តារាលក់ទំនិញអនឡាញថៃ ស្រីនាង ត្រូវកម្លាំងនគរបាលឃាត់ខ្លួនដាក់គុក?
06-April-2025 / សន្តិសុខសង្គម
ភ្នំពេញ៖ ស្ត្រីអ្នករកស៊ីលក់ផលិតផល ដែលតែងផ្សាយ Live លក់ផលិតផលតាម Facebook បង្ហាញភាពស៊ិចស៊ី(ស្លៀកពាក់តែខោអាវក្នុង)ដែលអ្នកលេងបណ្តាញសង្គមស្គាល់ឆ្មោះថៃស្រីនាងត្រូវបានកម្លាំងនគរបាល បានឃាត់ខ្លួននាល្ងាចថ្ងៃទី១៩ ខែកុម្ភៈ ឆ្នាំ២០២០នេះ ក្រោយពេលដែលទើបធ្វើកិច្ចសន្យាហើយ បែរជាល្មើសនឹងកិច្ចសន្យា និងបន្តប្រព្រឹត្តអំពើដែលនាយករដ្ឋមន្ត្រីហាមឃាត់ម្តងទៀត និងបានរិះគន់មន្ត្រីអាជ្ញាធរនៅលើបណ្តាញសង្គម Facebook ទៀតផង។
ស្ត្រីស្អាតដែលរកស៊ីតាមសមាអាជីវោតែរងគ្រោះមានអាយុ៣៩ឆ្នាំ ឈ្មោះពិត វ៉ែន រចនា ហៅ ថៃ ស្រីនាង មានទីលំនៅក្នុងខណ្ឌទួលគោក រាជធានីភ្នំពេញ។
រឿងចាប់ឃាត់ខ្លួននាងមន្ត្រីជាន់ខ្ពស់នៃស្នងការដ្ឋាននគរបាលរាជធានីភ្នំពេញ បានឲ្យកាសែតដឹងថា ក្រោយស្ត្រីរូបនេះ បានបង្ហោះសាររិះគន់ចំពោះចំណាត់ការរបស់សមត្ថកិច្ចនោះ ហើយមិនព្រមធ្វើតាមកិច្ចសន្យារបស់ខ្លួន។ កម្លាំងនគរបាលក៏បានទៅឃាត់ស្ត្រីរូបនេះ ដើម្បីបន្តការសាកសួរ និងចាត់ការតាមផ្លូវច្បាប់ចាប់ដាក់គុក?។
នៅថ្ងៃទី១៩ ខែកុម្ភៈពេលព្រឹកនាង បានធ្វើកិច្ចសន្យាជាមួយអាជ្ញាធរ និងសមត្ថកិច្ចទទួលស្គាល់កំហុសរបស់ខ្លួន ព្រមទាំង Live Video សុំទោសជាសាធារណៈចំពោះការ ស្លៀកពាក់របស់ខ្លួនកន្លងមក។ក្នុងកិច្ចសន្យារបស់ដែល ថៃ ស្រីនាងាបានធ្វើជាមួយសម្តតកិច្ច មានខ្លឹមសារយ៉ាងដូច្នេះថា៖
* នាងខ្ញុំបាន Live លក់ផលិតផល និងសំលៀកបំពាក់លក់តាម On Line រយៈពេលកន្លងមក នាងខ្ញុំបានស្លៀកពាក់មានភាពស៊ីចស៊ី លិចលើខើចក្រោម ដែលធ្វើឲ្យប៉ះពាល់ដល់តំលៃ និងកិត្ដិយសរបស់ស្ដ្រីខ្មែរ វប្បធម៌ប្រពៃណីជាតិ និងច្បាប់ជាធរមាន
* នាងខ្ញុំសូមសន្យា ដកចេញនូវរាល់រូបភាពស៊ិចស៊ី អាក្រាត ក្នុង Page របស់នាងខ្ញុំផុតកន្លងមក។
* នាងខ្ញុំសូមសន្យាថាឈប់បង្ហោះរូបភាព ស៊ិចស៊ី អាក្រាត ដែលនាំឲ្យប៉ះពាល់ដល់សេចក្ដីថ្លៃថ្នូរទំនៀមទំលាប់ប្រពៃណីខ្មែរទៀតឡើយ ប្រសិនជាថ្ងៃក្រោយ នាងខ្ញុំមិនគោរពតាមកិច្ចសន្យាខាងលើ នាងខ្ញុំសុខចិត្ដទទួលខុសត្រូវចំពោះមុខច្បាប់ ទាំងស្រុង ចាប់ពីថ្ងៃនេះតទៅ។
