វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 8386 នាក់
ម្សិលមិញ 8270 នាក់
សរុប 16469659 នាក់
ភ្នំពេញ៖ចាប់ពីខែមករាឆ្នាំ២០១៩តទៅ ក្រសួងការងារនិងបណ្តុះ បណ្តាលវិជ្ជាជីវៈបានកំណត់ប្រាក់ ឈ្នួលអប្បរមាសម្រាប់កម្មករនិយោជិតសម្រាប់ឆ្នាំ២០១៩ ចំនួន ១៨២ដុល្លាអាមេរិក ។ ចំពោះប្រាក់អត្ថប្រយោជន៏នានារក្សានៅដដែល។
ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានមានប្រសាសន៍ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រចបន្ថែម៥ដុល្លារ លើតួលេខបោះឆ្នោតដោយក្រុមប្រឹក្សាការងារ ១៧៧ដុល្លារ ដែលធ្វើឱ្យប្រាក់ឈ្នួលអប្បបរមារបស់ កម្មករនិយោជិត ក្នុងវិស័យកាត់ដេរសំលៀកបំពាក់ និងស្បែកជើង កើនដល់១៨២ដុល្លារ សម្រាប់ឆ្នាំ២០១៩។
គួរបញ្ជាក់ថានៅក្នុងតំបន់ក្នុងឆ្នាំ២០១៨នេះ បើប្រៀបធៀបតារាងប្រាក់ឈ្នួល ដែលមានការរីកចម្រើនក្នុងវិស័យកាត់ដេរ មានប្រទេសកម្ពុជាជាដើម កម្មករទទួលបានប្រាក់ឈ្នួលក្នុងមួយខែ១៧០ដុល្លារអាមេរិក បង់ក្លាដេស ៦៧ដុល្លារអាមេរិក ស្រីលង្កា ៦៧ដុល្លារអាមេរិក ឥណ្ឌាឡើងពី៧៧ដុល្លារដល់១៤៣ដុល្លារអាមេរិក មីយ៉ាន់ម៉ា ឡើងដល់១០៨ដុល្លារអាមេរិក ឥណ្ឌូណេស៊ី ឡើងដល់២៦៧ដុល្លារអាមេរិក វៀតណាមឡើងពី១២២ដុល្លារ ដល់១៧៥ដុល្លារអាមេរិក ឡាវឡើងដល់១៣០ដុល្លារ និងប្រទេសប៉ាគីស្ថាន ទទួលបានប្រាក់ឈ្នួល ១៣៤ដុល្លារអាមេរិកក្នុងមួយខែ។
សូមជម្រាបថា ក្រសួងការងារ និងបណ្តុះបណ្តាលវិជ្ជាជីវៈបានសម្រេចឲ្យថៅកែរោងចក្រទាំងអស់ត្រូវបើកប្រាក់ខែជូនកម្មករនិយោជិកក្នុង១ខែពីដងចាប់ពីដើមឆ្នាំ២០១៩តទៅ ។
យោងតាមសេចក្តីប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈចេញផ្សាយកាលពីថ្ងៃទី២១ ខែកញ្ញា ឆ្នាំ២០១៨ បានសម្រេចថា ចាប់ពីខែមករា ឆ្នាំ២០១៩ តទៅម្ចាស់សហគ្រាសគ្រឹះស្ថានទាំងឡាយណា ដែលស្ថិតនៅក្រោមបទបញ្ញត្តិនៃច្បាប់ស្តីពីការងារត្រូវរៀបចំឲ្យមានការបើកប្រាក់ឈ្នួលជួនកម្មករនិយោជិតចំនួន២ដងក្នុងមួយខែ ដោយត្រួវបើកលើកទី១ក្នុងសប្តាហ៍ទី២(ចំនួន៥០% (ហាសិបភាគរយ) នៃប្រាក់ឈ្នួលសុទ្ធសាធក្នុងមួយខែ) និងលើកទី២ក្នុងសប្តាហ៍ទី៤ (ស្មើនឹងចំនួនប្រាក់ឈ្នួលសុទ្ធសាធដែលនៅសល់ប្រាក់ឈ្នួលបន្ទាប់បន្សំ និងអត្ថប្រយោជន៍ផ្សេងៗទៀតដែលកម្មករនិយោជិតត្រូវទទួលបាននៅក្នុងខែនីមួយៗ) ៕