រដ្ឋមន្ត្រីក្រសួងការពារជាតិទទួលស្គាល់ថាក្រុមប្រតិបត្តិការណ៍រកអេឡេកូហោះធ្លាក់មិនទាន់់ឃើញ

ភ្នំពេញ​៖ លោក​ឧបនាយករដ្ឋមន្ត្រី ទៀ សីហា រដ្ឋមន្ត្រី​ក្រសួងការពារជាតិ លើកឡ់ើ​ថា ការរុករក​ឧទ្ធម្ភាគចក្រ​ដែល​បាត់​ការទាក់ទង បានធ្វើ​ឡើង​នៅ​ថ្ងៃទី​២​ហើយ សង្ឃឹមថា អាច​នឹង​រកឃើញ​នៅថ្ងៃនេះ​។ បច្ចុប្បន្ន​ខាង​ក្រុមគ្រួសារ​ភិ​ឡុ​ត និង​ជំនួយការ​ហ្វឹកហ្វឺន​ម្នាក់​កំពុង​រង់ចាំ​លទ្ធផល​រុករក​នេះ​។អត់មានជនបរទេសទេ?!។ 

​លោក​ឧបនាយករដ្ឋមន្ត្រី ទៀ សីហា បាន​បញ្ជាក់ថា ក្រសួងការពារជាតិ បាននិងកំពុង​បញ្ជូន​កងកម្លាំង​ចូលទៅ​រុករក ឧទ្ធម្ភាគចក្រ​ចំនួន​១​គ្រឿង របស់​ក្រសួងការពារជាតិ ដែល​បាត់​ការទាក់ទង​ពេល​ហ្វឹកហ្វឺន ឬ​បាន​ចុះចត​ដោយ​សុវត្ថិភាព ប៉ុន្តែ​ធ្វើការ​ទាក់ទង​គ្នា​ពុំបាន​។ បច្ចុប្បន្ន​កម្លាំង​ជំនាញ​កំពុង​រុករក​ធ្វើឡើង​ទាំង​លើ​អាកាស និង​ថ្មើ​ជើង​។​

​លោក​ឧបនាយករដ្ឋមន្ត្រី ទៀ សីហា បានឱ្យដឹង​ដូចនេះ ក្នុងឱកាស​ខួប ៣១​ឆ្នាំ នៃ​ខួប​កងរាជអាវុធហត្ថ ១៤​កក្កដា ១៩៩៣- ១៤​កក្កដា ២០២៤​។ លោក​បាន​បញ្ជាក់ថា ក្នុងពេល​បច្ចុប្បន្ននេះ​ក្រសួងការពារជាតិ​បានចេញ​សេចក្តីប្រកាស​ព័ត៌មាន​តែមួយគត់​ឱ្យ​សាធារណៈជន​។ ឧទ្ធម្ភាគចក្រ​របស់​ក្រសួងការពារជាតិ ចេញ​ហោះហើរ​ហ្វឹកហ្វឺន​ជា​រៀងរាល់ថ្ងៃ រយៈពេល​ខ្លី ឬ​រយៈពេល​ចំងាយ​ឆ្ងាយ​។ ឧទ្ធម្ភាគចក្រ​ដែល​បាត់​ការទំនាក់ទំនង​នេះ មាន​គោលដៅ​ហ្វឹកហ្វឺន​ពី​ភ្នំពេញ​ទៅ​ថ្មដា ពី​ថ្មដា​-​ទៅ​ភ្នំពេញ​។​

​លោក​ឧបនាយករដ្ឋមន្ត្រី ពុំទាន់​សន្និដ្ឋាន​យ៉ាងណា​នៅឡើយ​ទេ ប៉ុន្តែ​ក្នុង​បេសកកម្ម​ហ្វឹកហ្វឺន មាន​ភី​ឡុ​តម្នាក់​និង​ជំនួយការ​ហ្វឹកហ្វឺន​ម្នាក់ (​សរុប​២​នាក់​) ជា​អកុសល​ជួប បញ្ហា​អាកាសធាតុ​មិន​អំណោយផល ហើយ​បាត់​ការទាក់ទង​គ្នា​។ ឥឡូវនេះ​កម្លាំង​គ្រប់​ជំនាញ​កំពុង​ចុះរ​ករក​ទៅក្នុង​តំបន់​សញ្ញា ដែល​បាត់​ការ​ទំនាក់ ទំនង​ជាមួយ​ទ័ពអាកាស​។​ក្រសួងការពារជាតិ បានចេញ​ប្រកាស​ដំណឹង​ថា​នៅ​ថ្ងៃទី ១៤ ខែកក្កដា ឆ្នាំ​២០២៤ នេះ ក្រុមការងារ​ជួយសង្គ្រោះ ដែលមាន​ការចូលរួម​ពី​បណ្តា​កងឯកភាព​ពាក់ព័ន្ធ​ក្នុងភូមិ​សាស្ត្រ​បាត់បង់ ឧទ្ធម្ភាគចក្រ​នឹង​ខិតខំ​ប្រឹងប្រែង​បន្តសកម្មភាព​ស្វែងរក​ឧទ្ធម្ភាគចក្រ​ដែល​បាន​បាត់បង់​ការទាក់ទង​ពី​ទីបញ្ជាការ​ទ័ពអាកាស ក្នុងពេល​កំពុង​ហាត់​ហ្វឹកហ្វឺន​បន្តទៀត ។​

