មន្ត្រីជំនាញសុរិយោដីស្រុកមេសាង ទាលុយ បង្កការក្តៅ ក្រហាយ និងការថ្នាំងថ្នាក់ចិត្តពីប្រជាពលរដ្នក្នុងមូលដ្ឋាន
06-June-2026 / ព័ត៌មានជាតិ
ខេត្តព្រៃវែង : នៅថ្ងៃទី ២៤ ខែ កក្កដា ឆ្នាំ ២០២៤ ប្រជាពលរដ្ឋ ជាច្រើនគ្រួសាររស់នៅក្នុងមូល ដ្ឋានឃុំព្រៃរំដេង ស្រុកមេសាង ខេត្តព្រៃវែង បានផ្តល់ព័ត៌មាន មកអង្គភាព គេហទំព័រ មាតុភូមិ អោយដឹងថា : ពួកគាត់មានការ ក្តៅក្រហាយនិងមិនពេញចិត្តចំពោះមន្ត្រីជំនាញសុរិយោដី ចុះវាស់វែងដីធ្លីស្រែចំការ ភូមិដ្ឋាន និងផ្តល់ប័ណ្ណបង្កាន់ដៃ ដើម្បី ទទួលបានប័ណ្ណកម្មសិទ្ធិ(ប្លង់រឹង) ពីមន្ទីររៀបចំដែនដីនគរូបនីយកម្ម និង សំណង់ខេត្តព្រៃវែងជាខ្លាំង ព្រោះទង្វើ នឹងសកម្មភាពការងាររបស់ពួក មន្ត្រីជំនាញទាំងនោះគាបសង្កត់ យកលុយកាក់ពីគាត់ខ្លាំងដៃពេក ។
ប្រភពព័ត៌មានពីបងប្អូនប្រជាពលរដ្ឋ បានបន្តថា : កាល ពីពេលពួកមន្ត្រីសុរិយោដី ចុះវាស់វែងដីធ្លីស្រែ និងដីលំនៅដ្ឋាន របស់ពួកគាត់បានទាមទារលុយ កាក់ពីពួកគាត់ ក្នុង ១ ក្បាលដីចំនួន១មុឺនរៀល ដោយពួកគេថា ជាថ្លៃហូបបាយទឹក និងចាក់ សាំង ។ ប៉ុន្តែស្រាប់តែនៅថ្ងៃទី ២៣ ខែកក្កដា ឆ្នាំ២០២៤ នៅ ពេលពួកមន្ត្រីសុរិយោដីនោះចុះ មកផ្តល់ប័ណ្ណបង្កាន់ដៃ ( ចុង សន្លឹក ) ដើម្បីទុកទទួលយកប័ណ្ណកម្មសិទ្ធិដីធ្លី នៅពេលខាង មុខនេះ ត្រូវបានពួកមន្ត្រីក្រុមការ ងារសុរិយោដីស្រុកមេសាង តម្រូវ អោយពួកគាត់បង់លុយថ្លៃសរសេរបំពេញបែបបទមាន ស្នាមផ្តិតមេដៃលើឯកសារដីធ្លី ដោយក្នុង១ប្លង់សរុបចំនួន១៥០០០រៀល ( អ្នកសរសេរឯកសារមាន២នាក់ ចំនួន៥០០០រៀល អ្នកចាំចាប់ដៃប្រជាពលរដ្ឋផ្តិតស្នាមមេដៃមាន១នាក់ ចំនួន១០០០០រៀល) ។
ប្រជាពលរដ្ឋបានបញ្ជាក់ថា : ពួកគាត់បានស្តាប់ឮប្រសាសន៍ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះ រាជាណាចក្រកម្ពុជា ប្រកាសថា:ការចុះបញ្ជីរក្បាលដីធ្លីស្រែចំការ និងលំនៅដ្ឋានជូនប្រជា ពលរដ្ឋខ្មែរទូរទាំងប្រទេស មិនតម្រូវអោយប្រជាពលរដ្ឋបង់ លុយកាក់ទេ គឺរដ្ឋាភិបាលជាអ្នក ធានារ៉ាប់រង ។ តែសកម្មភាព នៃការចុះធ្វើការងារជាក់ស្តែងរបស់ ពួកមន្ត្រីជំនាញសុរិយោដី ស្រុកមេសាង គឺជាការប្រព្រឹត្តអំពើពុក