ក្នុងគម្រោងផែនការលក់ពន្លឺព្រអអាទិត្យអាជ្ញាធរអគ្គិសនីកម្ពុជាជម្រុញអ្នកប្រើប្រាស់ប្រព័ន្ធថាមពលពន្លឺព្រះអាទិត្យ ចេញមុខស្វ័យប្រកាសដើម្បីទាលុយ
ភ្នំពេញ៖ក្នុងផែនការលក់ពន្លឺព្រះអាទិត្យនៅក្នុងស្រុកខ្មែររបស់រាជរដ្ឋាផិបាលកម្ពុជា កាលពីថ្ងៃទី៤ ខែកក្កដា ឆ្នាំ២០២៤អាជ្ញាធរអគ្គិសនីកម្ពុជា បានចេញសេចក្តីជូនដំណឹងថ្មីមួយ ដាស់តឿនដល់អ្នកដែលបានបានដំឡើង និងកំពុងប្រើប្រាស់អគ្គិសនីដោយប្រព័ន្ធថាមពលពន្លឺព្រះអាទិត្យទាំងអស់ ត្រូវតែចេញមុខមកប្រកាសដោយខ្លួនឯងទៅកាន់អ្នកផ្គត់ផ្គង់អគ្គិសនីឯកជនដែលឋិតនៅក្នុងតំបន់ដែលខ្លួនកំពុងប្រើប្រាស់អគ្គិសនី ឬទៅកាន់អាជ្ញាធរអគ្គិសនីកម្ពុជាតែម្តង ឱ្យបានមុនថ្ងៃទី១៥ ខែសីហា ឆ្នាំ២០២៤ខាងមុខ។
រឿងគម្រោងលក់ថ្ងៃនៅស្រុកខ្មែរយើងនេះកាលពីថ្ងៃទី១៥ ខែធ្នូ ឆ្នាំ២០២៣កន្លងទៅនេះ អាជ្ញាធរអគ្គិសនីកម្ពុជាបានចេញលិខិតជូនដំណឹងដល់អ្នកប្រើប្រាស់អគ្គិសនីទាំងអស់ដែលបានដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យដែលពុំទាន់មានការអនុញ្ញាត ឱ្យធ្វើស្វ័យប្រកាសពីការដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យរបស់ខ្លួនទៅកាន់អ្នកផ្គត់ផ្គង់អគ្គិសនី ឬអគ្គិសនីកម្ពុជា ឱ្យបានមុនថ្ងៃទី៣១ ខែមករា ឆ្នាំ២០២៤ ក៏ប៉ុន្តែមិនទទួលជោគជ័យ។អាជ្ញាធរអគ្គិសនីកម្ពុជា បានពន្យារកាលកំណត់នោះ ដោយជូនដំណឹងសារជាថ្មីដល់អ្នកដែលបានដំឡើង និងកំពុងប្រើប្រាស់ប្រព័ន្ធថាមពលពន្លឺព្រះអាទិត្យទៅដាក់សេចក្តីប្រកាសរបស់ខ្លួនចាប់ពីថ្ងៃនេះ រហូតដល់ថ្ងៃទី១៥ ខែសីហា ឆ្នាំ២០២៤។ អាជ្ញាធរអគ្គិសនីកម្ពុជាថា ការពន្យារនេះមានគោលបំណងដើម្បីធានាថាការដំឡើងប្រព័ន្ធថាមពលពន្លឺព្រះអាទិត្យទាំងអស់ត្រូវបានចងក្រងឯកសារ និងគ្រប់គ្រងត្រឹមត្រូវ។
សេចក្តីជូនដំណឹងរបស់អាជ្ញាធរអគ្គិសនីកម្ពុជា ក៏បានអំពាវនាវដល់អ្នកប្រើប្រាស់ទាំងអស់រួមមានទាំង អ្នកឧកញ៉ា លោកឧកញ៉ា និងអ្នកប្រើប្រាស់ដទៃទៀតដែលកំពុងប្រើប្រព័ន្ធថាមពលពន្លឺព្រះអាទិត្យលើដំបូល ហើយពុំទាន់បានធ្វើស្វ័យប្រកាសជួយផ្សព្វផ្សាយសេចក្តីជូនដំណឹងដល់អ្នកប្រើប្រាស់ឋិតក្នុងតំបន់ផ្គត់ផ្គង់របស់ខ្លួន និងត្រៀមទទួលការធ្វើស្វ័យប្រកាសរបស់អ្នកប្រើប្រាស់។អាជ្ញាធរអគ្គិសនីកម្ពុជាបានទុករយៈពេល៧ (ប្រាំពីរ) ថ្ងៃបន្ទាប់ពីថ្ងៃទី១៥ ខែសីហា ឆ្នាំ២០២៤ ដល់អ្នកកាន់អាជ្ញាបណ្ណត្រូវបញ្ជូនលិខិតស្វ័យប្រកាសដែលទទួលបានពីអ្នកប្រើប្រាស់ទៅអាជ្ញាធរអគ្គិសនីកម្ពុជា។
