អ្នកកាសែតម្នាក់ត្រូវបានសមត្តកិច្ចចាប់ខ្លួនដាក់គុកតាមបណ្តឹងប្រធានមន្ទីរបរិស្ថានខេត្តកំពង់ធំដោយសារគ្រាន់តែផ្សាយរឿងកាប់បំផ្លាញឈើនៅព្រៃឡង់?
30-March-2025 / សន្តិសុខសង្គម
កំពង់ធំ៖ ពិតជាខ្លាំងមិនធម្មតាមែនតើអ្នកាសែតដែលមានតែកាម៉េរ៉ាប៊ិចសៀវភៅរំពឹងអី?ព្រោះគ្រាន់តែ លោក តុប កក្កដា ប្រធានមន្ទីរបរិស្ថានខេត្តកំពង់ធំ ប្ដឹងភ្លាមសមត្ថកិច្ចតុលាការឲ្យសម្តកតិច្ចចាប់ខ្លួនអ្នកកាសែតយកមកដាក់គុកភ្លាមតែម្ដង…!។កាសែតដែលគ្រាន់តែចង់ជួយសង្គមត្រុវតុលាការខេត្តកំពង់ធំចាប់ឃុំខ្លួនមានឈ្មោះសឿ សុជា ភេទប្រុសអាយុ៣១ឆ្នាំ នៅភូមិក្រាំង ឃុំសុចិត្រ ស្រុកសណ្ដាន់ ខេត្តកំពង់ធំ ប្រើប្រាស់គណនីហ្វេសប៊ុក«»”។អ្នកកាសែតរូបនេះគ្នាគ្រាន់តែឡាយផ្សាយព័ត៌មានសោះបង្ហាញរូបភាពកាប់ព្រៃឈើ”បែរជាមេធាវីតំណាងឱ្យលោក តុប កក្កដា ដាក់ពាក្យបណ្ដឹង ចូលអយ្យការអមសាលាដំបូងខេត្តកំពង់ធំ នៅថ្ងៃទី២០.០៥.២០២៤។
សមត្ថកិច្ច ក៏បានចាប់ខ្លួនអ្នកកាសែតភ្លាមៗ រួចបញ្ជូនទៅកាន់តុលាការដោយគ្មានការបកស្រាយពន្យល់អ្វីឡើយ! ។តុលាការ ក៏បានឃុំខ្លួនអ្នកកាសែត ដោយចោទប្រកាន់ចំនួន៣ បទល្មើសទៀតផង…..!។-អ្នកសារព័ត៌មានត្រូវចោទឈ្មោះ សឿ សុជា ដែលប្រើប្រាស់គណនីហ្វេសប៊ុក«អាស៊ានដេលី សឿ សុជា» ត្រូវសមត្ថកិច្ចឃាត់ខ្លួន នៅថ្ងៃទី២៤.ឧសភាឆ្នាំ.២០២៤ លុះដល់ថ្ងៃទី២៦.ឧសភា.២០២៤ ក៏ត្រូវបានចៅក្រមស៊ើបសួរ នៃសាលាដំបូងខេត្តកំពង់ធំ សម្រេចឃុំខ្លួន ដាក់ពន្ធនាគារជាបណ្ដោះអាសន្ន ពីបទ៖ ញុះញង់ឱ្យប្រព្រឹត្តបទឧក្រិដ្ឋជាអាទិ៍ បទ៖ ញុះញង់ឱ្យមានការរើសអើង និងបទ៖ បរិហារកេរ្តិ៍ជាសាធារណៈ ដែលបានប្រព្រឹត្ត នៅអំឡុង ខែឧសភា ឆ្នាំ២០២៤ តាមបញ្ញត្តិមាត្រា ៤៩៥.មាត្រា៤៩៦ និងមាត្រា ៣០៥ នៃក្រមព្រហ្មទណ្ឌ។
-ការចាប់ឃុំខ្លួនលោក សឿ សុជា នៅពេលនេះ បានធ្វើឱ្យបងប្អូនអ្នកសារព័ត៌មានផ្សេងៗទៀតនៅអាណាចក្រខេត្តកំពង់ធំមានការស្លុតចិត្ត និងខ្លាចរអា…!ជាខ្លាំង រហូតលែងហ៊ានចុះផ្សាយរិៈគន់ មន្ត្រីខិលខូចមួយចំនួនទៀតហើយ…!។សូម្បីឃើញបទល្មើសព្រៃឈើនៅហ្នឹងមុខ ឬមានពលរដ្ឋរាយការណ៍ អំពីសកម្មភាព ទន្ទ្រានកាន់កាប់ដីព្រៃរបស់រដ្ឋ ក៏អ្នកសារព័ត៌មានមួយចំនួនធំ មិនហ៊ានចុះផ្សាយអ្វីដែរ.!?។ដោយពួកគាត់លើកឡើងថា ផ្សាយរិៈគន់គេ គេមិនសប្បាយចិត្ត.គេខឹង ហើយបើអ្នកកាសែតខុសបន្តិចបន្តួច គេប្ដឹងគឺគេចមិនផុតពីគុកច្រវ៉ាក់នោះទេ…!។
