគូនានា គឺជាកត្តាសំខាន់សម្រាប់ការបន្តរីកចម្រើន សន្តិភាព និងវិបុលភាព»។
តាមប្រភពនៃអ្នកទទួលខុសត្រូវជាន់ខ្ពស់អាមេរិកម្នាក់ គឺឲ្យដឹងថា ថ្នាក់ដឹកនាំប្រទេសទាំងបួន ត្រូវរកឯកភាពគ្នា ដើម្បីមានប្រព័ន្ធរួមមួយ សម្រាប់ចរាចរណ៍ផ្លូវទឹកនៅក្នុងតំបន់ឥណ្ឌូ-ប៉ាស៊ីហ្វិក ហើយសម្រាប់ជាមធ្យោបាយដឹកជញ្ជូនផ្លូវទឹកផង និងជាតំបន់សេដ្ឋកិច្ចរួមគ្នាផង។ ក្នុងការចរចាជជែកគ្នានោះ ប្រទេសទាំងបួន ក៏ត្រូវរកមធ្យោបាយឯកភាពចំពោះការចែករំលែងព័ត៌មានឲ្យគ្នាទៅវិញទៅមក ដើម្បីត្រួតពិនិត្យសកម្មភាពលើផ្លូវសមុទ្ទ តួយ៉ាងសកម្មភាពនេសាទខុសច្បាប់ ជាដើម។ជប៉ុន សហរដ្ឋអាមេរិក ឥណ្ឌា និងអូស្ត្រាលី បានសម្រេចចិត្តរួមគ្នាថា គ្រោងនឹងវិនិយោគយ៉ាងហោច៥០ពាន់លានដុល្លារ (៤៧ពាន់លានអឺរ៉ូ) គឺវិនិយោគក្នុងគម្រោងអភិវឌ្ឍហេដ្ឋារចនាសម្ព័ន្ធនៅក្នុងតំបន់ឥណ្ឌូ-ប៉ាស៊ីហ្វិក ក្នុងរយៈពេល៥ឆ្នាំទៅមុខ។ នេះគឺការប្រកាសឲ្យដឹងពីសំណាក់នាយករដ្ឋមន្ត្រីជប៉ុន។ ប្រទេសទាំងបួននេះ កំពុងតែចង់ប្រជែងនឹងគម្រោងអភិវឌ្ឍហេដ្ឋារចនាសម្ព័ន្ធអាស៊ីរបស់ចិន ដែលគេស្គាល់ថា គម្រោងផ្លូវសូត្រ ឬ ផ្លូវមួយខ្សែក្រវ៉ាត់ មួយនោះហើយ។ទោះជាយ៉ាងណាគេនៅព្រួយបារម្ភចំពោះជំហរប្រទេសឥណ្ឌាផងដែរ។
ដូចជា ករណីសង្គ្រាមឈ្លានពានរុស្ស៊ីលើអ៊ុយក្រែន ប្រទេសបីផ្សេងទៀតបានថ្កោលទោសរុស្ស៊ីជាចំហ តែចំពោះឥណ្ឌាវិញ គឺរក្សាភាពស្ងៀមស្ងាត់ ឬក៏ ប្រឹងប្រឹងរក្សាជំហរជាកណ្តាល។ ឥណ្ឌា នៅត្រូវការពឹងពាក់ច្រើនលើរុស្ស៊ី ពិសេសគ្រឿងសព្វាវុធ។ សាស្ត្រាចារ្យនយោបាយ Kazuhiro Maeshima នៅសកលវិទ្យាល័យសូហ្វីយ៉ា នៅក្រុងតូក្យូ កត់សម្គាល់ដែរថា បក្សសម្ព័ន្ធក្វាដ ហាក់ប្រឹងប្រែងយកចិត្តទុកដាក់ណាស់ ក្នុងរកវិធីសាស្ត្រទប់ទល់នឹងចិន តែឥណ្ឌាឯណោះហាក់ប្រហែលជាអាចកាន់ជំហរអព្យាក្រឹតផង មើលទៅ។ ប្រធានាធិបតីអាមេរិក លោកចូ បៃដិន នៅ ក្នុងឱកាសជំនួបនេះ បានលួងលោមចិត្តឥណ្ឌា និងពង្រឹងស្មារតីលោកនាយករដ្ឋមន្ត្រិ នរិន្ទ្រាម៉ូឌី ឲ្យទុកចិត្តលើបក្សសម្ព័ន្ធ ហើយហ៊ាននិយាយពីជំហរឲ្យត្រង់ទៅត្រង់មក។