» ភ្លៀង​ធ្លាក់​ជន​លិច​៤​ឃុំ​បាក់​ស្ពាន​យោល​ក្នុងស្រុក​សំឡូត​ពលរដ្ឋ​ជាង​២០​គ្រួសារ​ត្រូវជម្លៀសចេញ​អ្នកនៅតាមដងស្ទឹងសង្កែប្រយត្ន័ផង » គយ​ច​ល​ត័​ព្រែក​ចាក​កៀប​ប្រជាពលរដ្ឋ​ផ្ទុះ​ការតវ៉ា​! » កូន​ខ្មែរ​កម្ពុជា​ក្រោម​នៅតែ​រក្សា​ប្រពៃណី​វប្បធម៌​ជាតិ​បានល្អ » បំពាក់អាវុធ​ឲ្យ​ឧ​ទ្យា​នុ​រក្ស​នៃ​ឧទ្យាន​ជាតិ​ព្រះមុនីវង្ស​បូកគោ​ » ខ្មែរ​ល្អ​ជាងគេ​ក្នុងការ​បញ្ជូន​ពលករ​ទៅធ្វើ​ការ​នៅ​កូរ៉េខាងត្បូង​! » កូនស្រី​លាភ​ជិត​ក្រមុំ​បង្ហាញ​សាច់​ពន្យុយ​ប្រុសៗ​ » រួច​ពី​គុក​អតីត​មេ​អង្គរ​ក្ស័​សព​សម្តេច​ជាស៊ីម​ត្រូវ​ប​ក្ស​តែងតាំង​ឲ្យ​ចុះជួយ​ខេត្ត​ត្បូងឃ្មុំ​ » ស្ត្រី​ចំណាស់​ម្នាក់ ស្លាប់​ដោយសារ​លោក កែ សុខន មេ​ប៉ុស្តិ៍​វាលរេញ បាញ់​គំរាម​ជនសង្ស័យ​ចាប់​មិនទាន់បាន​? » ជលផល​ខេត្តកំពង់ឆ្នាំង​និង នាយ​សង្កាត់រដ្ឋបាល​ជ​ល​ផល​ស្រុក​កំពង់លែង​ចុះបង្ក្រាប​ក្រោយពី​រង​ការ​ចោទថា​បើកដៃ​អោយ​មេ​ឈ្មួញ​រត់ការ​របាំង​លប​ក្នុង​និង​ក្រៅ​តំបន់​អភិរក្ស​ក្នុង​រដូវ​បិទ​នេសាទ​? » ទាល់​តម្រិះ​?!​សម្រេច​ផ្អាក​ប្រតិបត្តិការ​អូស​សា​ឡង់​ខ្សាច់​ដែល​ជាប់​កឿង​នឹង​សសរស្ពាន​ព្រែក​តា​មាក់​ចាំ​ទឹក​ស្រក​ » ការគាំទ្រ​លោក​ប្រធានាធិបតី​ត្រាំ​ធ្លាក់ចុះ​ធ្វើ​ឲ្យ​ស្រពិចស្រពឹល​សម្រាប់​អាណត្តិ​ទី​២ » មិនមែន​ក្អ​យ​អ្នកកំប្លែង​ទៀត​ទេ​តែ​ជា​ជំទាវ​ជួន ចាន់​រតនា​ » ផឹក​ស្រវឹង​ខឹង​ប្តី​បន្ទោស​ចាក់​ធ្លាយ​ពោះវៀន​! » លោក​សមរង្ស៊ី​រង​ការ​ថ្កោលទោស​ព្រោះ​សម្តី​តុលា​ការ​ចាត់ការ​តាម​ការបញ្ជាររបស់​ក្រសួង​យុ​ត្តិ​ធ​ម៍​ » ប្រធាន​មន្ទីរ ដែនដី​នគរូបនីយកម្ម​សំណង់​និង​សូ​រិ​យោ​ដី​ខេត្តបន្ទាយមានជ័យ ថ្មី នឹង​ប្រកាស​នៅ​សប្តាហ៍​ក្រោយនេះ ជំនួស​លោក ប្រាក់ ប៉ូ​លី​ក្រោយពី​បែក​រឿងអាស្រូវ​?...!!!

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 1041 នាក់

ម្សិលមិញ 3971 នាក់

សរុប 2978823 នាក់

នាយករដ្ឋមន្ត្រី តេ​ជោ ហ៊ុនសែន​៖​រាជរដ្ឋាភិបាល​កម្ពុជា​សុខចិត្ត​បង់ពន្ធ​លើ​ប្រភេទ​ទំនិញ​នាំចូល​ទៅកាន់​ទីផ្សារ​អឺរ៉ុប មិន​ចុះ​ញ៉ម​ចំពោះ​ការ​គំរាម​ដក​ការអនុគ្រោះ​ពន្ធ​ឡើយ​!

