វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1070 នាក់
ម្សិលមិញ 10264 នាក់
សរុប 14140252 នាក់
រាជធានីភ្នំពេញ ៖ កាលពីវេលាម៉ោង៧យប់ ថ្ងៃទី០៥ ខែមករា ឆ្នាំ២០២២ កម្លាំងសមត្ថកិច្ច នៃគណៈកម្មការប្រយុទ្ធប្រឆាំងផលិតផលក្លែងក្លាយ បានចុះត្រួតពិនិត្យមជ្ឈមណ្ឌលកែសម្ផស្សផ្ការំដួល ដែលមានទីតាំង ស្ថិតនៅក្នុងតំបន់បឹងកក់ ផ្លូវលេខ R8 សង្កាត់ស្រះចក ខណ្ឌដូនពេញ ដោយធ្វើការឃាត់ខ្លួនពេទ្យ និងជំនួយការទាំង៤នាក់ តាមពាក្យបណ្ដឹងរបស់ជនរងគ្រោះដែលត្រូវបានគេរាយការណ៍ថាជាឧកញ៉ា ដែលបានទៅកែសម្ផស្សនៅទីនោះកន្លងមក។
ប្រតិបត្តិការនេះ គេឃើញមានវត្តមាន មេធាវីជាច្រើនរូប ចុះមកដល់ទីតាំងបង្ក្រាប និងត្រួតពិនិត្យ ដើម្បីធានាខ្លួនបុគ្គលិកទាំងអស់នៅក្នុងទីតាំង មជ្ឈមណ្ឌលកែសម្ផស្ស យីហោ ផ្ការំដួល ដោយមានការមិនឯកភាពគ្នា ទើបពន្យារពេលក្នុងការបន្តនីតិវិធី។ លុះដល់វេលាម៉ោង០៧យប់ថ្ងៃដដែល ទើបមានការសម្របសម្រួលគ្នា រវាងកម្លាំងនគរបាលគណៈកម្មាធិការ ប្រយុទ្ធ ប្រឆាំងផលិតផលក្លែងក្លាយរបស់ក្រសួងមហាផ្ទៃ និងមេធាវី ដោយឃាត់ខ្លួនតែមនុស្សប្រុសស្រីចំនួន០៤នាក់(ប្រុស០២នាក់) ប៉ុណ្ណោះដែលជា ពេទ្យនិងជំនួយការ ដើម្បីបញ្ជូនខ្លួនទៅក្រសួងមហាផ្ទៃធ្វើការសាកសួរ។
ចំពោះបុគ្គលិកនារីៗជាង១០នាក់បន្ថែមទៀត ត្រូវបានក្រុមមេធាវីធ្វើការធានាខ្លួនឲ្យស្នាក់នៅទីតាំងមជ្ឈមណ្ឌលកែសម្ផស្ស យីហោ ផ្ការំដួល ជាបណ្ដោះអាសន្ន ដើម្បីបន្តនីតិវិធី។សូមបញ្ជាក់ថាគ្លីនិកផ្ការំដួលជាកន្លែងកែសម្ផស្សល្បីល្បាញហើយស៊ីថ្លៃបំផុតដោយសំអាងថាគេមានដុកទរ័មកពីស្រុកចិន។