វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3906 នាក់
ម្សិលមិញ 10264 នាក់
សរុប 14143088 នាក់
ចាកាតា៖នៅព្រឹកថ្ងៃសុក្រ ទី១២ ខែតុលា ឆ្នាំ២០១៨ លោករដ្ឋមន្ត្រី វេង សាខុន រដ្ឋមន្ត្រីក្រសួងកសិកម្មខ្មែរបានស្នើដល់សមភាគីវៀតណាមឲ្យ ជួយមានវិធានការតឹងរ៉ឹងបន្ថែមទៀត ពាក់ព័ន្ធដល់ការគ្រប់គ្រង ពាណិជ្ជកម្មផល អនុផលព្រៃឈើខុសច្បាប់ និងការនេសាទឆ្លងដែន ខុសច្បាប់ ពុំមានការអនុញ្ញាត និងមិនមានរបាយការណ៍ ព្រោះកម្ពុជាកំពុង ស្ថិតក្នុងដំណាក់កាលរៀបចំលិខិតបទដ្ឋាននានា ដែលសមស្របទៅនឹងលក្ខខណ្ឌតម្រូវរបស់សហភាពអឺរ៉ុប។
សំណើនេះបានធ្វើឡើងនៅក្នុងកិច្ចជួបពិភាក្សាការងារទ្វេភាគីជាមួយលោក ង្វៀន សួនគឿង រដ្ឋមន្ត្រីកសិកម្ម និងអភិវឌ្ឍជនបទនៃសាធារណរដ្ឋសង្គមនិយមវៀតណាមមុនពេលកិច្ចប្រជុំលើកទី១៨ នៃរដ្ឋមន្ត្រីកសិកម្ម និងព្រៃឈើអាស៊ានបូកបី។
លោករដ្ឋមន្ត្រី វេង សាខុន បានថ្លែងអំណរគុណ ចំពោះរដ្ឋាភិបាល និងវិស័យឯកជនរៀតណាម ដែលកន្លងមកបានប្រមូលទិញ នូវកសិផលពីកសិករកម្ពុជា ដូចជាកៅស៊ូ ដំឡូងមី ស្វាយចន្ទី និងអង្ករជាដើម។ លោករដ្ឋមន្ត្រី បានបន្តថា ថ្មីៗនេះកសិករកម្ពុជា មានភាពសប្បាយរីករាយ ចំពោះតម្លៃស្វាយចន្ទី និងដំឡូងមី ហើយលោករដ្ឋមន្ត្រី សង្ឃឹមថា ភាគីវៀតណាមនឹងបន្តរក្សា បាននូវតុល្យភាពតម្លៃ និងបរិមាណនៃការប្រមូលទិញកសិផលពីកម្ពុជា។ ដោយឡែកចំពោះ ពូជស្វាយចន្ទី ដែលសមាគមស្វាយចន្ទីវៀតណាម ប្រគល់មកកម្ពុជា លោករដ្ឋមន្ត្រី បានស្នើឲ្យក្រសួងកសិកម្ម រៀតណាម ជួយផ្តល់នូវលិខិតបញ្ជាក់អនាម័យ និងភូតគាមអនាម័យ និងលិខិតបញ្ជាក់ពាក់ព័ន្ធផ្សេងទៀត ដើម្បីបញ្ចៀសនូវបញ្ហាផ្សេងៗ ដែលអាចប៉ះពាល់ដល់ផលប្រយោជន៍កសិករ។
