វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5438 នាក់
ម្សិលមិញ 6359 នាក់
សរុប 14092071 នាក់
គំពង់ស្ពឺ៖រកឃើញហើយឃាតកលួចកាប់បុរសអង្គុយមើលគេរាំក្នុងពិធីបុណ្យដាលានបណ្តាលឲ្យស្លាប់ត្រូវនគរបាលចាប់ខ្លួនបានហើយ កាលពីល្ងាចថ្ងៃទី ១២ ខែ មករា ឆ្នាំ ២០២២ នៅក្នុងភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ។
នគរបាលស្រុកឱរ៉ាល់ឲ្យដឹងថា ជនដៃដល់ជាកូនប្តីដើម ដែលសមត្ថកិច្ចឃាត់បាន មានឈ្មោះ ផ្លេង កំសត់ ហៅអាឈ្លូស អាយុ ១៨ ឆ្នាំ រស់នៅក្នុងភូមិ កើតហេតុ ។យុវជនដៃដល់បានសារភាពថា ខ្លួនពិតជាបានយកកាំបិតផ្គាក់កាប់ទៅលើឈ្មោះ ស្រីវ៉ាត ហៅឆ្លូវ ដែលត្រូវជាឪពុកចុងពិតប្រាកដមែន ពីព្រោះកន្លងទៅ ឪពុកចុងរូបនោះ ( ជនរងគ្រោះ ) ធ្លាប់វាយធ្វើបាបម្ដាយរបស់ខ្លួនច្រើនលើកច្រើនដងរាប់មិនអស់ ប្រើហិង្សាលើម្តាយថែមទៀត មិនតែប៉ុណ្ណោះឪពុកចុងរូបនោះ ធ្លាប់គំរាមកំហែងកាប់សម្លាប់ទៅលើជីតាឈ្មោះ ផ្លេង និង ឪពុកមា របស់ខ្លួនឈ្មោះ ផ្លេង តៅ ថែមទៀតផង ទើបខ្លួនសម្រេចចិត្តថា នៅពេលណាមានឱកាសល្អ គឺសម្លាប់ឪពុកចុង ចោលតែម្តង ។ នៅយប់ថ្ងៃបុណ្យដាបាតលានចូលមកដល់ នៅក្នុងភូមិតែងតែ ប្រារព្ធពិធីនេះ ឃើញឱកាសល្អ ឪពុកចុង របស់គេអង្គុយលើម៉ូតូមើលគេរាំលេងរូបគេ ក៏បានយកកាំបិតផ្គាក់កាប់ពីក្រោយតែម្តង ។
សូមរំលឹកថា កាលពីវេលាម៉ោង ១០ និង៣០នាទី យប់ ថ្ងៃទី ១០ ខែ មករា ឆ្នាំ ២០២២ កន្លងទៅ ត្រង់ចំណុចរោងប្រជុំភូមិស្រែកិន ស្ថិតនៅភូមិស្រែកិន ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ មានករណីឃាតកម្មមួយបានកើតឡើងបង្កដោយជនសង្ស័យមិនស្គាល់អត្តសញ្ញាណបានយកកាំបិតផ្គាក់កាប់ទៅលើជនរងគ្រោះឈ្មោះស្រី វ៉ាតភេទប្រុស អាយុ ៤៤ឆ្នាំ មានទីលំនៅភូមិស្រែកិន ឃុំត្រពាំងជោ ស្រុកឱរ៉ាល់ខេត្តកំពង់ស្ពឺ ចំកញ្ចឹង កពីក្រោយបណ្ដាលឲ្យជនរងគ្រោះស្លាប់ភ្លាមៗនៅនឹងកន្លែងកើតហេតុ ខណៈដែលជនរងគ្រោះកំពុងអង្គុយលើម៉ូតូមើលគេរាំវង់កម្មវិធីបុណ្យដាបាតលានភូមិ ។