លោកវរសេនីយ៍ឯក សួន សំអឿន អធិការនគរបាលស្រុកកំពង់ ត្របែក ចាប់មនុស្សវ៉ៃខ្នោះ ទាត់ធាក់តាមអំពើ ចិត្ត រួចថា ចាប់ច្រឡំ ត្រូវបានស្នងការខេត្តកាន់ជើង!?
04-September-2023 / ព័ត៌មានជាតិ
ព្រៃវែង៖ យុវជនម្នាក់ត្រូវបានក្រុមសមត្ថកិច្ចនគរបាលនៃអធិការដ្ឋាននគរបាលស្រុកកំពង់ ត្របែក ខេត្តព្រៃវែង ក្រោមបញ្ជា របស់លោក វរសេនីយ៍ឯក សួន សំអឿន អធិការនគរបាល ស្រុកកំពង់ត្របែក បានស្ទាក់ចាប់ឃាត់ខ្លួនតាម ផ្លូវពេលកំពុងធ្វើដំណើរដោយទោចក្រយានយន្តវាយទាត់ធាក់ ផ្កាប់មុខទៅនឹងដី ចាប់កាច់ដៃ វ៉ៃ ខ្នោះក្រពាត់ដៃមកខាង ក្រោយ យ៉ាងព្រៃផ្សៃព្រោះសង្ស័យថា ជាមុខសញ្ញា ក្រុមជួញដូរថ្នាំ ញៀន តែការពិតមិន មែនជាមុខសញ្ញាជួញ ដូរគ្រឿងញៀនទេ ។
ករណីនេះ បានកើត ឡើងកាលពីថ្ងៃទី០៨ ខែកុម្ភ: ឆ្នាំ២០២២ វេលា ម៉ោងប្រមាណជាង ៤ ល្ងាច នៅចំណុចភូមិព្រៃ តានេន ឃុំព្រៃឈរ ស្រុកកំពង់ត្របែក ខេត្ត ព្រៃវែង ដោយ ក្រុម សមត្ថកិច្ចចាប់មនុស្សច្រឡំ បានបង្កការរិៈគន់ជាខ្លាំងតាម ” បណ្ដាញសង្គម ” ។ ក្រោយមក សមត្ថកិច្ច ប៉ូលិស បានសូមទោស និងផ្ដល់ថវិកាមួយ ចំនួនដល់យុវជនរូបនោះ ដើម្បីព្យាបាលរបួសនិងបញ្ចប់រឿង មិនអោយដាក់ពាក្យបណ្តឹងប្ដឹងផ្ដល់ ក្រុមសមត្ថកិច្ច នគរបាល ដែលមានលោក សួន សំអឿន ជាមេកើយ។
យោង តាមលិខិតបំភ្លឺ របស់ស្នងការដ្ឋាននគរបាលខេត្តព្រៃវែង នៅថ្ងៃទី ១២ .០២.២០២២ បានបញ្ជាក់ថា ពាក់ព័ន្ធនឹងប្រតិបត្តិការរបស់កម្លាំងនគរ បាលបង្ក្រាបគ្រឿង ញៀននៃអធិការដ្ឋាននគរ បាលស្រុកកំពង់ ត្របែក ខេត្តព្រៃវែង នៅថ្ងៃទី០៨ ខែកុម្ភៈ ឆ្នាំ ២០២២ វេលាម៉ោង១៦ :០០នាទីរសៀល ។ កម្លាំងនគរ បាលបង្ក្រាគ្រឿងញៀន នៃអធិការដ្ឋាននគរស្រុកកំពង់ត្របែក បាទទួល ព័ត៌មានពីភ្នាក់ងារបង្កប់ថា មានករណីជួញដូរគ្រឿងញៀន នៅចំណុចភូមិព្រៃតានេន ឃុំព្រៃ ឈរ ស្រុកកំពង់ត្របែក ខេត្តព្រៃវែង ។ អធិការ ដ្ឋាននគរបាលស្រុកកំពង់ត្របែក បានស្នើសុំគោលការណ៍ទៅអយ្យ ការអមសាលាដំបូងខេត្តព្រៃវែង ដើម្បីបើកប្រតិបត្តិការបង្ក្រាប ។