លោករដ្ឋមន្ត្រី ក៏បានស្នើឲ្យភាគីវៀតណាម ជួយពិនិត្យលទ្ធភាព ក្នុងការបង្កើនតម្លៃកៅស៊ូ ដែលប្រមូលទិញពីកម្ពុជា ដើម្បីសម្រួលដល់ជីវភាពកសិករកម្ពុជា។ ចំពោះការចលនាសត្វឆ្លងដែន លោករដ្ឋមន្ត្រី បានស្នើឲ្យភាគីវៀតណាម ជួយពង្រឹងការបង្ការ និងទប់ស្កាត់ជំងឺឆ្លងរាតត្បាត ដើម្បីបញ្ចៀសនូវហានិភ័យ រវាងប្រទេសទាំងពីរ។ ក្រៅពីនេះ លោករដ្ឋមន្ត្រី ក៏បានស្នើដល់ភាគីវៀតណាម ជួយមានវិធានការតឹងរ៉ឹងបន្ថែមទៀត ពាក់ព័ន្ធដល់ការគ្រប់គ្រង ពាណិជ្ជកម្មផល អនុផលព្រៃឈើខុសច្បាប់ និងការនេសាទឆ្លងដែន ខុសច្បាប់ ពុំមានការអនុញ្ញាត និងមិនមានរបាយការណ៍ ព្រោះកម្ពុជាកំពុង ស្ថិតក្នុងដំណាក់កាលរៀបចំលិខិតបទដ្ឋាននានា ដែលសមស្របទៅនឹងលក្ខខណ្ឌតម្រូវរបស់សហភាពអឺរ៉ុប។
រដ្ឋមន្ត្រីកសិកម្ម និងអភិវឌ្ឍជនបទនៃសាធារណរដ្ឋសង្គមនិយមវៀតណាមលោក ង្វៀន សួនគឿងបាន សន្យាថា នឹងសហការជាមួយ វិស័យឯកជនវៀតណាម ក្នុងការពិនិត្យមើលនូវលទ្ធភាព ក្នុងការប្រមូលទិញកៅស៊ូ ពីកម្ពុជា ក្នុងតម្លៃមួយសមស្រប។ ចំពោះបញ្ហាដំឡូងមី បច្ចុប្បន្នវៀតណាម ក៏កំពុងជួបប្រទះនូវបញ្ហាជំងឺឆ្លង ហើយក្រសួង និងអ្នកជំនាញ កំពុងមានវិធានការកម្ចាត់ចោល នូវប្រភេទជំងឺឆ្លង និងកែលម្អឡើងវិញ នូវការខូចខាត និងប្រើប្រាស់ពូជថ្មី ដែលមានភាពធន់នឹងជំងឺ ហើយលោក នឹងជំរុញដល់វិស័យឯកជនវៀតណាម បន្តរក្សានូវលំនឹងតម្លៃដំឡូងមី នៅកម្ពុជា។
ចំពោះការនេសាទឆ្លងដែន និងការដឹកជញ្ជូនផល អនុព្រៃឈើឆ្លងដែន ខាងភាគីវៀតណាម មិនបានឆ្លើយចំបញ្ហាទេដោយគ្រាន់តែនិយាយរបៀបការទូតថា៖វៀតណាមកំពុងមានការយកចិត្តទុកដាក់យ៉ាងខ្លាំង ហើយរដ្ឋាភិបាលវៀតណាម បានជំរុញឲ្យមានការដាំព្រៃឈើឡើងវិញ ជាលក្ខណៈពាណិជ្ជកម្ម និងជួយដល់បរិស្ថាន។ លោករដ្ឋមមន្ត្រីវៀតណាមបាន ស្នើឲ្យភាគីទាំងពីរ រៀបចំក្រុមការងារកម្រិតជំនាញ ដើម្បីបន្តធ្វើការពិភាក្សា និងដោះស្រាយនូវបញ្ហានានា ដើម្បីជំរុញកិច្ចសហប្រតិបត្តិការទ្វេភាគី និងពង្រីកនូវទំហំពាណិជ្ជកម្ម កសិកម្មរវាងប្រទេសទាំងពីរ។សូមបញ្ជាក់ដែរសម្រាប់ស្រុកខ្មែរទោះជានាយករដ្ឋមន្ត្រីបានប្រកាសប្តេជ្ញាចិត្តទប់ស្កាត់បទល្មើសព្រៃឈើក៏ដោយក៏បទល្មើសព្រៃឈើឆ្លងដែនទៅស្រុកវៀតណាមដែលអ្នកប្រព្រឹត្តមានកំរឹតឧកញ៉ាមិនមានការថយចុះឡើយ៕