វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4133 នាក់
ម្សិលមិញ 5304 នាក់
សរុប 14143659 នាក់
កាណាដា៖ ចាប់ពីអាទិត្យទី១ ខែមករា ឆ្នាំ២០២៣តទៅ ជនបរទេសមិនអនុញ្ញាតឱ្យអាចទិញអចលនទ្រព្យលំនៅដ្ឋាននៅក្នុងប្រទេសកាណាដាទៀតឡើយ ។ បម្រាមចេញដោយរដ្ឋាភិបាលកាណាដានេះមានក្នុងគោលបំណងធ្វើឱ្យមានភាពងាយស្រួលដល់អ្នកស្រុកកាណាដាដែលកំពុងប្រឈមនឹងវិបត្តិលំនៅដ្ឋាន ។ ទោះបីជាបម្រាមហាមទិញផ្ទះបានចូលជាធរមានហើយក៏ដោយ តែនៅមានករណីលើកលែងខ្លះ សម្រាប់ជនភៀសខ្លួន និងអ្នករស់នៅជាអចិន្ត្រៃយ៍ដែលមិនមែនជាពលរដ្ឋកាណាដា ។
ទោះបីយ៉ាងណាវាជាវិធានការបណ្តោះអាសន្នរយៈពេល២ឆ្នាំ ដែលនាយករដ្ឋមន្ត្រី Justin Trudeau បានស្នើឡើងអំឡុងយុទ្ធនាការបោះឆ្នោតក្នុងឆ្នាំ២០២១ ខណៈតម្លៃលំនៅដ្ឋានបានកើនឡើងជាលំដាប់លើសពីលទ្ធភាពរបស់ប្រជាជនកាណាដា ។សមាគមអចលនទ្រព្យកាណាដាបានឲ្យដឹងថា តម្លៃផ្ទះជាមធ្យមក្នុងប្រទេសកាណាដាបានធ្លាក់ចុះពីជាង ៨០ម៉ឺនដុល្លារកាណាដា ឬ ជាង៥៩ម៉ឺនដុល្លារអាម៉េរិក (តម្លៃខ្ពស់បំផុត) កាលពីដើមឆ្នាំ២០២២ មកនៅត្រឹមតែជាង ៦៣ម៉ឺនដុល្លារកាណាដា ឬ ជាង៤៦ម៉ឺនដុល្លារអាម៉េរិក កាលពីខែមុន ។
អ្នកជំនាញបានលើកឡើងដោយផ្នែកតាមទីភ្នាក់ងារស្ថិតិជាតិ បានអះអាងថា បម្រាមនេះបានហាមឃាត់អ្នកទិញផ្ទះជាជនបរទេសក្នុងប្រទេសកាណាដាបានតែ៥%ប៉ុណ្ណោះ ផ្ទុយទៅវិញ កាណាដាគួរសាងសង់លំនៅដ្ឋានបន្ថែមទៀត ដើម្បីបំពេញតម្រូវការរស់នៅ ។កាលខែមិថុនា ឆ្នាំ២០២២ សាជីវកម្មកម្ចីទិញផ្ទះ និងលំនៅដ្ឋានកាណាដា រួមទាំងទីភ្នាក់ងារលំនៅដ្ឋានជាតិ បានលើកឡើងតាមរយៈរបាយការណ៍មួយថា នៅឆ្នាំ២០៣០ខាងមុខ តម្រូវការលំនៅដ្ឋាននឹងកើនឡើងជិត ១៩ លានគម្រោង ។ មានន័យថា លំនៅដ្ឋានថ្មីចំនួន ៥.៨ លានគម្រោងត្រូវតែសាងសង់ឡើង ឬ ៣.៥ លានគម្រោងក៍ត្រូវតែសាងសង់ឡើង ច្រើនជាងការរំពឹងទុកនាពេលបច្ចុប្បន្នដើម្បីបំពេញតម្រូវការរបស់ពលរដ្ឋ ៕ប្រភព៖ AFP