សម្តេចបវរធិបតី ឲ្យរដ្ឋមន្ត្រីក្រសួងយុត្តិធម៌ ធ្វើអធិបញ្ជា ប្តឹងតវ៉ាទៅសាលាឧទ្ធរណ៍ ករណីយ៍បើកឡាន ហ្វតបុកសម្លាប់មនុស្ស៤នាក់ តើដោះស្រាយបានយុត្តិធម៍សង្គមអត់?
06-August-2026 / ព័ត៌មានជាតិ
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រថឹកថ្ងៃទី២៦កញ្ញា បានណែនាំឱ្យ ឧបនាយករដ្ឋមន្ត្រី កើត រិទ្ធ រដ្ឋមន្ត្រីក្រសួងយុត្តិធម៌ ឱ្យធ្វើអធិបញ្ជា ទៅអគ្គព្រះរាជអាជ្ញាអមសាលាឧទ្ធរណ៍ ដើម្បីប្តឹងតវ៉ាទៅសាលាឧទ្ធរណ៍ ជុំវិញការសម្រេចក្តីរបស់សាលាដំបូងរាជធានីភ្នំពេញឱ្យ ម្ចាស់រថយន្ត Ford Ranger ជាប់ពន្ធនាគារ៥ឆ្នាំករណីយ័ស្រវឹងបើកបរបុកសម្លាប់មនុស្ស៤នាក់។
សូមបញ្ជាក់ សាលាដំបូងរាជធានីភ្នំពេញ នៅរសៀលថ្ងៃទី២៥ ខែកញ្ញា ឆ្នាំ២០២៤ បានប្រកាសសាលក្រមកាត់ទោស លោក នាង សំអូន(មន្ត្រីក្រសួងសេដ្ឋកិច្ចហិរញ្ញវត្ថុ) ដែលស្រវឹងបើករថយន្ត Ford Ranger បង្កគ្រោះថ្នាក់ចរាចរណ៍កាលពីយប់ ថ្ងៃទី២០ ខែមករា ឆ្នាំ២០២៤ បណ្តាលឱ្យមានមនុស្សស្លាប់៤នាក់ស្លាប់ និង៤នាក់ទៀតរងរបួស នៅក្រោមស្ពានអាកាសឬស្សីកែវ ។
នៅថ្ងៃទី២៥ ខែកញ្ញា ឆ្នាំ២០២៤ ចៅក្រមជំនុំជម្រះនៃសាលាដំបូងរាជធានីភ្នំពេញ បានប្រកាសជាសាធារណៈនូវសាលក្រមព្រហ្មទណ្ឌលេខ ៣៨៦៧ «វ» នៅថ្ងៃទី២៥ ខែកញ្ញា ឆ្នាំ២០២៤ នៅក្នុងសំណុំរឿងព្រហ្មទណ្ឌ លេខ ៤៩០ ចុះថ្ងៃទី២២ ខែមករា ឆ្នាំ២០២៤ បានសម្រេចផ្ដន្ទាទោសជនជាប់ចោទឈ្មោះ នាង សំអូន ភេទប្រុស អាយុ៥៦ឆ្នាំ ដាក់ពន្ធនាគារកំណត់រយៈពេល ០៥ឆ្នាំ និងពិន័យជាប្រាក់ចំនួន ២០ ០០០ ០០០ រៀលពីបទ បើកបរស្ថិតក្នុងស្ថានភាពស្រវឹងបង្កគ្រោះថ្នាក់បណ្តាលឱ្យស្លាប់ និងរបួសអ្នកដទៃ ប្រព្រឹត្តនៅចំណុចស្ពានឫស្សីកែវ ប្រសព្វផ្លូវជាតិលេខ៥ និងស្ពានប្ញស្សីកែវថ្មី ភូមិមិត្តភាព សង្កាត់ប្ញស្សីកែវ ខណ្ឌឫស្សីកែវ រាជធានីភ្នំពេញ កាលពីថ្ងៃទី២០ ខែមករា ឆ្នាំ២០២៤ បទល្មើសព្រហ្មទណ្ឌដែលមានចែង និងផ្តន្ទាទោសតាមមាត្រា ៨៣កថាខណ្ឌទី២ ចំណុច ខ ចំណុច គ និងមាត្រា ៨៥ កថាខណ្ឌទី២ ចំណុច ខ ចំណុច គ នៃច្បាប់ស្តីពីចរាចរណ៍ផ្លូវគោក។
អ្នកនាំពាក្យសាលាដំបូងរាជធានីភ្នំពេញបញ្ជាក់ថា ករណីនេះ ទោះបីជាដើមបណ្តឹងរដ្ឋប្បវេណីទាំងអស់បានទទួលសំណង និងដកពាក្យបណ្ដឹងរួចហើយក៏ដោយ ក៏ចៅក្រមជំនុំជម្រះ បានប្រកាសទោសដាក់ពន្ធនាគារ ក្នុងកម្រិតអតិបរមានៃទោសដែលច្បាប់បានកំណត់ និងបានប្រកាសទោសបន្ថែមលើជនជាប់ចោទឈោះ្ម នាង សំអូន ដោយហាមឃាត់ចំពោះការបើកបរយានយន្តគ្រប់ប្រភេទរយៈពេល ៥ឆ្នាំ បន្ទាប់ពីបានអនុវត្តទោសចប់ក្នុងពន្ធនាគារ។