នៅពេលដែលសមត្ថកិច្ច និងជនបង្កប់ចុះមកដល់ចំណុចផ្លូវនៅខាងក្រៅភូមិព្រៃតានេន ក៏បាន ប្រទះឃើញបុរសម្នាក់ជិៈម៉ូតូ គួរឲ្យសង្ស័យ ដោយសារតែពេលវេលា ជិតយប់ និងទីកន្លែងស្ងាត់ ។ ព្រមទាំងមាន ការចង្អុលបង្ហាញពីភ្នាក់ ងារបង្កប់ផងនោះ កម្លាំងសមត្ថកិច្ចក៏បានជិៈម៉ូតូទៅកាត់ចំពីខាង មុខ ក្នុងគោលបំណងឃាត់បុរសសង្ស័យខាង លើដើម្បីសួរនាំ ។ ប៉ុន្តែ នៅពេលបុរសនោះ បាន ឃើញសមត្ថកិច្ចភ្លាម ក៏ បានលោតពីលើម៉ូតូរត់ គេចខ្លួន ដែលបង្កើនឲ្យមានការសង្ស័យជាមុខសញ្ញាជួញដូរគ្រឿង ញៀន ខណៈនោះ កម្លាំងជំនាញបានដេញតាម និងឈានដល់ការឃាត់ខ្លួនបាន ។ អំឡុង ពេលឃាត់ខ្លួន បុរសរូបនេះ ពុំបានសហការជា មួយសមត្ថកិច្ចនោះឡើយ ថែមទាំងរើបម្រះយ៉ាងខ្លាំងទៀតផង ។
ដើម្បីចៀសវាងជន សង្ស័យរត់រួច និងអាចបង្កគ្រោះថ្នាក់ជាយថា ហេតុ សមត្ថកិច្ចបានផ្តួលឲ្យជនសង្ស័យដួល ផ្កាប់មុខ ដើម្បីដាក់ខ្នោះដៃ ដែលសកម្មភាពទាំង នេះ បណ្តាលឲ្យមាន របួសស្រាលនៅលើផ្ទៃ មុខនិងបបូរមាត់ ។បន្ទាប់ពីឃាត់ខ្លួន សមត្ថកិច្ចបានសួរនាំបឋមនិងបានផ្ទៀងផ្ទាត់ ជាមួយភ្នាក់ងារបង្កប់ទើបដឹងថា បុរសនោះមិនមែនជាមុខសញ្ញាសង្ស័យទេ ។ខណៈនោះ បានចាត់កម្លាំងឲ្យនាំបុរសម្នាក់នោះទៅពិនិត្យ និងព្យាបាលរបួសនៅឃ្លីនិកឯកជនមួយ។ រីឯកម្លាំងផ្សេង ទៀតបន្តប្រតិបត្តិការតាមចាប់មុខសញ្ញាសង្ស័យ ។ ដោយមាន ការសហការពីអាជ្ញាធរឃុំ កម្លាំងជំនាញបានធ្វើការឃាត់បានជន សង្ស័យពិតប្រាកដដោយជោគជ័យ និងដកហូតបានសារធាតុញៀនប្រភេទម្សៅក្រាម ៣.៣៧ក្រាម បើទោះ ជាមានការរារាំងពីក្រុមគ្រួសារមុខសញ្ញាក៏ ដោយ។ ចំពោះករណីនេះ សមត្ថកិច្ចបាននិងកំពុងកសាងសំណុំ រឿងតាមនីតិវិធី។
សូមបញ្ជាក់ថា ក្រោយ ពេលជនរងគ្រោះបាន បង្ហោះសាររៀបរាប់ពីសកម្មភាព របស់ប៉ូលីស ចាប់វាយទាត់ធាក់ និងដាក់ខ្នោះដៃ ធ្វើបាបលើរូបគេ (ជនរងគ្រោះ)នៅថ្ងៃទី ១១ ខែកុម្ភៈ ឆ្នាំ ២០២២ លោកវរៈសេនីយ៍ឯក សួន សំអឿន អធិការនគរបាលស្រុក កំពង់ត្របែក បានហៅភាគីយុវជនដែលត្រូវសមត្ថ កិច្ច ក្រោមបញ្ជារបស់ លោកចាប់ច្រឡំ មកធ្វើការសម្របសម្រួល និងបកស្រាយពន្យល់អំពីដំណើររឿង ដែល នាំឲ្យមានការចាប់ខ្លួនច្រឡំ ។ បន្ទាប់មកពួក គាត់បានយល់អំពីកិច្ច ប្រតិបត្តិការបង្ក្រាបគ្រឿងញៀនរបស់សមត្ថកិច្ច និងបានយល់ព្រមបញ្ចប់រឿងដោយមិនប្ដឹងតវ៉ាបន្តទៀតនោះទេ?(ព្រោះភ័យខ្លាច!) ។