ករណីយ៍ចម្រុញឲ្យធ្វើស្វយ័ប្រកាសនេះអាជ្ញាធរអគិ្គសនីកម្ពុជាអះអាងថាវាមានសារៈសំខាន់ណាស់សម្រាប់អ្នកប្រើប្រាស់ក្នុងការយល់ថា អ្នកដែលធ្វើការប្រកាសដោយខ្លួនឯងក្នុងរយៈពេលដែលបានកំណត់នឹងត្រូវបានទទួលស្គាល់ថាជាអ្នកប្រើប្រាស់ដែលមានការអនុញ្ញាត។ ផ្ទុយទៅវិញ អ្នកដែលខកខានមិនបានប្រកាសប្រព័ន្ធរបស់ពួកគេតាមកាលកំណត់នឹងត្រូវប្រឈមមុខនឹងថ្លៃសំណងខ្ពស់ជាងមុន និងការផ្អាកបណ្តោះអាសន្ននៃការផ្គត់ផ្គង់អគ្គិសនីរបស់ពួកគេពីបណ្តាញជាតិ។
ចំពោះអ្នកប្រើប្រាស់អគ្គិសនីដែលបានដំឡើង និងប្រើប្រាស់ប្រព័ន្ធថាមពលពន្លឺព្រះអាទិត្យលើដំបូល ពុំមានការអនុញ្ញាត ហើយពុំបានធ្វើស្វ័យប្រកាសក្នុងរយៈពេលកំណត់ខាងលើ នឹងត្រូវចាត់ទុកថា ជាអ្នកប្រើប្រាស់មានពុំការអនុញ្ញាត ដែលនឹងត្រូវបង់ថ្លៃប៉ះប៉ូវខ្ពស់ជាងអ្នកប្រើប្រាស់មានការអនុញ្ញាត និង/ឬ ផ្អាកជាបណ្តោះអាសន្ននូវការផ្គត់ផ្គង់អគ្គិសនីពីប្រភពបណ្តាញជាតិ។ នៅថ្ងៃទី៦ ខែកក្កដា ឆ្នាំ២០២៤នេះ លោក យឹម វិសិដ្ឋប្រធានអាជ្ញាធរអគ្គិសនីកម្ពុជា បានថ្លែងថា កន្លងមកអាជ្ញាធរបានប្រកាសដល់អ្នកដែលដំឡើង ប្រព័ន្ធថាមពលពន្លឺព្រះអាទិត្រ ត្រូវមកធ្វើស្វ័យប្រកាសតាំងពីថ្ងៃ១៥ ខែធ្នូ ឆ្នាំ២០២៣ និងបានបញ្ចប់នៅដើមឆ្នាំ២០២៤ ប៉ុន្ដែដោយពិនិត្យឃើញថា យោងតាមការប្រកាសលើទី១នេះ ឃើញថាមានតែ៩៤នាក់ប៉ុណ្ណោះ ដែលបានមកធ្វើស្វ័យប្រកាស។លោកបានបន្ដថា ដូច្នេះនៅពេលពិនិត្យតាមស្ថានភាពជាក់ស្ដែងឃើញថា នៅមានអ្នកប្រើប្រាស់ជាច្រើនទៀត ដែលមិនទាន់បានមកធ្វើស្វ័យប្រកាស ប្រសិនបើអាជ្ញាធរអគ្គិសនី បិទបញ្ចប់ការជូនដំណឹងត្រឹមនោះ ហើយធ្វើបែបបទមានន័យថា អ្នកធ្វើស្របច្បាប់មានត្រឹមតែ ៩៤នាក់ប៉ុណ្ណោះ ដោយឡែកអ្នកផ្សេងទៀតនឹងនៅក្រៅច្បាប់។ដូច្នេះហើយបានជាអាជ្ញាធរ សម្រេចប្រកាសរំលឹកម្ដងទៀត ដើម្បីមកធ្វើស្វ័យប្រកាស ដោយបានជូនដំណឹងនៅថ្ងៃទី៤ ខែកក្កដា ឆ្នាំ២០២៤ ជាលើកទី២។
លោកបានបញ្ជាក់ថា «ក្នុងនោះមានប្រជាពលរដ្ឋមានចម្ងល់ថា តើមានបរិក្ខាអគ្គិសនីបែបណា ដែលមិនស្ថិតក្នុងការធ្វើស្វ័យប្រកាស បរិក្ខាអគ្គិសនីដែលមិនស្ថិត ក្នុងការធ្វើស្វ័យប្រកាសរួមមាន ការតម្លើងប្រព័ន្ធសូឡាដាច់ដោយឡែក ដូចជាឆ្នាំដាំបាយ អំពូល ឬម៉ូទ័រដែលមិនស្ថិតក្រោមការធ្វើស្វ័យប្រកាសឡើយ»។លោកបានបន្ថែមថា «តើនៅថ្ងៃខាងមុខយើងត្រូវគិតតម្លៃប៉ុន្មាន ខ្ញុំសូមជម្រាបជូនថា