ជាក់ស្ដែងថ្មីៗកន្លងមកនេះ មានអ្នកសារព័ត៌មាន ជាច្រើន ត្រូវបានសមត្ថកិច្ចចាប់ខ្លួនជាបន្តបន្ទាប់ ដោយចោទប្រកាន់ពីបទ កំហែងយក.ញុះញង់ឱ្យប្រព្រឹត្តបទឧក្រិដ្ឋជាអាទិ៍.ញុះញង់ឱ្យមានការរើសអើង.បរិហារកេរ្តិ៍ជាសាធារណៈ.ប្រើប្រាស់អំពើហិង្សា.និងប្រើប្រាស់ស្លាកលេខរថយន្តមិនប្រក្រតី.ជាដើមដោយមិនបានអនុវត្តន៍តាមអនុសាសន៍អតីតនាយករដ្ឋមន្ត្រីសម្តេចតេជោហ៊ុនសែនសម្រាប់អ្នកសារពត៍មានដែលថាបើផ្សាយខុសឲ្យកែតម្រូវតាមច្បាប់ស្តីពីរបបសារពត៍មាននោះទេ!។
ជុំវិញអង្គហេតុនេះ លោក សឿ សុជានៅក្នុងអំឡុងខែឧសភា ឆ្នាំ២០២៤ គាត់គ្រាន់តែឈរថតឡាយវីដេអូ លើចិញ្ចើមផ្លូវបង្ហា្ញរូបភាពព្រៃដែលកាប់ នៅមុខ”ស្នាក់ការបរិស្ថានអូរផ្អាវ”បង្ហាញពីព្រៃឈើដែលកាប់បំផ្លាញនិងបាននិយាយរិៈគន់ថា«ខ្មោចស្នាក់ការរងបរិស្ថានប្រចាំនៅតំបន់អូរផ្អាវ ដែលត្រូវមន្ត្រីបរិស្ថានបោះបង់ចោល។ដោយលោកនិយាយទៀតថា៖ ស្នាក់ការចាស់ដែលទុកចោល គឺជាឈើដែលបានកាប់យកមក សាងសង់ និងឈើ ដែលបានចាប់ពីពួកលួចកាប់ឈើ។
លោក សឿ សុជា បន្ថែមថា ដីព្រៃនៅទីនេះវាលអស់ កាល១ឆ្នាំ មុនសុទ្ធសឹងតែជាដីព្រៃស្តុក ។ដោយឃើញមានគេយកត្រាក់ទ័រមកឈូសឆាយព្រៃ តែគ្មានអ្នកអើពើហើយមន្ត្រីយាមយូរៗ ទៅបាត់ព្រៃអស់មិនមែន ការពារទេ បែជាអស់ព្រៃទៅវិញ ខណៈលោក តុប កក្កដា ថាដីទាំងនោះកាត់ឆ្វៀលរួចអស់ហើយ»(ឲ្យឯកជន?)។ការអត្ថាធិប្បាយឡាយផ្ទាល់របស់លោក សឿ សុជា ដូចខាងលើ.ត្រូវមន្ទីរបរិស្ថានខេត្តកំពង់ធំ ចាត់ទុកថា”ជាការផ្សាយមិនពិត ញុះញង់ឱ្យមានការរើសអើង ប៉ះពាល់ដល់ការខិតខំប្រឹងប្រែង របស់សមត្ថកិច្ចជំនាញអាជ្ញាធរគ្រប់ជាន់ថ្នាក់ និងគ្មានមូលដ្ឋានច្បាស់លាល់”។ចុះរូបភាពដែលលោក សឿ សុជាបង្ហាញជាការកាប់ព្រៃក្លែងក្លាយ?ករណីយ៍នេះគ្រាន់តែបំភ្លឺទើបជាការសមស្របតាមច្បាប់។
នៅថ្ងៃទី២០.ឧសភា.២០២៤ មេធាវីតំណាងឱ្យ មន្ទីរបរិស្ថានខេត្តកំពង់ធំ បានដាក់ពាក្យបណ្ដឹងប្ដឹងលោក សឿ សុជា ទៅអយ្យការអមសាលាដំបូងខេត្តកំពង់ធំ ពីបទ ញុះញង់ឱ្យប្រព្រឹត្តបទឧក្រិដ្ឋជាអាទិ៍ ញុះញង់ឱ្យមានការរើសអើង និង បរិហារកេរ្តិ៍ជាសាធារណៈ ហើយសមត្តិច្ចក៏មានការចាប់ និងឃុំខ្លួនលោក សឿ សុជា ភ្លាមៗតែម្ដងដោយមិនមានការកោះហៅឲ្យចូលបំភ្លឺអ្វីឡើយ! ?។ជុំវិញរឿងរ៉ាវខាងលើ មជ្ឈដ្ឋានអ្នកច្បាប់រួមនិងបងប្អូនអ្នកសារព័ត៌មានជាច្រើនស្ថាប័ន…!។
