អសបសសើរកងទព័មួកខៀវកម្ពុជាឧបនាយករដ្ឋមន្ត្រី សុខ ចិន្តាសោភា អញ្ជើញចូលរួមកម្មវិធីស្វាគមន៍ប្រមុខរដ្ឋ រៀបចំដោយប្រធានាធិបតីអាមេរិក Joe Biden
16-September-2024 / ព័ត៌មានជាតិ
អាមេរិក៖ លោកឧបនាយករដ្ឋមន្ត្រី សុខ ចិន្តាសោភា រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ តំណាងដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញចូលរួមកម្មវិធីស្វាគមន៍កម្រិតប្រមុខរដ្ឋ និងប្រមុខរដ្ឋាភិបាល តបតាមការអញ្ជើញរបស់លោក Joe Biden ប្រធានាធិបតីនៃសហរដ្ឋអាមេរិក នៅសារមន្ទីរសិល្បៈទីក្រុងញូវយ៉ក (Metropolitan Museum of Art)កាលពៅីថ្ងៃទី២៥ ខែកញ្ញា ឆ្នាំ២០២៤ ។គេមិនដឹងថាតើលោករដ្ឋមន្ត្រីការបរទេសកម្ពុជាមានរំលឹករឿងអាមេរិកដាក់ទណ្ឌកម្មលើលោកឧកញ៉ាលីយុងផាត់ដែរឬអត់នោះទេជាមួយលោកប្រធានាធិបតីចូ?។
ក្នុងឱកាសអញ្ជើញចូលរួមក្នុងមហាសន្និបាតអង្គការសហប្រជាជាតិ (UN) លើកទី៧៩ លោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីការបរទេស និងសហប្រតិបត្តិការអន្តរជាតិ នៅថ្ងៃទី២៨ ខែកញ្ញា ឆ្នាំ២០២៤នេះ បានជួបពិភាក្សាការងារជាមួយលោក António Guterres អគ្គលេខាធិការអង្គការសហប្រជាជាតិ នៅទីស្នាក់ការអង្គការសហប្រជាជាតិ នៅទីក្រុងញូវយ៉កផងដែរ។
លោកឧបនាយករដ្ឋមន្ត្រី បានជម្រាបជូនថា ព្រះរាជាណាចក្រកម្ពុជា មានក្តីសោមនស្សរីករាយ ទទួលស្វាគមន៍យ៉ាងកក់ក្តៅ ចំពោះដំណើរទស្សនកិច្ចចំនួន៤ របស់អគ្គលេខាធិការរងអង្គការសហប្រជាជាតិ ក្នុងចន្លោះខែឧសភា និងខែកក្កដា ឆ្នាំ២០២៤។ ទស្សនកិច្ចនេះ បានឆ្លុះបញ្ចាំងយ៉ាងច្បាស់ពីទំនាក់ទំនង និងកិច្ចសហប្រតិបត្តិការយ៉ាងជិតស្និទ្ធ រវាងរាជរដ្ឋាភិបាលកម្ពុជា និងអង្គការសហប្រជាជាតិ។
លោកឧបនាយករដ្ឋមន្ត្រី ក៏បានអួត ថា ថ្វីត្បិតតែកម្ពុជាជាប្រទេសតូច និងធ្លាប់ឆ្លងកាត់សោកនាដកម្មនៃសង្គ្រាមរាំរ៉ៃជាច្រើនទសវត្សរ៍ក៏ដោយ កម្ពុជាបច្ចុប្បន្ននេះមានមោទនភាពដែល បានចូលរួមបញ្ជូនកងកម្លាំង ក្នុងប្រតិបត្តិការថែរក្សាសន្តិភាពរបស់អង្គការសហប្រជាជាតិ។លោកអគ្គលេខាធិការ បានថ្លែងអំណរគុណ ចំពោះរាជរដ្ឋាភិបាលកម្ពុជា និងឧបនាយករដ្ឋមន្ត្រី ចំពោះការរួមចំណែកយ៉ាងសំខាន់របស់កម្ពុជា ក្នុងប្រតិបត្តិការរក្សាសន្តិភាពរបស់អង្គការសហប្រជាជាតិនៅទូទាំងពិភពលោក។លោកអគ្គលេខាធិការ ក៏បានសម្តែងការពេញចិត្ត ចំពោះកិច្ចសហប្រតិបត្តិការជិតស្និទ្ធរវាងកម្ពុជា និងអង្គការសហប្រជាជាតិ ក្នុងវិស័យជាច្រើនផ្សេងទៀត និងបានកោតសរសើរកម្ពុជា ចំពោះការអភិវឌ្ឍសង្គម-សេដ្ឋកិច្ច គួរឱ្យកត់សម្គាល់។