 

​ជប៉ុន​៖​សម្តេច​តេ​ជោ ហ៊ុន សែន​នាយករដ្ឋមន្ត្រី​កម្ពុជា​អាណត្តិ​ទី​៦​ថ្លែង​ពី​ពី​ទីក្រុង​តូ​ក្យូ ប្រទេស​ជប៉ុន កាលពី​ថ្ងៃទី​៧ ខែតុលា ឆ្នាំ​២០១៨ ថា​រាជរដ្ឋាភិបាល​កម្ពុជា​មិន​ចុះ​ញ៉ម​ចំពោះ​ការ​គំរាម​ដក​ការអនុគ្រោះ​ពន្ធ​ពី​សហគមន៍​អឺរ៉ុប​ឡើយ​។​hun japon2 

​សម្តេច​តេ​ជោ​ហ៊ុនសែន​ប្រកាស​បែបនេះ​នៅក្នុង​ពិធី​សំណេះសំណាល​ជាមួយ​និស្សិត​កម្មសិក្សាការី​និង​ប្រជាពលរដ្ឋ​ខ្មែរ​កំពុង​សិក្សា​និង​រស់នៅក្នុង​ប្រទេស​ជប៉ុន​គឺធ្វើឡើង​ភ្លាមៗ​ស្របពេល​គណៈកម្មការ​អឺរ៉ុប បាន​ព្រមាន​ដក​ប្រព័ន្ធ​អនុគ្រោះ​ពន្ធ តាមរយៈ​ការនាំ​ចូល​ទំនិញ​គ្រប់យ៉ាង លើកលែងតែ​អាវុធ (EBA-Everything But Arms) លើ​មុខទំនិញ​របស់​កម្ពុជា ដែល​នាំចូល​ទៅកាន់​ទីផ្សារ​អឺរ៉ុប​។​សម្តេច​តេ​ជោ ហ៊ុន សែន​បាន ប្រតិកម្ម​វិញ​ថា​«​ការ​ឱនក្បាល​ចំពោះ​បរទេស​ម្តង នឹង​មានការ​ឱនក្បាល​ជា​បន្តបន្ទាប់ ដោយ​មិនអាច​ងើប​រួច​នោះឡើយ ហើយ​ការ​ឱនក្បាល​ចំពោះ​បរទេស​ជា​ថ្នូរ​សម្រាប់​ជំនួយ ឬ​ជា​ថ្នូរ​នឹង​អ្វីមួយ​នោះ គឺជា​ការបំផ្លាញ​នូវ​អធិបតេយ្យ និង​ឯករាជ្យ​ជាតិ​របស់​កម្ពុជា ដូច្នេះ​រាជរដ្ឋាភិបាល​កម្ពុជា​មិន​រណប​ជា​ឡើយ​»​។​

​សម្តេច​តេ​ជោ ហ៊ុន សែន បានបញ្ជាក់​យ៉ាងច្បាស់​ដូច្នេះ​ថា «​ចង់​ឲ្យ​បង់ពន្ធ បង់ពន្ធ​។ សូម​ផ្តាំ​ឱនក្បាល​ម្តង ត្រូវ​ជំពាក់​ឱន​ពីរដង ជំពាក់​ពីរដង​ឱន ជំពាក់​បី​ដង​ឱន ឱន​មួយជីវិត​ខ្មែរ​អត់​ឯករាជ្យ​បានទេ​។ ប្រឹង​រស់​ងើបឈរ​ឡើង ដើម្បី​ការពារ​ឯករាជ្យ អធិបតេយ្យ​របស់​ប្រទេស ដើម្បី​ការពារ​សន្តិភាព​របស់​ប្រទេស​»​។​


​សូមបញ្ជាក់ថា​៖​នៅ​ថ្ងៃទី​៧ ខែតុលា ឆ្នាំ​២០១៨ តំណាង​ប្រតិភូ​សហភាព​អឺរ៉ុប ប្រចាំ​ព្រះរាជាណាចក្រ​កម្ពុជា បានចេញ​សេចក្តីប្រកាស​ព័ត៌មាន​មួយ ដោយ​លើកឡើងថា សហភាព​អឺរ៉ុប​បាន​ត្រៀម​ដាក់សំណើរ​ឲ្យ​លុបចោល​ការអនុគ្រោះ​ពន្ធ​មកលើ​ទំនិញ​របស់​កម្ពុជា​នាំចូល​ទៅកាន់​ទីផ្សារ​ក្នុង​ទ្វីបអឺរ៉ុប ដោយ​លើក​ហេតុ​ពី​ស្ថានភាព​សិទ្ធិមនុស្ស និង​សិទ្ធិ​ការងារ​នៅ​កម្ពុជា​។​

