កម្ពុជា ចង់ឃើញការបណ្តាក់ទុនកាន់តែច្រើនបន្ថែមទៀតពីក្រុមហ៊ុនអាម៉េរិក និងអឺរ៉ុបតែមិនទាន់ព្រមកែទម្រង់ខាងសេរីភាពតាមបំណងលោកខាងលិច?
22-August-2024 / សេដ្ឋកិច្ច
ភ្នំពេញ៖ លោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានប្រាប់ទៅលោកស្រី Bridgette L. Walker ភារធារីស្ថានទូតសហរដ្ឋអាម៉េរិក ប្រចាំព្រះរាជាណាចក្រកម្ពុជា នៅក្នុងជំនួបមួយកាលពីថ្ងៃទី ៣ខែកញ្ញាម្សិលមិញនេះ ដោយលើកឡើងថា លោកចង់ឃើញឱ្យបានកាន់តែច្រើនថែមទៀត នូវការវិនិយោគពីសហរដ្ឋអាម៉េរិក និងសហគមអ៊ឺរ៉ុប នៅកម្ពុជា។
លោកឧបនាយករដ្ឋមន្ត្រី ស៊ុន ចាន់ថុល បានសម្តែងការអរគុណដល់ក្រុមហ៊ុនសហរដ្ឋអាម៉េរិក ដែលបានដាក់ទុនវិនិយោគ នៅកម្ពុជានាពេលកន្លងមក និងបានគូសរំលេចអំពីវត្តមានក្រុមហ៊ុនធំៗរបស់សហរដ្ឋអាម៉េរិកមួយចំនួន ដែលទទួលបានជោគជ័យលើការវិនិយោគនៅកម្ពុជា ដូចជា ក្រុមហ៊ុនផលិតភេសជ្ជៈ Coca Cola ក្នុងតំបន់សេដ្ឋកិច្ចពិសេសរ៉ូយ៉ាល់គ្រុបភ្នំពេញ និងក្រុមហ៊ុន RMA Automotive (Cambodia) Co., Ltd ដែលដំឡើងរថយន្តម៉ាក FORD ក្នុងខេត្តពោធិ៍សាត់ ជាដើម។
លោក ក៏បានលើកឡើងអំពីគម្រោងបេសកកម្មគោះទ្វារវិនិយោគិននៅសហរដ្ឋអាម៉េរិករបស់ក្រុមប្រឹក្សាអភិវឌ្ឍន៍កម្ពុជា នៅក្នុងខែកញ្ញា ឆ្នាំ២០២៤នេះ សំដៅផ្សព្វផ្សាយពីបរិយាកាសវិនិយោគនៅកម្ពុជា និងស្វែងរកការបណ្ដាក់ទុនពីក្រុមហ៊ុនអាម៉េរិកមកកម្ពុជាផងដែរ។
លោកឧបនា យករដ្ឋមន្ត្រី ស៊ុន ចាន់ថុល ក៏បានលើកបង្ហាញអំពីវិស័យគន្លឹះ រួមមានជាអាទិ៍ វិស័យយានយន្ត គ្រឿងបង្គុំអេឡិចត្រូនិក និងវិស័យកសិឧស្សាហកម្ម ដែលសុទ្ធសឹងជាវិស័យនឹងបង្កើនតម្លៃបន្ថែមដល់សេដ្ឋកិច្ចកម្ពុជា។តែមិនបានឭលោកឧបនាយករដ្ឋមន្ត្រីមស៊ុនចាន់ថុលបកស្រាយពីអ្វីដែលលោកខាងលិចចង់បានគឺបើកលំហរសេរីភាពការបច្ចេញមតិដោះលែងអ្នកទោសនយោបាយដូចជាអ្នកស្រីសេងធារីមានសញ្ជាតិអាមេរិកជាដើមនោះទេ។
លោកស្រីភារធារី បានបង្ហាញនូវសុទិដ្ឋិនិយមអំពីកិច្ចខិតខំរបស់កម្ពុជា ក្នុងការទាក់ទាញវិនិយោគិន ពិសេសក្នុងការបេសកកម្មការងារក្នុងសហរដ្ឋអាម៉េរិកនាពេលខាងមុខ។ បន្ថែមពីនេះ ចំពោះទំនាក់ទំនងទ្វេភាគី លោកស្រីរំពឹងថា កម្ពុជា និងសហរដ្ឋអាម៉េរិក នឹងរួមគ្នាបន្តកិច្ចស ហប្រតិបត្តិការនានាបន្ថែមទៀត ដើម្បីពង្រឹង និងពង្រីកទំនាក់ទំនងឱ្យបានកាន់តែល្អប្រ សើរថែមមួយកម្រិតទៀត ដែលនឹងរួមចំណែកគាំទ្រដល់ការអភិវឌ្ឍសេដ្ឋកិច្ច និងសង្គមកម្ពុជា។
សូមបញ្ជាក់ដែរថាលោក Andrew Herrup ភារធារីនៃស្ថានទូតអាមេរិកប្រចាំកម្ពុជាកាលពីថ្ងៃទី២៤ ខែមិថុនា ឆ្នាំ២០២៤ ក៏បានពិភាក្សាការងារ ជាមួយលោក ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជាផងដែរ ។