​អស់​រយៈពេល​ពេញ​មួយថ្ងៃ ចាប់តាំងពី​ព្រឹក​ថ្ងៃទី​១៣ ខែកក្កដា ឆ្នាំ​២០២៤ ក្រោម​អាកាសធាតុ​មិន​អំណោយផល និង​ឧបសគ្គ​ជាច្រើន​ក្នុង​បេសកកម្ម​រុករក​ឧទ្ធម្ភាគចក្រ​មួយគ្រឿង ដែល​បាន​បាត់បង់​ការទាក់ទង​ពី​ទីបញ្ជាការ​ទ័ពអាកាស ក្នុងពេល​កំពុង​ហាត់​ហ្វឹកហ្វឺន នៅ​ភូមិសាស្ត្រ​ជួរ​ភ្នំក្រវាញ ស្ថិតក្នុង​ខេត្តពោធិ៍សាត់ និង ខេត្តកោះកុង ក្រុមការងារ​ជួយសង្គ្រោះ​នៅ​មិនទាន់​ប្រទះ​ឬ រកឃើញ​ឧទ្ធម្ភាគចក្រ​នេះ​នៅឡើយ​ទេ​។

​ដោយឡែក ក្រសួងធនធានទឹកបានឲ្យដឹងថា៖ចាប់ពីថ្ងៃទី១៤ ដល់ថ្ងៃទី១៦ ខែកក្កដា ឆ្នាំ២០២៤ អាកាសធាតុនៅកម្ពុជា​ តំបន់វាលទំនាប​ មានសីតុណ្ហភាពមធ្យមអប្បបរមា២៣°C និងសីតុណ្ហភាពមធ្យមអតិបរមា៣២°C។ ក្នុងនោះខ្យល់បក់មកពីទិសនិរតី និងទិសបស្ចឹម មានល្បឿនមធ្យម ៤,៥០ម៉ែត្រ​ ក្នុង១វិនាទី។ ខេត្តបន្ទាយមានជ័យ បាត់ដំបង សៀមរាប ពោធិ៍សាត់ កំពង់ឆ្នាំង កំពង់ធំ កំពង់ចាម ត្បូងឃ្មុំ ព្រៃវែង ស្វាយរៀង កណ្តាល តាកែវ និងភ្នំពេញ​ អាចមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់គ្របដណ្តប់លើ ផ្ទៃដី១០%។ 

នៅ​តំបន់​មាត់សមុទ្រ មាន​សីតុណ្ហភាព​មធ្យម​អប្បបរមា​២៣°C និង​សីតុណ្ហភាព​មធ្យម​អតិបរមា​៣០°C​។ ខ្យល់​បក់​មកពី​ទិសនិរតី មាន​ល្បឿន​មធ្យម ៤,៥០​ម៉ែត្រ ក្នុង​១​វិនាទី​។ ខេត្តកោះកុង ព្រះសីហនុ កំពត កែប និង​ជួរ​ភ្នំ​បូកគោ អាចមាន​ភ្លៀង​ធ្លាក់​ជាមួយ​ផ្គរ រន្ទះ និង​ខ្យល់​កន្ត្រាក់ គ្របដណ្តប់​លើ​ផ្ទៃដី​១០% ហេ​ី​យ​រលក​សមុទ្រ​មាន​កម្ពស់​មធ្យម​អប្បបរមា ០,៥០​ម៉ែត្រ និង​កម្ពស់​មធ្យម​អតិបរមា ១,៥០​ម៉ែត្រ​៕