សូមបញ្ជាក់ថាថ្លែងនៅក្នុងកិច្ចប្រជុំកំពូលស្តីពី«អនាគត» កាលពីថ្ងៃទី ២៣ ខែកញ្ញាលោក សុខ ចិន្តាសោភា ឧបនាយករដ្ឋមន្ត្រី និងជារដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានង្ហាញថា នូវគន្លឹះចំនួន ៥ ចំណុច ដែលរួមមាន៖ ទី ១ ភាពកាន់តែផុយស្រួយនៃសន្តិភាព និងសន្តិសុខអន្តរជាតិ។ ទី ២ តម្រូវការហិរញ្ញប្បទានសម្រាប់ការអភិវឌ្ឍប្រកបដោយចីរភាព។ទី ៣ ដំណោះស្រាយ និងហានិភ័យនៃការរីកចម្រើននៃវិទ្យាសាស្ត្រ បច្ចេកវិទ្យាឌីជីថល និងនវានុវត្តន៍ចំពោះការអភិវឌ្ឍមនុស្សជាតិ។ ទី ៤ សារៈ សំខាន់នៃការចូលរួមរបស់យុវជននៅក្នុងការអភិវឌ្ឍ និងទី ៥ សារៈសំខាន់នៃការផ្លាស់ប្តូរអភិបាលកិច្ចសាកលសម្រាប់សន្តិភាព ស្ថិរភាព និងការសម្រេចបាននូវគោលដៅអភិវឌ្ឍន៍ប្រកបដោយចីរភាព។ នេះបើយោងតាមក្រសួងការបរទេសកម្ពុជា។
នៅក្នុងមហាសន្និបាតនោះ កម្ពុជាក៏បានចូលរួមកិច្ចប្រជុំរដ្ឋមន្ត្រីការបរទេស G20 ហើយនឹងចូលរួមកិច្ចប្រជុំរដ្ឋមន្ត្រីអាស៊ាន-សម្ព័ន្ធប៉ាស៊ីហ្វីកលើកទី ៧ និងគ្រោងជួបពិភាក្សាទ្វេភាគីជាមួយអគ្គលេខាធិការអង្គការសហប្រជាជាតិ និងឥស្សរជនជាន់ខ្ពស់របស់បណ្តាប្រទេសនានា។តាមសេចក្តីប្រកាសព័ត៌មានរបស់ក្រសួងការបរទេសកម្ពុជាកាលពីថ្ងៃទី ២៦ ខែកញ្ញា កិច្ចប្រជុំស្តីពី «អនាគត» ក្រោមប្រធានបទ «ដំណោះស្រាយពហុភាគីសម្រាប់ថ្ងៃស្អែកកាន់តែល្អប្រសើរ» ដែលធ្វើឡើងកាលពីថ្ងៃទី ២២ និង ២៣ ខែកញ្ញា ឆ្នាំ ២០២៤ នៅទីស្នាក់ការអង្គការសហប្រជាជាតិ ក្នុងទីក្រុងញូវយ៉ក គឺផ្តោតសំខាន់ទៅលើសារៈសំខាន់នៃការពង្រឹងពហុភាគីនិយមសម្រាប់ការថែរក្សាសន្តិភាព និងសន្តិសុខអន្តរជាតិ និងការសម្រេចបាននូវរបៀបវារៈឆ្នាំ ២០២៣ សម្រាប់ការអភិវឌ្ឍប្រកបដោយចីរភាព។
កិច្ចប្រជុំស្តីពី «អនាគត» បានពិភាក្សា និងបញ្ជាក់ពីការប្តេជ្ញាចិត្តចំពោះសកម្មភាពមួយចំនួន ដើម្បីរក្សាសន្តិភាព និងសន្តិសុខសកលលោក ប្រយុទ្ធប្រឆាំងនឹងផលប៉ះពាល់នៃការប្រែប្រួលអាកាសធាតុ ភាពក្រីក្រ វិសមភាព និងធានាថា ការរីកចម្រើននៃបច្ចេកវិទ្យានឹងគាំទ្រដល់កំណើនសេដ្ឋកិច្ចប្រកបដោយចីរភាព និងការអភិវឌ្ឍមនុស្សជាតិ។