រលួយគាបសង្កត់ ក យកលុយពី រាស្ត្រក្រីក្រ យ៉ាងចាស់ដៃបំផុត ។ ប្រជាពលរដ្ឋបានសំណូមពរ តាម រយ:អ្នកកាសែត គេហទំព័រ មាតុភូមិថា : សូមថ្នាក់ដឹកនាំខាង លើ ឯកឧត្តម សាយ សំអាលើ ឧបនាយករដ្ឋមន្ត្រី រដ្ឋមន្ត្រីក្រសួង រៀបចំដែនដី នគរូបនីយកម្ម និង សំណង់ ជាពិសេសសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា មេត្តាជួយពិនិត្យមើល និងចាត់វិធានការបោសសំអាតចំពោះពួកមន្ត្រីខិលខូចមួយចំនួនតូចដែលឆ្លៀតឱកាសកេងយកផលប្រយោជន៍លាភសក្ការ:ផ្ទាល់ខ្លួនក្នុងតួនាទី និង ភារកិច្ច ដែលបក្សនិងរដ្ឋប្រគល់អោយធ្វើជាអ្នកបំរើរាស្ត្រផងទាន ! ។
ជុំវិញព័ត៌មានខាងលើ នេះលោក ផល្លា មេភូមិ ពោន បានបញ្ជាក់ប្រាប់ថា : ក្នុងភូមិពោន មានក្បាលដីដែលបានចុះបញ្ជីរមានចំនួនជាង១០០០ ក្បាលដី សំរាប់ប្រជាជនជាង៣៥០គ្រួសារ និងលោក ឌុច ឈាវ មេភូមិ ព្រៃចេក ស្ថិតក្នុងឃុំ ព្រៃរំដេង ស្រុកមេសាង មានក្បាលដីដែលត្រូវចុះបញ្ជីរ មានចំនួនជាង១០០០ក្បាលដីដែរ តែទើបតែធ្វើបានតែចំនួនជាង៤០០ក្បាលដីទេ ក្នុងចំនួនប្រជាជន៤៤៦គ្រួសារ ។ នេះគិត ត្រឹមតែ២ភូមិប៉ុណ្ណោះ ក្នុងឃុំព្រៃរំដេង ស្រុកមេសាង សរុបចំនួនក្បាលដីមានរហូតជាង២០០០ក្បាលដី ចុះបើយកចំនួនតួលេខនេះក្នុងដី ១ប្លង់គុណនឹង១៥០០០រៀល តើ ក្រុមមន្ត្រីសុរិយោដីស្រុកមេសាង ប្រមូលបានលុយប៉ុន្មានលានរៀល ? ។
ជុំវិញការចោទប្រកាន់ របស់ប្រជាពលរដ្ឋ ចំពោះករណី នេះ លោក ហូវន់ ប្រធានការិយាល័យភូមិបាលស្រុកមេសាង បានបំភ្លឺប្រាប់ និពន្ធនាយក គេហទំព័រ មាតុភូមិ តាមទូរស័ព្ទថា:លោកពុំបានដឹងអំពីទង្វើរបស់ក្រុមមន្ត្រីរបស់លោក ប្រព្រឹត្តដូចការចោទប្រកាន់របស់ ប្រជាពលរដ្ឋទេ។ លោកមេភូមិបាលស្រុកមេសាងបន្តថា: បើ មានគឺជាមនោសញ្ចេតនារបស់ប្រជាជនជូនក្រុមមន្ត្រីថ្លៃបាយទឹកតែប៉ុណ្ណោះ ជាទឹកចិត្តពួកគាត់ ពុំមានការដាក់កំហិតទេ ។ ប៉ុន្តែទោះបីជាយ៉ាងណា លោក ហូវន់ ក៏បានអរគុណដល់អ្នកកាសែតដែលបានផ្តល់ព័ត៌មាននេះជូនលោក ដើម្បីលោកមានមូលដ្ឋានធ្វើការអប់រំណែនាំចំពោះមន្ត្រីក្រោមឱវាទដែលប្រព្រឹត្តអំពើខុសឆ្គង នាំអោយមានការថ្នាំងថ្នាក់ដល់ប្រជាពលរដ្ឋ ៕ ដោយ: សុផល Tel:012953824/016953222/0885534100