-បានសម្ដែងការហួសចិត្តជាខ្លាំងដោយម្នាក់ៗនិយាយថា លោក សឿ សុជា”គ្រាន់តែផ្សាយព័ត៌មានតាមបណ្ដាញសង្គម រិៈគន់មន្ត្រី និងរិៈគន់ការរុករានទន្ទ្រានកាន់កាប់ដីព្រៃប៉ុណ្ណោះ”មិនមានចំណាត់ការបង្ក្រាបបែជាចាប់អ្នកនិយាយផ្តល់ពត៍មានទៅវិញ។ករណីយ៍នេះអ្នកចេះច្បាប់យលថាបើថា ការផ្សាយរបស់លោក សឿ សុជា នោះ”គ្មានមូលដ្ឋាន.ខុសការពិត”។អញ្ចឹងទង្វើរបស់គាត់«គួរស្ថិតក្នុងបទ បរិហារកេរ្តិ៍ជាសាធារណៈ តាមបញ្ញត្តិមាត្រា៣០៥ នៃក្រមព្រហ្មទណ្ឌ ដែលជាបទលហុ»តែប៉ុណ្ណោះ។
បើតាមក្រមព្រហ្មទណ្ឌ មាត្រា៣០៥ បានចែងថា«គ្រប់ការអះអាងបំផ្លើស ឬការទម្លាក់កំហុស ដោយអសុទ្ធចិត្តលើអំពើណាមួយ ដែលនាំឲ្យប៉ះពាល់ដល់កិត្តិយស ឬកិត្តិសព្ទនៃបុគ្គល ឬនៃស្ថាប័នណាមួយ គឺជាការបរិហារកេរ្តិ៍»។ពោលគឺ ជនណាដែលប្រព្រឹត្តអំពើបរិហារកេរិ៍ជាសាធារណៈ ទៅលើបុគ្គល ឬស្ថាប័នណាមួយ នឹងត្រូវទទួលការផាកពិន័យជាប្រាក់ និងផ្តល់ជាសំណងរដ្ឋប្បវេណី ដើម្បីជួសជុលព្យសនកម្មដល់ជនរងគ្រោះតែប៉ុណ្ណោះ។
ការផ្តន្ទាទោស ក្នុងបទល្មើសបរិហារកេរ្តិ៍ជាសាធារណៈ ត្រូវពិន័យជាប្រាក់ពី ១០០,០០០រៀល ទៅ ១០,០០០,០០០លានរៀល។ នៅក្នុងឃ្លីបវីដេអូនោះ លោក សឿ សុជា មិនបានប្រកាសកៀងគរ ឱ្យពលរដ្ឋ ស្អប់ពលរដ្ឋដូចគ្នា ឬរើសអើងជាតិសាសន៍ដទៃនោះឡើយ..!។ឃ្លីបវីដេអូនោះ លោក សឿ សុជា ក៏មិនបានបញ្ចុះបញ្ចូល ពលរដ្ឋឱ្យទៅកាប់សម្លាប់នរណាម្នាក់ ឬប្រព្រឹត្តបទឧក្រិដ្ឋ បំផ្លាញមនុស្សជាតិអ្វីដែរ..!។-មិនសមណាសមត្ថកិច្ចចាប់និងឃុំខ្លួនគាត់ ដោយចោទប្រកាន់ចំនួន ៣បទល្មើសបែបនេះសោះ…!! ។តើទង្វើចឹងវាជាការគម្រាមអ្នកកាសែតផ្សេងទៀត លែងឲ្យហ៊ានផ្សាយរិៈគន់មន្ត្រីក៏ដូចជាបទល្មើសព្រៃឈើ…!?។
ករណីយ៍នេះ បងប្អូនអ្នកសារព័ត៌មានរាប់សិបនាក់ សូមស្នើយ៉ាងទទូចដល់ ឯកឧត្ដម នេត្រ ភក្ដ្រា រដ្ឋមន្ត្រីក្រសួងព័ត៌មាន ឯកឧត្ដម កើត រិទ្ធ ឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌ ជាពិសេសសម្ដេចធិបតី ហ៊ុន ម៉ាណែត នាយរដ្ឋមន្ត្រីនៃកម្ពុជា មេត្តាជួយអន្តរាគមន៍ មកសាលាដំបូងខេត្តកំពង់ធំ ដើម្បីឱ្យលើកលែងការចោទប្រកាន់លើលោក សឿ សុជា ឬដោះលែងលោក សឿ សុជា ឱ្យនៅក្រៅឃុំដោយក្ដីអនុគ្រោះផង!៕(ប្រភពគេហទំពរ័អាស៊ានដេលី)
.jpg&h=97&w=146)
.jpg&h=97&w=146)