សូមបញ្ជាក់ថា ថៃ ស្រីនាង ដែលមហាជនតែងតែឃើញសកម្មភាពលក់ផលិតផលតាម Facebook ជាមួយការស្លៀកពាក់មិនសមរម្យខ្លាំង ឬ Sexy និងត្រូវបានអ្នកលេង Facebook នាំគ្នារិះគន់ខ្លាំងៗឯអ្នកទិញចេះតែទិញនោះ កម្លាំងសមត្ថកិច្ច នឹងបន្ដចាត់វិធានចំពោះអ្នកលក់ផលិតផលតាមអនឡាញលើបណ្តាញសង្គម Facebook ដទៃទៀត ដែលបញ្ចេញសាច់ និងកន្លែងកេរ្តិ៍ខ្មាសហួសហេតុ ដើម្បីតែទាក់ទាញចំណាប់អារម្មណ៍អ្នកទិញ។
ប្រតិបត្ដិការ និងចំណាត់ការរបស់អាជ្ញាធរយ៉ាងដូច្នេះ ក្រោយពីសម្តេចតេជោ ហ៊ុន សែន នាយករដ្ឋមន្ត្រីកម្ពុជាកាលពីថ្ងៃទី១៧កុម្ភៈនៅក្នុងកិច្ចប្រជុំក្រុមប្រឹក្សាជាតិដើម្បីស្ត្រី បានសម្តែងការមិនសប្បាយចិត្តចំពោះការផ្សាយ «Live» លក់ផលិតផលតាម Facebook ដែលបញ្ចេញអស់កេរ្តិ៍ខ្មាសដោយបានបញ្ជាទៅក្រសួងប្រៃសនីយ និងទូរគមនាគមន៍ ឲ្យបិទរាល់គណនី Facebook ផ្សាយលក់ផលិតផល ដែលបញ្ចេញអស់កេរ្តិ៍ខ្មាសទាំងនេះ ចំណែកអ្នកមិនបញ្ចេញកេរ្តិ៍ខ្មាស់មិនអីនោះទេ។
សម្តេចតេជោ នាយករដ្ឋមន្ត្រី បានបញ្ជាក់ថា ការ Live បែបនេះនាំឱ្យមានការបំពានផ្លូវភេទស្រី ក្នុងសង្គមនាពេលបច្ចុប្បន្ន ហើយអាចនាំឲ្យកើតមានករណី ចាប់រំលោភផងដែរ។ក្រោយពីមានបំរាមដេលថ្វើឲ្យប៉ះពាល់មុខរបរ អ្នកនាងថៃ ស្រីនាង បានបង្ហោះសារត្អូនត្អែថា “ឈឺក្បាលណាស់ចង់ផឹកកាត់សាញ តែមានតាគោកខ្វះទឹក គិតមេចលូវ ស្តាប់ប្រសាស៍សម្តេចហើយ ចង់ខ្យល់ មើរទៅត្រូវដូរមុខរបរទៀតហើយខ្ញុំ”។
ថៃ ស្រីនាង បង្ហោះសារត្អូញត្អែរថា “សម្តេចអើយសម្តេច ជួយសេងរ៉ូបខ្ញុំខ្លះទៅ យកទៅទុកក៏បានដែរ បើសល់ច្រើនម្លឹងៗបានលុយឯណាសងគេ លោកអើយលោក ឆ្កួតងាប់លូវហើយខ្ញុំ ពេលនេះមានតែស្រាទេ យល់ចិត្តខ្ញុំ”។គ្រាន់តែសារប៉ុណ្ណឹងមានអ្នកហៃអើខ្លះខំហួចហៅខ្យល់ដោយវាយប្រហារនាងថាឌឺដងដាក់នាយករដ្ឋមន្ត្រីនិងឲ្យចាត់វិធានការ។ចឹងបានថាស្រុកខ្មែរអាឡូវខ្យលព្យុះមថ្យមទេតែងំអាអ្នកហួចហៅខ្យល់នឹងហ្ម៉ង!។តើករណីយ៍ចឹងនាងត្រូវជាប់គុកដែរ?។