​សេចក្តីប្រកាស​ជា​ភាសា​អង់គ្លេស ដែល​បក​ប្រៃ​ជា​ភាសា​ខ្មែរ​ថា «​ការត្រៀម​រៀបចំ​ត្រូវបាន​ចាប់ផ្តើម​ដំណើរការ​សម្រាប់​គណៈកម្មកា​រ (​អឺរ៉ុប​) ធ្វើ​សេចក្តីសម្រេចចិត្ត​ដាក់សំណើរ​ជា​ផ្លូវការ ដើម្បី​ដកចេញ​ជា​បណ្តោះអាសន្ន​នូវ​ការអនុគ្រោះ​ពន្ធ​ដល់​ប្រទេស​កម្ពុជា តាមរយៈ​ប្រព័ន្ធ​ព​នុ​គ្រោះ​ពន្ធ ការ​នាំចូល​ទំនិញ​គ្រប់យ៉ាង លើកលែងតែ​អាវុធ (EBA-Everything But Arms)​។

នៅពេល​សេចក្តីសម្រេច​របស់​គណៈ​កម្ម​ការចូល​ជា​ធរមាន នោះ​ដំណើរ​ការដកចេញ​ជា​បណ្តោះអាសន្ន​នូវ​ការអនុគ្រោះ​ពន្ធ នឹងត្រូវ​ចាប់ផ្តើម​អនុវត្ត​ដោយ​ដាក់​ក្នុងដំណាក់កាល​ឃ្លាំមើល​ចំនួន​៦​ខែ ដែល​ក្នុងដំណាក់កាល​នេះ គណៈកម្មការ​តម្រូវ​ឲ្យ​កម្ពុជា ធ្វើ​សហប្រតិបត្តិការ ដើម្បី​ប្រមែប្រមូល​រាល់​ព័ត៌មាន​ចាំបាច់​ទាំងអស់​។ បន្ទាប់​ពីនេះ នៅមាន​រយៈពេល​៦​ខែ​ទៀត ដើម្បី​រៀបចំ​របាយការណ៍​រក​ឃើញ និង​សេចក្តីសន្និដ្ឋាន​អំពី​ដំណើរ​របស់​គណៈកម្មកា​រ ថា​តើ​ត្រូវ​សម្រេច​ដក ឬ​មិន​ដកចេញ​នូវ​ការអនុគ្រោះ​ពន្ធ​នេះ​»​។​

«​តែសហភាព​អឺរ៉ុប​បាន​សង្កត់ធ្ងន់ថា ខ្លួន​នឹង​បើកចំហ​ឲ្យ​មានការ​ចរចា​ជាមួយ​កម្ពុជា ហើយ​ប្រសិនបើ​កម្ពុជា​យកចិត្តទុកដាក់​ចាត់វិធានការ​ដោះស្រាយ​ស្ថានការណ៍ ឲ្យ​ស្របតាម​នីតិវិធី​នៃ​ការដក​ពន្ធ​អនុគ្រោះ​នេះ ដូច្នេះ​សហភាព​អឺរ៉ុប​នឹង​ពិចារណា​ឡើងវិញ តាម​ស្ថានភាព​ជាក់ស្តែង​»​។​


​សូមបញ្ជាក់ថា​បើតាម​ប្រភពពី​ក្រសួងពាណិជ្ជកម្ម ទំនិញ​របស់​ប្រទេស​កម្ពុជា​នាំចេញ​ទៅកាន់​ទីផ្សារ​អឺរ៉ុប​ភាគច្រើន គឺជា​ផលិតផល​កាត់ដេរ​សម្លៀកបំពាក់ និង​ស្បែកជើង ដោយ​នាំចូល​ក្រោម​ការអនុគ្រោះ​ពន្ធ ដោយ​រកប្រាក់​ចំណេញ​បាន​ជាង​៦០០​លាន​ដុល្លារ​ក្នុង​១​ឆ្នាំៗ​។​មិនដឹងថាតើកម្ពុជាបានចំណូលពីណាជំនួសនោះទេបើសិនប្រទេសអឺររ៉ុបដាក់ទណ្ឌកម្ម?៕hun japon a eu finish1 hun eat1