ពេលនោះ លោក Andrew Herrup ក៏បានលើកឡើងអំពីលទ្ធភាពធ្វើការរួមគ្នាដើម្បីដោះស្រាយកង្វល់មួយចំនួន ដើម្បីបង្កបរិយាកាសឱ្យកាន់តែមានភាពទាក់ទាញសម្រាប់វិនិយោគិនបន្ថែមទៀតពីសហរដ្ឋអាមេរិក។ លោក Andrew Herrup ក៏បានសម្តែងនូវចំណាប់អារម្មណ៍ជាវិជ្ជមានចំពោះលទ្ធផលនៃដំណើរទស្សនកិច្ចរបស់ឯកឧត្តមឧបនាយករដ្ឋមន្ត្រីទៅកាន់សហភាពអ៊ឺរ៉ុប ក្នុងគោលដៅទាក់ទាញការវិនិយោគបន្ថែមទៀតផងដែរ។
លោកឧបនាយករដ្ឋមន្ត្រី បានជម្រាបជូនភាគីមិត្តអាមេរិកពីលទ្ធភាពនៃការធ្វើការរួមគ្នារវាងក្រុមប្រឹក្សាអភិវឌ្ឍន៍កម្ពុជា និងស្ថានទូតអាមេរិក ដើម្បីពិនិត្យលទ្ធភាពក្នុងការសម្របសម្រួលរៀបចំព្រឹត្តិការណ៍ជំរុញវិនិយោគនៅសហរដ្ឋអាមេរិក តាមរយៈការរៀបចំជាវេទិការធុរកិច្ច និងការគោះទ្វារវិនិយោគតាមក្រុមហ៊ុន ដែលមានបំណងពង្រីកខ្សែច្រវាក់ផលិតនិងផ្គត់ផ្គង់ក្នុងតំបន់ ដើម្បីបញ្ជ្រាបព័ត៌មានវិនិយោគ និងកញ្ចប់លើកទឹកចិត្តនានា ជូនដល់ធុរជនអាមេរិក។
កាលនោះលោកឧបនាយករដ្ឋមន្ត្រី ក៏បានជម្រាបជូនទៅលោក Andrew Herrup ពីលទ្ធភាពធ្វើការរួមគ្នា ដើម្បីដោះស្រាយកង្វល់របស់វិនិយោគិនអាមេរិកនៅកម្ពុជា តាមរយៈការរៀបចំនូវយន្តការរួមសម្រាប់កិច្ចសន្ទនាជាប្រចាំលើកិច្ចការងារវិនិយោគ ដើម្បីអាចឱ្យកម្ពុជាមានលទ្ធភាពសម្របសម្រួលដោះស្រាយបញ្ហានានារបស់វិនិយោគិនអាមេរិក បានកាន់តែឆាប់រហ័ស។
សហរដ្ឋអាម៉េរិក គឺជាទីផ្សារនាំចេញទំនិញធំបំផុតរបស់កម្ពុជា បន្ទាប់មកគឺសហភាពអឺរ៉ុប ខណៈដែលផលិតផលភាគច្រើនលក់ទៅទីផ្សារទាំងនេះ មានដូចជា ផលិតផលសម្លៀកបំពាក់ ស្បែកជើង ទំនិញធ្វើដំណើរ បន្ទះសូឡា និងទំនិញកសិកម្ម ជាដើម។ ក៏ប៉ុន្តែបើពិនិត្យមើលការវិនិយោគពីសហរដ្ឋអាម៉េរិក ក៏ដូចជា សហភាពអឺរ៉ុបនៅកម្ពុជា គឺនៅមានកម្រិតតិចតួចនៅឡើយ បើធៀបនឹងប្រទេសមួយចំនួន ជាពិសេស គឺប្រទេសចិន។អ្នកាស្រីកន្និដ្ឋាដែលជាវាគ្មិនហ្វេសប៊ុកសកម្មម្នាក់បានផ្លល់យោបលថាកម្ពុជាគួគិតដល់ការព្រួយបារម្ភរបស់ពួកលោកខាងលិចផងបើចង់បានការវិនិយោកទុក។ចំនុចទាំងនោះមានជាអាទិក្រៅពីបញ្ហាបើកលំហរសេរីភាពខាងនយោបាយគឺការលុបបំបាត់អំពើពុករលួយជាដើម។
យោងតាមការកត់ត្រារបស់ក្រុមប្រឹក្សាអភិវឌ្ឍន៍កម្ពុជា គិតត្រឹមឆ្នាំ ២០១៨ ការវិនិយោគផ្ទាល់របស់សហរដ្ឋអាម៉េរិកនៅកម្ពុជា មានទំហំទឹកប្រាក់ប្រមាណជាង ១ពាន់លានដុល្លារអាម៉េរិក។ ចំណែកក្នុងរយៈពេល ៧ខែដំបូង ឆ្នាំ ២០២៤នេះ កម្ពុជា ទទួលបានគម្រោងវិនិយោគផ្ទាល់ពីអាម៉េរិក មានតម្លៃទឹកប្រាក់ត្រឹមតែជាង ១១លានដុល្លារអាម៉េរិកប៉ុណ្ណោះ។
ចំពោះការធ្វើពាណិជ្ជកម្មវិញ ដោយផ្អែកតាមទិន្នន័យរបស់អគ្គនាយកដ្ឋានគយ និងរដ្ឋាករកម្ពុជា បានឲ្យដឹងថា ក្នុងរយៈពេល ៧ខែឆ្នាំ ២០២៤ កម្ពុជា នាំចេញមុខទំនិញនានាទៅអាម៉េរិក មានទំហំទឹកប្រាក់ ៥,៥១ពាន់លានដុល្លារអាម៉េរិក កើនឡើង ៦,៤% ខណៈការនាំចូលរបស់កម្ពុជាពីអាម៉េរិកមកវិញ មានទំហំទឹកប្រាក់ ១៥៤លានដុល្លារអាម៉េរិក កើនឡើង ៨,៩% បើធៀបនឹងរយៈពេលដូចគ្នាកាលពីឆ្នាំមុន៕