ថ្លែងក្នុងពិធីប្រគល់សញ្ញាបត្រជូននិស្សិតសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សម្តេចធិបតី ហ៊ុន ម៉ាណែត បានគូសបញ្ជាក់ដូច្នេះថា៖ «ត្រូវប្តឹងទៅឧទ្ធរណ៍ ខ្ញុំប្រគល់ភារកិច្ចឱ្យក្រសួងយុត្តិធម៌ ប្រើអំណាចអធិបញ្ជារបស់ខ្លួនតាមច្បាប់ឱ្យគោលការណ៍ទៅអគ្គព្រះរាជអាជ្ញាអមសាលាឧទ្ធរណ៍ ប្តឹងទៅសាលាឧទ្ធរណ៍ ដើម្បីពិនិត្យមើលការសម្រេចនេះធ្ងន់គ្រប់គ្រាន់ហើយឬនៅ ព្រោះបុកស្លាប់ដល់ទៅ៤នាក់ឯណោះ»។ជាមួយនឹងការណែនាំ ឱ្យលោកឧបនាយករដ្ឋមន្ត្រី កើត រិទ្ធ ឱ្យរៀបចំឯកសារ សម្តេចបានបន្ថែមថា៖ «រឿងនេះប៉ះពាល់ច្រើនណាស់ ហើយជាគំរូ ទៅដល់អ្នកដែលបើកបរស្រវឹងផ្សេងទៀតផងដែរ»។
បើតាម សម្តេចធិបតី ហ៊ុន ម៉ាណែត, ករណីនេះ ប្រសិនបើច្បាប់ចែងអស់ធ្ងន់ត្រឹម៥ឆ្នាំហើយនោះ ក្រសួងយុត្តិធម៌ ក៏ត្រូវរៀបចំវិសោធនកម្មច្បាប់ នៅពេលខាងមុខ ដើម្បីកំណត់ទោសឱ្យបានសមស្របផងដែរ។សម្តេចបានថ្លែងថា៖ «បើច្បាប់កំណត់ យើងមិនអាចធ្វើអ្វីឱ្យលើសពីដែនកំណត់នៃច្បាប់ដែលមានជាធរមានបានទេ ប៉ុន្តែយើងត្រូវពិនិត្យមើល បើសិនជាទម្ងន់នេះដាក់អស់ហើយ យើងត្រូវតែពិនិត្យមើល ដើម្បីធ្វើវិសោធនកម្មច្បាប់ ដើម្បីបង្កើនទម្ងន់ទោសទៅថ្ងៃក្រោយ»។
សម្តេចបានបន្តថា រឿងបង្កគ្រោះថ្នាក់ចរាចរណ៍ ដោយស្រវឹងនេះ បើចង់អនុវត្តទប់ស្កាត់ គឺត្រូវបង្កាតាមរយៈការអនុវត្តច្បាប់ឱ្យបានតឹងរឹង។ សម្តេចថ្លែងទៀតថា រដ្ឋាភិបាលមិនអាចទៅបញ្ជាតុលាការទេ ហើយតុលាការក៏មិនអាចកាត់ក្តីឱ្យលើសពីក្របខណ្ឌច្បាប់បានទេ។ ក្រសួងយុត្តិធម៌ ដែលកំពុងរៀបចំវិសោធនកម្មលើក្រមព្រហ្មទណ្ឌ និងក្រមរដ្ឋប្បវេណី គឺត្រូវតែពិនិត្យមើលការកែសម្រួលចំណុចនេះផងដែរ.។
ជុំវិញការណែនាំនេះបង្កឲ្យមានការពិចារណាថាតើការប្តឹងឧទ្ធរណ៍ឬការធ្វើវិសោធនកម្មក្រមព្រហ្មទណ្ឌដើម្បីផ្តន្ទាទោសឲ្យធ្ងន់អាចរកយុត្តិធម៍ក្នុងសង្គមបានដែរអត់?។ទោះបីយ៉ាងណាគេមិនបដិសេធទេថាក្នុងសង្គមខ្មែរយើងសព្វថ្ងៃការប្តឹងឧទ្ធរណ៍និងកែច្បាប់ព្រហ្មទណ្ឌជារឿងមួយដែលរដ្ឋាភិបាលដែលជាអ្នករក្សាសណ្តាប់ធ្នាប់សង្គមត្រូវគិត។តែបញ្ហាជាគន្លឺះវាមិនមែនមានតែប៉ុណ្ណឹងទេគឺអំពើរពុករលួយក្នុងសង្គមខ្មែរទេតើ!។ជាក់ស្តែងកន្លងមកមានការតម្លើងប្រាក់ខែឲ្យមន្ត្រីរាជការស្ថាបន័តុលាការដើម្បីកុំឲ្យមានអំពើពុករលួយតែសួថាបានផលប៉ុនណា!?។
សួរអ្នកមានរឿងក្តីក្នុងតុលាការមើលថាតើមានចាយសេវាក្រោមតុថែមអត់?។ចឹងបញ្ហាដំណោះស្រាយក្រៅពីពង្រឹងតួនាទីឧត្តមក្រុមប្រឹក្សានៃអង្គចៅក្រមដែលមានសិទ្ធអំណាចលើស្ថាបន័តុលាការរាជរដ្ឋាភិបាលក៏ត្រូវអនុវត្តន៍យន្តការអភិក្រមទាំង៥(ឆ្លុះកញ្ចក់ងូតទឹកដុក្អែលវះកាត់)ដោយជម្រុញឲ្យស្ថាបន័ប្រឆាំងអំពើរពុករលួយជួយមើលមន្ត្រីក្នុងស្ថាបន័តុលាការផងដែរបើចង់ឲ្យមានយុត្តិធម៍ក្នុងសង្គមពិតប្រាកដ!។
