រកឃើញរោងចក្រចិនមួយផលិតទំនិញក្លែងក្លាយក្នុងអាណាចក្រពោធិសែនជ័យ
17-January-2021 / សេដ្ឋកិច្ច
រាជធានីភ្នំពេញ ៖កាលពីវេលាម៉ោង១រសៀលថ្ងៃទី១៨ ខែមករា ឆ្នាំ២០១៩ ក្រុមកម្លាំងពិសេសនៃគណៈកម្មាធិការប្រយុទ្ធប្រឆាំងផលិតផលក្លែងក្លាយ សម្របសម្រួលពីរាជអាជ្ញាបានចុះ បានចុះត្រួតពិនិត្យរោងចក្រមួយកន្លែងដែលសង្ស័យថាមានការផលិតទំនិញគ្រឿងឧបភោគបរិភោគក្លែងក្លាយ ស្ថិតនៅជិត អាកាសយានដ្ឋានអន្តរជាតិភ្នំពេញ ក្នុងសង្កាត់កាកាប២ ខណ្ឌពោធិសែនជ័យ រាជធានីភ្នំពេញ ។
រោងចក្រធុនមធ្យម ដែលសង្ស័យផលិតគ្រឿងឧបភោគបរិភោគក្លែងក្លាយមានឈ្មោះថា«មិនវៃសៀន» ដែលមានម្ចាស់ជាជនជាតិចិន និងបុគ្គលិកចិន៥នាក់ទៀត ក្នុងនោះមានស្រីម្នាក់ ។
ជាលទ្ធផលក្នុងការចុះទៅត្រួតពិនិត្យខាងលើ បានរកឃើញនូវផលិតផលគ្រឿងបរិភោគក្លែងក្លាយ រហូតដល់ទៅ៤០ប្រភេទ ដែលក្នុងនោះមានដូចជា ៖ ទឹកស៊ីអ៊ីវ, ប្រេងខ្យង, ស៊ុបមាន់, ម្សៅស៊ុបមាន់, ម្សៅស៊ុបមាន់គ្រាប់, ទឹកខ្មេះ, ទឹកសៀង, ព្រមទាំងទឹកម្ទេស, ទឹកសៀង, ទឹកត្រីង ។ល។ ខណៈសមត្ថកិច្ចកំពុងចុះត្រួតពិនិត្យ ជនជាតិចិនម្ចាស់រោងចក្រ បានខលហៅជំនួយពីនាយ ទាហានផ្កាយបីម្នាក់ អោយមកជួយអន្តរាគមន៍បកប្រែ ក៏ប៉ុន្តែសមត្ថកិច្ចចម្រុះនៅតែបន្តអនុវត្តទៅតាមនីតិវិធីច្បាប់ដដែល ។
សមត្ថកិច្ចជំនាញអោយដឹងថា ផលិតផល និងការវេចខ្ចប់ខ្វះគុណភាព អនាម័យ និងមិនមានវិញ្ញាបនបត្របញ្ជាក់ពីគុណភាព ពីមជ្ឈមណ្ឌលមន្ទីរពិសោធន៍ឧស្សាហកម្មកម្ពុជា និងពុំមានចុះបញ្ជីម៉ាកផលិតផលនោះទេ។ រីឯវត្ថុធាតុដើម បានលួចនាំចូលពីប្រទេសចិន និងថៃ ដោយគ្មានច្បាប់អនុញ្ញាត និងមានចេតនាបន្លំសមត្ថកិច្ច។ ក្រោយពីត្រួតពិនិត្យរួច តំណាងព្រះរាជអាជ្ញាបញ្ជា អោយផ្អាកការផលិត និងបិទទីតាំងជាបណ្តោះអាសន្ន និងនាំខ្លួនជនសង្ស័យដែលជាម្ចាស់ទីតាំង រួមទាំងកម្មករចិនចំនួន០៦នាក់ ស្រី១នាក់ និងកម្មករខ្មែរចំនួន០៤នាក់ យកទៅសាកសួរបំភ្លឺនៅលេខាធិការដ្ឋាន ។បច្ចុប្បន្ន មន្ត្រីជំនាញប្រយុទ្ធប្រឆាំងផលិលក្លែងក្លាយ កំពុងបំពេញសំណុំឯកសា រួចបញ្ជូនទៅកាន់តុលាការ ចាត់ការទៅតាមនីតិវិធីច្បាប់ ។
បើគេចាំមិនភ្លេចទេកាលពីកាលពីព្រឹកថ្ងៃទី១៣ ខែធ្នូ ឆ្នាំ២០១៧ កម្លាំងប្រតិបត្តិការពិសេសនៃគណៈកម្មាធិការប្រយុទ្ធប្រឆាំងផលិតផលក្លែងក្លាយបានធ្វើការចុះឆែកឆេទីតាំងសិប្បកម្មមួយកន្លែងយីហោ «សិប្បកម្មភ្នំមាស» ស្ថិតនៅភូមិ គោរដ្ឋាន សង្កាត់អូរអំបិល ក្រុងសិរីសោភ័ណ ខេត្តបន្ទាយមានជ័យ។
ជាលទ្ធផលរកឃើញផលិត ទឹកត្រី ទឹកម្ទេស ទឹកសៀង ទឹកខ្មេះ ទឹកក្បុង ទឹកស៊ីអ៊ីវជាង៩០តោន ផលិតគ្មានស្តង់ដាត្រឹមត្រូវ ដែលបង្កគ្រោះថ្នាក់និងមានហានិភ័យខ្ពស់ដល់សុខភាព និងសុវត្ថិភាពសង្គមហើយបានរកឃើញ ផលិផលគ្មានស្តង់ដាទាំងនោះចំនួន៩០តោន ។
សមត្ថកិច្ចបានអោយដឹងថាទីតាំងសិប្បកមយីហោ«សិប្បកម្មភ្នំមាស»មានម្ចាស់ឈ្មោះ សុខ លាង ភេទប្រុស អាយុ ៥៦ឆ្នាំ មានទីលំនៅបច្ចុប្បន្ន ផ្ទះលេខ១០១ ក្រុមទី៥ ភូមិ៤ សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។ដល់ចឹងបានដឹងថាស្ថាបន័កាំកុងត្រូលរបស់លោកម៉ក់ពេជ្ជរឹទ្ធចោលម្សៀតហ្ម៉ង!។មកដលពេលនេះរឿងនោះហាក់បីដូចជាស្ងាតឈឹង!គេចាំមើលថាតើរោងចក្រចិន ឈ្មោះថា«មិនវៃសៀន»វាទៅជាយ៉ាងណាទៅវិញ?៕
