វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4119 នាក់
ម្សិលមិញ 10264 នាក់
សរុប 14143301 នាក់
ខេត្តមណ្ឌលគីរិ៖បទល្មើសព្រៃឈើនៅខេត្តមណ្ឌលគីរីត្រូវបានគេរាយការណ៍មកថាចាប់ផ្តើមកម្រើកឡើងវិញហើយតាមច្រកដាក់ដាំខេត្តមណ្ឌលគីរីទៅវៀតណាម។
ករណីយ៍នេះបានកើតក្នុងពេលដែលសមត្តកិច្ចកំពុងធ្វើការរឿងដីធ្លីក៏ដូចជាទឹកជំនន់ឈ្មួញធំៗក៏បានឆ្លៀតបន្តសកម្មភាពកាប់ឈើនិងដឹកជញ្ជូនឈើពីខេត្តមណ្ឌលគិរីចេញទៅវៀតណាម។សេចក្តីរាយការណ៍បានឲ្យដឹងថាបច្ចុប្បន្នឈ្មួញនៅតែអាចដឹកជញ្ជូនឈើចេញពីតំបន់អភិរក្សជីវៈចម្រុះកែវសីមាស្រុកកែវសីមានិងពីតំបន់ផ្សេងៗទៀតចេញទៅវៀតណាមតាមច្រកដាក់ដាំយ៉ាងរលូន?។
ប្រភពពីអ្នករកស៊ីឈើក្នុងខេត្តមណ្ឌលគិរីបានឲ្យដឹងថាឈ្មួញឈ្មោះម៉ាប់ឈ្មួញឈ្មោះសុឃុន និងឈ្មួញឈ្មោះ តាឌីជាដើមនៅតែអាចធ្វើសកម្មភាពដឹកជញ្ជូនឈើពីស្រុកកែវសីមាស្រុកអូររាំងនិងស្រុកពេជ្រាដា យ៉ាងពេញបន្ទុក។ ប្រការនេះហើយដែលធ្វើឲ្យព្រៃឈើនៅសេសសល់ក្នុងស្រុកកែវសីមាស្រុកអូររាំងស្រុកពេជ្រាដា និងស្រុកកោះញែក ខេត្តមណ្ឌលគិរីត្រូវប្រឈមនឹងសេចក្តីវិនាសព្រោះប្រធានមន្ទីរបរិស្ថានខេត្តមណ្ឌលគិរី ប្រធានមន្ទីរកសិកម្មខេត្តមណ្ឌលគិរីនិងនាយខណ្ឌរដ្ឋបាលព្រៃឈើខេត្តមណ្ឌលគិរី បណ្តោយឲ្យបទល្មើសព្រៃឈើកើតឡើងទើបកើតបាន។
លោកយូ សុធា នាយប៉ុស្តិ៍នគរបាលអន្តោប្រវេសន៍ច្រកដាក់ដាំត្រូវបានគេរាយការណ៍ថាជាអ្នកមានសិទ្ធិអំណាចធំធេងជាងគេក្នុងការបើកបារ៉ាស់ឲ្យឈ្មួញដឹកជញ្ជូនឈើចេញទៅវៀតណាម។ពាក់ព័ន្ធនឹងព័ត៌មានខាងលើនេះសារព័ត៌មានយើងមិនទាន់អាចសុំការពន្យល់ណាមួយពីសមត្ថកិច្ចពាក់ព័ន្ធនៅព្រឹកថៃ្ងទី២៣ខែតុលាឆ្នាំ២០២០នេះ។
នេះគ្រាន់ជាសារមួយជម្រាបជូននាយឧត្តមសេនីយ៍សៅសុខាអគ្គមេបញ្ជាការរងកងយុទ្ធពលខេមរភូមិន្ទនិងជាមេបញ្ជាការកងរាជអាវុធហត្ថលើផ្ទៃប្រទេសនិងជាប្រធានគណៈកម្មាធិការទប់ស្កាត់និងបង្ក្រាបបទល្មើសធនធានធម្មជាតិមេត្តាបញ្ជូនក្រុមអធិការកិច្ចចុះមកស្រាវជ្រាវនិងពិនិត្យការដឹកជញ្ជូនឈើតាមច្រកសំខាន់ៗផងទាន!។សូមបញ្ជាក់ដែរថាកាលពីថ្ងៃដែលរាជរដ្ឋាភិបាលឲ្យឈប់សម្រាកជំនួសថ្ងៃចូលឆ្នាំខ្មែរឈ្មួញក៏ឆ្លៀតឱកាសលួចនាំចេញឈើជាច្រើនឡានសាំយ៉ុងផងដែរ។កាលនោះមានមន្ត្រីខ្លះបានលិធខ្លះអត់បានទេ?។