សមត្ថកិច្ចបានផ្តល់ថវិកាមួយចំនួន សម្រាប់ថ្លៃព្យាបាលរបួស និងបានប្រគល់ម៉ូតូ ០១ គ្រឿង ទូរស័ព្ទដៃ ០១ គ្រឿងនិងខ្សែ ក ជូនម្ចាស់វិញ ព្រមទាំងបានសុំការអភ័យទោស ពីជនរងគ្រោះ និងក្រុមគ្រួសារ ចំពោះការអនុវត្តវិធានការជំនាញ ធ្វេស ប្រហែសរបស់កង កម្លាំងនគរបាលនៃអធិការដ្ឋាននគរបាលស្រុកកំពង់ត្របែក ។ ទោះជាយ៉ាងណា នៅ ក្នុងការឡាយហ្វេសប៊ុក ” យុវជនរងគ្រោះ បានលើកឡើងថា ខ្លួនត្រូវប៉ូលិសចាប់វាយខ្នោះ ទាត់ធាក់យ៉ាងឃោរឃៅ ទាំងខ្លួនគ្មានកំហុសអ្វីសោះ បង្កឱ្យមានរបួសជាំមុខ ដៃជើងនិងខ្លួន ប្រាណ ។ យុវជន រង គ្រោះបានចាត់ទុកថា នេះ ជាអំពើអយុត្តិធម៌ បំផុតសម្រាប់ខ្លួន ជាពលរដ្ឋស្លូតត្រង់ម្នាក់ ។
សូមរំលឹកថា នៅក្នុង មូលដ្ឋានស្រុកកំពង់ ត្របែកនេះ លោក សួន សំអឿន អធិការនគរ បាលស្រុកកំពង់ត្របែក គឺមានភាពអសកម្ម ក្នុងការងារ ដឹកនាំទប់ស្កាត់ និង បង្ក្រាបបទល្មើសផ្សេងៗ ពិសេសបន ល្បែងស៊ីសងខុសច្បាប់ ដែលកាលពីលើកមុន ក៏ត្រូវបានក្រុមអ្នកកាសែត របស់លោក ហ៊ន ចុះទៅ ថតផ្សាយឡាយផ្ទាល់ដល់ទីតាំងបនល្បែងស៊ី សង ហើយក៏ត្រូវក្រុមអ្នកកាងល្បែងព្រួតគ្នា វាយរត់ធ្លាក់វាលស្រែ រួច ក៏ត្រូវបានលោក សួន សំអឿន ហៅភាគីពាក់ ព័ន្ធ មកជួយសំរួលបញ្ចប់ រឿងដោយសងជម្ងឺចិត្តកុំអោយប្តឹងផ្តល់ តវ៉ាជាមយយជនល្មើសផងដែរ។
មហាជន ! ឆ្ងល់ថា : តើសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ និងលោកនាយ ឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរជាតិដែលចុះក្រុមការងារខេត្តព្រៃវែង ខ្វះធនធានមនុស្ស ឬ បានរក្សាទុកលោក សួន សំអឿន អោយនៅកាន់ តំណែងជាអធិការនគរ បាលស្រុកកំពង់ ត្របែក ? ឬគាត់ពូកែរកលុយ?ព្រោះបើតាមភាពអសកម្មរបស់គាត់ ក្នុងការងារ ដឹកនាំនិងគ្រប់គ្រង កងកម្លាំង ជំនាញ ធ្វើការងារធ្វេសប្រហែស ចាប់ប្រជាពលរដ្ឋស្លូតត្រង់វាយទាត់ធាក់ ធ្វើបាបតាមអំពើចិត្ត រួចឆ្លើយដោះសារថា ចាប់ មនុស្សច្រឡំ ហើយ សំរបសំរួលថ្នូរ លុយកាក់តិចតួចដល់ ជនរងគ្រោះកុំអោយប្តឹងផ្តល់បែបនេះ? តើនឹង នៅមានមនុស្សប៉ុន្មាន នាក់ទៀត ដែលនឹងត្រូវ រងគ្រោះដោយសារក្រុម ប៉ូលីសរបស់លោក សួន សំអឿន ចាប់ច្រឡំ ?៕ ដោយ: សុផល Tel:086 911 920
