វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8775 នាក់
ម្សិលមិញ 6592 នាក់
សរុប 16782739 នាក់
ឧត្តរមានជ័យ: នៅរសៀលថ្ងៃទី ១៤ ខែកក្កដា ឆ្នាំ ២០២៤លោក ពៅ ផេង ប្រជាពលរដ្ឋ រស់នៅសង្កាត់អូរស្មាច់ ក្រុងសំរោង ខេត្តឧត្តរមានជ័យ បាន ប្រាប់អ្នកយកព័ត៌មាន គេហទំព័រ មាតុភូមិ តាមទូរស័ព្ទថា : លោក ហួសចិត្តបន្ទាប់ពីបានមកឃើញបង្គោលរបងថ្ម ជាច្រើនដើម ព័ទ្ធដោយលួសបន្លា រាប់សិបពាន់ម៉ែត្រ នៅអមសងខាងផ្លូវ ១ បេតុងខ្សែដែលជាដីកម្មសិទ្ធិរបស់លោកត្រូវបានជនអនាមឹក វាយកម្ទេចផ្ដួល រំលំរៀបដល់ដី ។
លោក ពៅ ផេង បានបញ្ជាក់ប្រាប់ថា : ផ្លូ វបេតុងមួយខ្សែដែលមានប្រវែង 200 ទទឹង៤ម៉ែត្រ ស្ថិតនៅភូមិរួតចំប៉ី សង្កាត់អូរស្មាច់ ក្រុងសំរោងខេត្តឧត្តរមានជ័យ គឺជាដីកម្មសិទ្ធិស្របច្បាប់របស់លោក តែរូបលោក និងក្រុមគ្រួសារ ,និងលោក ឡុង សុងពាវ បានបរិច្ចាគ ដី ជូនអាជ្ញាធរមូលដ្ឋាន ធ្វើការកសាង ដើម្បីជួយសំរួល ដល់ការធ្វើដំណើររបស់ប្រជាពលរដ្ឋក្នុងមូលដ្ឋាន ឆ្លងកាត់ទៅផ្សារចំការចេក ។ ប៉ុន្តែថ្មីៗនេះមានជនអនាមិក ឬក៏ក្មេងទំនើងបានមកវាយបំផ្លិចបំផ្លាញបង្គោលរបងផ្តូលរៀបដល់ដី ។ លោក ពៅ ផេង បាន បញ្ជាក់ទៀតថា : ករណីនេះ មិនមែនជាលើកទី១ទេ លោក ធ្លាប់ធ្វើរបងឡើងវិញដោយចំណាយលុយម្តង១លាន ទៅ២លានរៀលជួសជុលធ្វើរបងជាច្រើនដងមកហើយ តែនៅតែត្រូវបានជនអនាមិកលួចវាយបំផ្លិចបំផ្លាញជាបន្តបន្ទាប់ រហូតមកដល់ពេលនេះ ។
តាមរយ: គេហទំព័រ មាតុភូមិ លោក ពៅ ផេង និងលោក ឡុង សំពាវ គោរព ស្នើសុំយ៉ាងទទូច ដល់លោក អ៊ុក ប៊ុនហេង ចៅសង្កាត់អូស្មាច់ លោក ឡេង រ៉ាទីន មេភូមិ ចំបុីរួត និងលោក ផុន ចាន់និល អភិបាលក្រុងសំរោង មេត្តាជួយ មានវិធានការស្វែងរកមុខជន អនាមិក ឬក្រុមក្មេងទំនើងដែលមកវាយបំផ្លិចផ្លាញទ្រព្យសម្បត្តិរបស់លោមយកទៅផ្តន្ទាទោសតាមច្បាប់ផងទាន ! ព្រោះបើសិនជាពុំមានការយកចិត្តទុកដាក់គោរព និងអនុវត្តតាមបទបញ្ជា និងគោល នយោបាយភូមិ-ឃុំមានសុវត្ថិភាព របស់រាជរដ្ឋាភិបាលកម្ពុជាទេ ការគ្រប់គ្រង ដឹកនាំបញ្ជាផ្ទាល់ដោយលោក ផុន ចាន់និល អភិបាលក្រុងសំរោង និងលោក អ៊ុក ប៊ុនហេង ចៅសង្កាត់ អូរស្មាច់ ព្រមទាំងលោក ឡេង រ៉ាទីន មេភូមិ ដែលជាម៉ែ ជាឪរបស់ប្រជាពលរដ្ឋ នៅក្នុងមូលដ្ឋានផ្ទាល់រស់នៅពុំមានកក់ក្តៅសោះឡើយ ៕ ដោយ: សុផល & ពិទូ