វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1974 នាក់
ម្សិលមិញ 4292 នាក់
សរុប 14111673 នាក់
ខេត្តពោធិ៍សាត់៖ក្នុងរដូវបើកនេសាទនេះក្រុមឈ្មញតូចតាចត្រូវបានគេហាមឃាត់(បិទ)ចំណែកក្រុមឈ្មួញធំៗមានលុយ មានអំណាចគេអាចរកស៊ីបានយ៉ាងរលូនដោយមិនមានមន្ត្រីឬសមត្ថកិច្ចជំនាញចុះបង្ក្រាប់បានម្ដងណាឡើយ។
សេចក្ដីរាយការណ៍របស់ប្រជាពលរដ្ឋរស់នៅតំបន់ទន្លេសាបខេត្តពោធិ៍សាត់បាន អោយដឹងថា ក្នុងរដូវបើកនេសាទបច្ចុប្បន្ននេះ លោកវរៈសេនីយ៍ត្រី មាស ប៊ុនធឿន (ហៅមែល) នាយរងការិយាល័យនគរបាលប្រឆាំងបទល្មើសសេដ្ឋកិច្ចខេត្តពោធិ៍សាត់ ប្រចាំការនៅបឹងទន្លេសាប កំពុងដើរតួរយ៉ាសំខាន់ ក្នុងការរត់ការកាងអោយឈ្មួញដែលប្រើឧបករណ៍នេសាទល្មើសច្បាប់ដូចជា អួនយាំងកាវ និង ឆ្នុកមានចំនួនរាប់រយកន្លែងនៅពេលយប់ ស្ថិតក្នុងដែនទឹកក្រោមការគ្រប់គ្រងរបស់ផ្នែករដ្ឋបាលជលផលបាកានដែលមានលោកភុន វណ្ណាជានាយផ្នែក។
ប្រភពបានបន្តថា លោកវរៈសេនីយ៏ត្រី មាស ប៊ុនធឿន ហៅមែល នាយរងនគរបាលប្រឆាំងបទល្មើសសេដ្ឋកិច្ចខេត្តពោធិ៍សាត់ ដៃម្ខាងបង្រាបអ្នកមិនចាយលុយដៃម្ខាងទៀតបានរត់ការកាងបទល្មើសនេសាទឲ្យក្រុមឈ្មួញ ដោយទទួលប្រាក់បានរហូតរាប់រយលានរៀល ដែលគេជឿថា ប្រាក់ទាំងនោះគេបានយកមកបិទភ្នែកថ្នាក់ដឹកនាំខេត្ត និងមន្ទីជំនាញតែម្តង? ។
ក្រុមឈ្មួញដែលសុំលាក់ឈ្មោះឲ្យដឹងថា ពួកគាត់រកស៊ីទៅបានដោយរលូនដូចសព្វថ្ងៃនេះដោយមានការរត់ការពីលោក មាស ប៊ុនធឿន" ហៅមែល" រត់ការអួនយាំងកាវ ឲ្យពួកគាត់ និងថ្នូរលុយរាប់រយលានរៀលដែរ។ប្រជាពលរដ្ឋនិយាយថាលោក មាស ប៊ុនធឿន "ហៅមែល" បានទទួលលុយរត់ការពីឈ្មួញជាច្រើនរូបក្នុងនោះមានឈ្មោះ ១ អេង ចេង មេបទល្មើសធំជាងគេ ២ អេង ថេង ៣ អេង ម៉ៅ ៤ ង្វៀង យាំងគូ ៥ ឈ្មោះភឿន ៦ ឈ្មោះ ឌីណា ៧ ឈ្មោះ ង្វៀង យាំងទ្បាំង ។លុយដែលប្រមូលបានខាងលើនោះ គឺយកទៅចាត់ចែងអោយថ្នាក់លើនិងមន្ត្រីជំនាញក្នុង (ខេត្ត)ដោយក្នុង១វង់ចាប់ពី ២០លានរៀល ចំណែកខ្លួនគេផ្ទាល់ទទួលបានតែ៨ លានរៀលតែប៉ុណ្ណោះ! ។
ប្រភពបានផ្ដល់អោយដឹងទៀតថា លុយ ២២០ លានរៀល ត្រូវបានលោក មាស ប៊ុនធឿន "ហៅមែល" យកទៅចាត់ចែក អោយថ្នាក់ខេត្ត សំរាប់ខ្លួនគេផ្ទាល់ទទួលបាន ៥៦ លានរៀល ចាយយ៉ាងរំភើយក្នុងមួយរដូវ រួមនិងលុយមួយចំនួនទៀតប្រមូលពីបទល្មើស របាំងព្រួល និង ឆ្នុក រាប់សិបលានបន្ថែមទៀត។
សូមបញ្ជាក់ផងដែរលោក មាស ប៊ុនធឿន"ហៅមែល" កន្លងទៅអង្គភាពប្រឆាំងអំពើពុករលួយ" ACU "ធ្លាប់ហៅទៅសាកសួរម្ដងរួចមកហើយ និងត្រូវបានដកចេញពីតួនាទីជាអ្នកបង្ក្រាប់បទល្មើសលើផ្ទៃទន្លេសាបម្ដងផងដែរ ។
ទាក់ទងព័ត៏មាននេះ អ្នកយកព័ត៌មានយើងបានសុំការបំភ្លឺពីលោក មាស ប៊ុនធឿន ហៅមែល នាយរងការិយាល័យនគរបាលប្រឆាំងបទល្មើសសេដ្ឋកិច្ចខេត្តពោធិ៍សាត់ ទទួលបន្ទុកការងារទន្លេសាបដែរតតែ លោកបានឆ្លើយតបតាមទូរស័ព្ទមកការិយាល័យនិពន្ធគេហទំព័រ មាតុភូមិ នៅល្ងាចថ្ងៃ៣០វិច្ឆិកា២០១៩ ដោយប្រើភាសារគ្រោធគ្រៀតនិង អសុរស បំផុត សុទ្ធតែ អា ម៉ឹងពួកអ្ហែងជាដើមគឺ គ្មានសីលធម៌ជាមន្ត្រីបំរើរាស្ត្រនោះទេ។
តើកាសែតខុសអីបើគ្រាន់តែអ្នកកាសែតសាកសួជុំវិញព័ត៌មានពាក់ព័ន្ធនឹងបទល្មើសខាងលើនេះតើ?។ ករណីយ៍នេះសង្ឃឹមថាលោកស្នងការនគរបាលខេត្តពោធិសាត់នឹងអប់រំ មន្ត្រីនគរបាលរូបនេះអោយប្រកាន់យកសីលធម៌ វិជ្ជាជីវ: ជាមន្ត្រីសាធារណ:បំរើរាស្ត្រ គួរមានអកប្បកិរិយា និង សីលធម៌ សុជីវធម៌ ថ្លៃថ្នូរបង្កើនភាពកក់ក្តៅដល់ប្រជាពលរដ្ឋ ។ម្យ៉ាងទៀតសង្ឃឹមថាពតិមាននេះនឹងក្លាយជាតម្រុយសម្រាប់អង្គភាពប្រឆាំងអំពើរពុករលួយស្រាវជ្រាវដើម្បីអនុវត្តអភិក្រមទី៥របស់សម្តេចតេជោគឺវះកាត់សាច់ស្អុយចោលជាមិនខានព្រោះបិតាមសេចក្តីរាយការនេះគាត់មិនរាងចាលទេ។ សាព័ត៌មានយើងរងចាំទទួលការបំភ្លឺគ្រប់ពេលម៉ោងធ្វើការ៕