វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2539 នាក់
ម្សិលមិញ 3717 នាក់
សរុប 14150872 នាក់
ភ្នំពេញ : បន្ទាប់ពីព្រះរាជក្រឹត្យ នស/រកត/២៥៥ ចេញថ្ងៃទី១៣ ខែមីនា ឆ្នាំ ២០២៤ ចុះហត្ថលេខាដោយប្រមុខរដ្ឋស្ដីទី សម្តេចវិបុលសេនាភក្តី សាយ ឈុំ បានចេញផ្សព្វផ្សាយភ្លាមៗយ៉ាងព្រោងព្រាតតាមបណ្តាញសង្គម និងសារព័ត៌មានធំ តូច ទាំងក្នុងនិងក្រៅប្រទេស អំពី ការបន្ថយឋានន្តរសក្តិឧត្តមសេនីយ៍ឯក យិន គារ អត្តលេខ ០១០២៦ មានតួនាទីជា អគ្គនាយករង នៃអគ្គនាយកដ្ឋានអន្តោប្រវេសន៍ អោយមកនៅត្រឹមថ្នាក់ ពលបាលត្រី ក្របខណ្ឌមន្ត្រីនគរបាលជាតិកម្ពុជា នៃក្រសួងមហាផ្ទៃ ។
តែដោយសារការមិនអស់ចិត្តលោកឧត្តមសេនីយ៍ ឯក យិន គារ ក៏បានដាក់លិខិតតវ៉ាទៅ ឯកឧត្តម អភិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហា ផ្ទៃ ដែលមានកម្មវត្ថុ'ស្នើសុំអនុគ្រោះជួយសំរួលពិនិត្យសារធាតុញៀនលើរូបគាត់(យិន គាត់) ផ្ទាល់ឡើងវិញ ។ ព្រោះកាលពីរូបគាត់ពិនិត្យ ថ្ងៃទី២២ខែមករា ឆ្នាំ២០២៥ នៅអគ្គនាយកដ្ឋានអន្តោប្រវេសន៍ ជាន់ទី៣ រូបគាត់បានយកទឹក ម៉ូតចេញពីបន្ទប់ទឹកទៅជូនក្រុមការងារហើយមិនបានបិទលេខកូដទេ ដោយបានពឹងក្រុមការងារអោយបិទលេខកូដអោយ ។ ក្រោយមកថ្ងៃទី២៤ខែមករា២០២៤ លោកប្រធាន នាយកដ្ឋានរដ្ឋបាល សរុប នៃ អគ្គនាយកដ្ឋានអន្តោប្រវេសន៍ បានមកជួបរូបគាត់នៅក្នុងប៊ុយរ៉ូ រួចប្រាប់ថា ទឹកម៉ូតរបស់ គាត់ (យិន គារ ) មានបញ្ហា សូមពិនិត្យម្តងទៀត ពេលនោះ លទ្ធផលអវិជ្ជមានទាំង០២លើក ។ លុះដល់ថ្ងៃទី១១ខែមីនាឆ្នាំ២០២៤ រូបគាត់ (យិន គារ ) ត្រូវបានអង្គភាពជំនាញរាយ ការណ៍ជ័យថ្នាក់ដឹកនាំថា: រូបគាត់ ( យិន គារ ) មានសារធាតុញៀនត្រួវបំពេញបែបបទអនុវត្តវិន័យ និង អនុវត្តតាមច្បាប់ ។
ក្នុងលិខិតរបស់លោក យិន គារ ក៏បានអះអាងថា: រូបគាត់ ពីមិនរហូតមកដល់បច្ចុប្បន្នពុំដែលមានការជាប់ពាក់ព័ន្ធ នឹងគ្រឿងញៀន ពិសេសគឺពុំដែលបានស្គាល់ឬប្រើប្រាស់គ្រឿងញៀនម្តងណាឡើយ ។ ឯកឧត្តម យិន គារ បានសំណូមពរ ដ៏ខ្ពង់ខ្ពស់បំផុត ដល់ឯកឧត្តមអភិបណ្ឌិត មេត្តា អនយគ្រោះអោយអង្គភាពសមត្ថកិច្ចជំនាញពិនិត្យសារធាតុញផនលើរូបគាត់ (យិន គារ ) ជាថ្មីឡើងវិញ ។ ឯកឧត្តម យិន គារ បានសន្យាថា: បើការពិនិត្យទឹកម៉ូតគាត់ផ្ទាល់ ឃើញថា មានសារធាតុញៀន សូមប្រគល់ខ្លួនជូនក្រសួង និង ស្ថាប័នមានសមត្ថកិច្ចអនុវត្តតាមច្បាប់ ដោយឥតលក្ខខណ្ឌ ។ឡូវទោះបីជាមិនបានផ្សាយជាសាធារណៈក៏លទ្ធផលបង្ហាញថាការតវារបស់អតីតឧត្តមសេនីយ៍ឯក យិន គារត្រូវបានគេដឹងថា៖លទ្ធផលសូន្យ!។សេចក្តីសម្រេចដកសក្តិមានប្រសិទ្ធិភាពដដែល។សូមបញ្ជាក់ថាមកដល់ពេលនេះ មានមន្ត្រី នគរបាលទាំងថ្នាក់ខ្ពស់ និងថ្នាក់ទាន់ ចូលខ្ទង់រយនាក់ហើយ ដែលត្រូវអស់បុណ្យសក្តិ និង ដេញចេញពីក្របខណ្ឌកងកម្លាំងប្រដាប់អាវុធនគរបាលជាតិដោយសារបញ្ហាពាក់ពន្ធ័គ្រឿងញៀននិងអំពើពុករលួយ ។