វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3091 នាក់
ម្សិលមិញ 10264 នាក់
សរុប 14142273 នាក់
ភ្នំពេញ៖អាជ្ញាធរចម្រុះបានធ្វើការដកហូតយកសត្វតោមួយក្បាលពីជនជាតិចិន ដែលបានចិញ្ចឹមនៅក្នុងផ្ទះតាំងពីតូចដូចសត្វឆ្កែស៊ាំជាមួយមនុស្ស។ការចុះដកហូតសត្វតោដែលជាប្រភេទសត្វព្រៃកម្រនេះ ដឹកនាំដោយ លោក គាំ សីហា នាយខណ្ឌរដ្ឋបាលព្រៃឈើភ្នំពេញ សហការជាមួយព្រះរាជអាជ្ញារងអមសាលាដំបូងរាជធានីភ្នំពេញ និងមានការចូលរួមពីអង្គការសម្ព័ន្ធមិត្តសត្វព្រៃ Wildlife Alliance ព្រមទាំងសមត្ថកិច្ចចម្រុះមូលដ្ឋាននៅព្រឹកថ្ងៃទី២៧ ខែមិថុនា ឆ្នាំ២០២១ នៅក្នុងផ្ទះវីឡាមួយ ស្ថិតនៅផ្ទះលេខ២២ ផ្លូវ៣០៦ ភូមិ៧ សង្កាត់បឹងកេងកង១ ខណ្ឌបឹងកេងកង ។
នាយខណ្ឌរដ្ឋបាលព្រៃឈើភ្នំពេញ បានឱ្យដឹងថា «ដោយសារមានប្រជាពលរដ្ឋជិតខាងបានរាយការណ៍ប្រាប់អំពីការចិញ្ចឹមសត្វតោ នៅក្នុងផ្ទះវីឡាខាងលើពីសំណាក់បុរសជនជាតិចិន ទើបអាជ្ញាធរសហការជាមួយអាជ្ញារមូលដ្ឋានចុះធ្វើការស្រាវជ្រាវឈានដល់ការចុះដកហូតយកសត្វតោឈ្មោលមួយក្បាលនោះ ដើម្បីបញ្ជូនទៅថែរក្សាទុក»។លោកមេព្រៃថា ប្រជាពលរដ្ឋមិនមានសិទ្ធិក្នុងការចិញ្ចឹមសត្វព្រៃដែលជាប្រភេទសត្វកម្រនោះទេ ដែលផ្ទុយពីច្បាប់ និងមាត្រា៤៩ នៃច្បាប់ស្តីពីព្រៃឈើ កថាខ័ណ្ឌ២ ត្រង់ចំណុច៣ ដែលបានចែងថា ការយកធ្វើជាកម្មសិទ្ធិ សន្និធិ ឬថែរក្សាជាលក្ខណៈសួនសត្វ ឬគ្រួសារនូវប្រភេទសត្វក្នុងក្រុមជិតផុតពូជ ត្រូវបានហាមឃាត់។
លោកបានគូសបញ្ជាក់ថា «ចំពោះសត្វតោឈ្មោលមួយក្បាលនោះនឹងធ្វើការប្រគល់ជូនទៅកាន់មជ្ឈមណ្ឌលថែទាំ និងសង្គ្រោះសត្វព្រៃភ្នំតាម៉ៅ ដេីម្បីចិញ្ចឹមបីបាច់បន្ត។ ចំពោះជនជាតិចិនដែលជាម្ចាស់ត្រូវបានអាជ្ញាធរហៅទៅធ្វើការណែនាំឈប់ឱ្យចិញ្ចឹមសត្វព្រៃបែបនេះបន្តទៀត»ដែលត្រូវបានគេរាយការណ៍ថាយករហូតដល់ទៅ៣ម៉ឺនដុល្លារអាមេរិក។សម្រាប់ម្ចាស់តោដែលជាជនជាតិចិនបានឲ្យកាសែតដឹងថាគាត់មិនបានដឹងថាគាត់បានចិញ្ចឹមវាតាំងពីតូចមកមិនមែនដើម្បីជួញដូអីទេគឺដោយសារស្រលាញ់វា។គាត់នៅស្រុកខ្មែរចិញ្ចឹមសត្វខុសច្បាប់នោះទេសុំឲ្យមានការសម្របសម្រួលការពិន័យផង!។
លោក កែវ អូម៉ាលីស្ស ប្រធានរដ្ឋបាលព្រៃឈើ បានថ្លែងបញ្ជាក់ប្រាប់អ្នកសារព័ត៌មានថា បុរសជនជាតិចិនរូបនេះ បានចិញ្ចឹមសត្វតោនោះ នៅប្រទេសចិន។ ប៉ុន្តែក្រោយពីមករស់នៅកម្ពុជា រូបគេ ក៏បាននាំសត្វតោនោះ មកចិញ្ចឹមដោយមិនបានសុំការអនុញ្ញាតពីរដ្ឋបាលព្រៃឈើឡើយ។បុរសជនជាតិចិននេះ ត្រូវបានរដ្ឋបាលព្រៃឈើភ្នំពេញ ពិន័យជាទឹកប្រាក់ ៣ម៉ឺនដុល្លារ និងធ្វើកិច្ចសន្យាបញ្ចប់ការចិញ្ចឹមសត្វព្រៃជាបន្តទៀត។បើតាមរដ្ឋបាលព្រៃឈើ សត្វតោនោះត្រូវបានបុរសជនជាតិចិន ទិញមកចិញ្ចឹមក្នុងតម្លៃ១ម៉ឺនដុល្លារ ក្នុងមួយក្បាល ដោយបានដកចង្កូមរបស់វាចេញ។តែម្ចាសតោបានប្រកែកថាគាត់មិនបានធ្វើអ្វីលើសត្វតោនោះទេ!។
សត្វតោឈ្មោលនោះមានទម្ងន់ជាង ៧០គីឡូក្រាម ត្រូវបានបុរសជនជាតិចិន ចិញ្ចឹមតាំងពីតូចរហូតដល់ពេលនេះមានអាយុប្រមាណ ១ឆ្នាំកន្លះ ដោយក្នុងមួយថ្ងៃបរិភោគសាច់ឆៅប្រមាណ៦គីឡូក្រាម។មហាជនជាច្រើនមានការសង្ស័យថា៖មិនដឹងថាតើពេលដកហូតយកទៅរក្សាទុកមានកការមើលថែទាំដិតដល់ឬអត់នោះទេ?។ប្រសិនបើមើលថែមិនដល់តោដែលស្លូតនិងធ្លាប់រស់នៅស្រួលហើយនៅវានឹងសត្វកើតជម្ងឺស្ត្រេសហើយវាអាចក្លាយជាសត្វកាចវិញក៏ថាបាន។នេះមិននិយាយពីការកើតទុក្ខម្ចាស់ដែលធ្លាប់មើលថែវានោះផងទេ។ការពិតវាអាចមានវិធីផ្សេងដូចជាដកហូតជារបស់រដ្ឋតែម្ចាស់ថែរក្សារបានដែរតើព្រោះភូមិគ្រឹះចិញ្ចឹមនោះទីធ្លាធំដែរតើ?។ប្រជាពលរដ្ឋថា៖បើចិញ្ចឹមតោខុសច្បាប់ការចិញ្ចឹមឥន្ទ្រីឬស្ទាំងសត្វក្ងោកឬសត្វកេងកងចិញ្ចឹមក៏ខុសដែរ៕