អាជ្ញាធរអគ្គិសនីកម្ពុជា យោងតាមគោលការណ៍របស់ក្រសួងរ៉ែ និងថាមពល អាជ្ញាធរអគ្គិសនីកម្ពុជាកំពុងតែរៀបចំនូវបញ្ជីថ្លៃលក់មួយ សម្រាប់អ្នកប្រើប្រាស់ដែលដំឡើងប្រព័ន្ធថាមពលពន្លឺព្រះអាទិត្យថា ស្របតាមគោលនយោបាយរបស់រាជរដ្ឋាភិបាល គឺការរៀបចំគម្រោង ការរៀបចំថ្លៃនឹងពិគ្រោះយោបល់ ក្នុងពេលឆាប់ៗខាងមុខ សម្រាប់លំនៅដ្ឋានប្រជាពលរដ្ឋដែលដំឡើងថាមពលពន្លឺព្រះអាទិត្យ ដែលមានកម្លាំងមិនលើសពី ១០គីឡូវ៉ាត់ ឬ៥០អំពែនោះនឹងមិនតម្រូវឲ្យបង់ថ្លៃអ្វីទាំងអស់»។លោកបានបញ្ជាក់ថា «ចំពោះប្រជាពលរដ្ឋធម្មតា សឹងតែ៩០ភាគរយ គឺមិនប៉ះពាល់អ្វីនោះឡើយ គាត់ដំឡើងថាមពលពន្លឺព្រះអាទិត្យ ក្នុងក្របខណ្ឌលំនៅដ្ឋាន គឺមិនមានពាក់ព័ន្ធនឹងត្រូវបង់ថ្លៃអ្វីទាំងអស់»។
នៅថ្ងៃទី៧ ខែកក្កដា ឆ្នាំ២០២៤នេះ លោក កែវ រតនៈ រដ្ឋមន្ត្រីក្រសួងរ៉ែ និងថាមពល បានបង្ហោះវីដេអូមួយ ដោយពន្យល់អំពីភាពចាំបាច់បំផុត ក្នុងការគ្រប់គ្រងការដាក់ប្រព័ន្ធអគ្គិសនីពន្លឺព្រះអាទិត្យ ដោយភ្ជាប់ទៅបណ្តាញផ្គត់ផ្គង់អគ្គិសនីសាធារណៈ (បណ្តាញរដ្ឋ)។
លោករដ្ឋមន្ត្រីបញ្ជាក់ថា «ការគ្រប់គ្រងការដាក់ប្រព័ន្ធអគ្គិសនីពន្លឺព្រះអាទិត្យ ដោយភ្ជាប់ទៅបណ្តាញផ្គត់ផ្គង់អគ្គិសនីសាធារណៈ គឺសំដៅការពារការដាច់ភ្លើងតាមតំបន់ និងទូទាំងប្រទេស និងការពារមិនឱ្យឡើងថ្លៃភ្លើង ទៅអ្នកដទៃដែលមិនបានដាក់ប្រព័ន្ធព្រះអាទិត្យនោះ»។លោកបញ្ជាក់ទៀតថា ការដាក់ប្រព័ន្ធនានា មិនភ្ជាប់ជាមួយបណ្តាញជាតិ និងការដាក់ប្រព័ន្ធតូចៗតាមលំនៅដ្ឋាន និងទីតាំងអាជីវកម្មដែលមានកម្រិតក្រោម ១០គីឡូវ៉ាត់ទោះភ្ជាប់ជាមួយបណ្តាញសាធារណៈក៏ដោយ មិនជាប់ការបង់ថ្លៃអគ្គិសនីបម្រុងនោះទេ។ ដូចនេះប្រជាពលរដ្ឋជាង ៩៥%ដែលប្រើប្រាស់អគ្គិសនីសម្រាប់លំនៅដ្ឋាន និងទីតាំងអាជីវកម្មនឹងមិនរងការប៉ះពាល់ ពីវិធានរបស់អាជ្ញាធរអគ្គិសនីថ្មីនោះឡើយ។
គេមិនទាន់ដឹងថាតើផែនការលក់ពន្លឺថ្ងៃនៅស្រុកខ្មែរយើងហ្នឹងមានសារាចរឬច្បាប់អនុមត័ហើយឬនៅ?។ម្យ៉ាងទៀតឧបករណ៍តម្លើងដែលនាំចូលសុទ្ធតែបានមបង់ពន្ធ័រួចអស់ហើយហេតុអីក៏រដ្ឋត្រូវដាក់ផែនការលក់ពន្លឺថ្ងៃទៀត?ឬក៏រដ្ឋឡូវខ្វះលុយ?។សូមបញ្ជាក់ថាសព្វថ្ងៃនេះស្រុកខ្មែរយើងរដ្ឋផ្គត់ភ្គង់បណ្តាញអគ្គិសនីមិនទាន់បានគ្រប់គ្រាន់មួយរយភាគរយនៅឡើយចឹងការប្រើប្រាស់ប្រពន្ធ័សូឡាពន្លឺព្រះអាទ្យិដោយលុយប្រជាពលរដ្ឋជាមធ្យោបាយដោះស្រាយជីវភាព្រប្រជាពលរដ្ឋហេតុអីក៏ត្រូវបង់តម្លៃប្រើសប្រាសទៀត?៕
