វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5090 នាក់
ម្សិលមិញ 5544 នាក់
សរុប 13946187 នាក់
មណ្ឌលគិរី៖ កាលពីពេលថ្មីៗនេះ ពលរដ្ឋបានសម្ដែងប្រតិកម្មខ្លាំងៗ ចំពោះកុង ត្រូលជជុះ របស់មន្ត្រីនគរ បាលសេដ្ឋកិច្ច ឈ្មោះ យូ ប៊ុនស្រៀង ដែលលបលួចដាក់នៅជាប់កំណាត់ផ្លូវជាតិលេខ ៧៦ ត្រង់ចំណុចចំការស្រល់ផ្លូវចូលភូមិពូតាំង ក្រុងសែមនោរម្យ បានបង្កការរំខាន និងធ្វើទុក្ខបុកម្នេញដល់ការប្រកប របរចិញ្ចឹមជីវិតរបស់ពួក គាត់ ។
ប្រជាពលរដ្ឋ បានរាយការណ៍អោយដឹងថា ស្ទើរតែគ្រប់រថ យន្តទូរីសដឹកអ្នក ដំណើរទាំងចូលក្រុងនិងចេញពីក្រុងសែន មនោរម្យ គឺត្រូវតែចូលសម្ដែងការគួរសម ចំពោះមន្ត្រីប៉ូលីសសេដ្ឋកិច្ចដែលស្លៀកពាក់ស៊ីវិលនៅចំណុចខាង លើជានិច្ច បើពុំនោះទេពួកគេ នឹងចេញឡានប្រដេញ ដែលអ្នកខ្លះមិនបានដឹងជើងការមុនភ័យស្លន់ស្លោរ បើករថ យន្តរត់គេច រហូតចង់ធ្លាក់ប្រឡាយស្លាប់ ក៏មាន ។ ចំណែករថយន្ត ក្រុមឈ្មួញ ដឹកជញ្ជូនឈើទៅវៀតណាម ដែលមានកញ្ចប់ថវិកាធំវិញ ក្រុមកូនចៅលោកយូ ប៊ុនស្រៀង ទាំងនោះសម្ងំឲ្យធ្វើចរាចរណ៍យ៉ាងរលូនតែម្ដង ព្រោះគេបានចរចាត្រូវរ៉ូវគ្នារួច ហើយ ។
តាមសេចក្ដី រាយការណ៍ បានឲ្យដឹងផងដែរថា សូម្បីតែប្រជា ពលរដ្ឋ ដែលកាប់ឆ្ការព្រៃធ្វើចម្ការ ក៏ត្រូវបាន កូនចៅលោក យូ ប៊ុនស្រៀង រុកគួនគាបយកលុយតាមជាក់ស្ដែងដោយមិនឲ្យរបូតឡើយ ។ សកម្មភាពទាំង នេះ បានធ្វើឱ្យពួកគាត់ក្ដៅក្រហាយ យ៉ាងខ្លាំង អ្នកខ្លះឈឺចាប់ពេកបានដាក់បណ្ដាសារដោយប្រើពាក្យអាក្រក់ៗក៏មាន ។ ប្រជាពលរដ្ឋបានបញ្ជាក់ប្រាប់ថា លោក យូ ប៊ុនស្រៀងនេះ ជាមេប៉ូលីសសេដ្ឋកិច្ច ដែលគ្រប់គ្រងកុងត្រូលជជុះនេះ នៅចំណុចទីតាំង ខាងលើ តែពួកគាត់មិន ដឹងច្បាស់ថា លោក យូ ប៊ុនស្រៀង ជាប៉ូលីស សេដ្ឋកិច្ចក្រសួង មហា ផ្ទៃ ឬជាប៉ូលីសសេដ្ឋកិច្ចខេត្តមណ្ឌលគិរីទេ ? ។
ប៉ុន្តែគឺបានបោះទីតាំង ឈរជើងចតឡាន ចាំ ប្រដេញស្ទាក់ចាប់រថ យន្តដឹកទំនិញផ្សេងៗ អោយចូលបង់លុយ ជារៀងរាល់ថ្ងៃ ដោយពួក នគរបាលកូនចៅរបស់ លោក យូ ប៊ុនស្រៀង អះអាងថា ពួកគេមកប្រមូលសេដ្ឋកិច្ច បង់ជូនមេៗថ្នាក់លើ ។ តែយ៉ាងណាក៏ដោយកន្លង ទៅ ក្រសួងមហាផ្ទៃ ក៏ ដូចជា អគ្គស្នងការនគរ បាលជាតិ គឺនាយឧត្តម សេនីយ៍ សន្តិបណ្ឌិត នេត សាវឿន បានហាមដាច់ខាត រឿងដាក់កុង ត្រូល ឬបារ៉ាស់តាមផ្លូវចាំយកលុយពីរថយន្តដឹកទំនិញ ។
ប៉ុន្តែបែរ ជាដើមឆ្នាំ២០២២ នេះ ប្រជាពលរដ្ឋ បានឃើញសកម្មភាព របស់ក្រុម នគរបាលប្រឆាំងបទ ល្មើសសេដ្ឋកិច្ច ដឹកនាំដោយលោក យូ ប៊ុនស្រៀង បាននឹងកំពុង ធ្វើអោយប្រជាពលរដ្ឋ ក្តៅក្រហាយ ខឹងថ្នាំង ថ្នាក់ដល់ថ្នាក់ដឹកនាំ ព្រមទាំងធ្វើឲ្យប៉ះពាល់ធ្ងន់ធ្ងរដល់កិត្តិយសរបស់ស្ថាប័នអគ្គស្នងការ នគរបាលជាតិ ក៏ដូចជា ក្រសួងមហាផ្ទៃ ផងដែរ ។
ករណី លោក យូ ប៊ុនស្រៀងនគរបាលសេដ្ឋកិច្ច លួចដាក់កុងត្រូលជជុះ ប្រឆាំងបទ បញ្ជាអគ្គស្នងការនគរ បាលជាតិយ៉ាងគឃ្លើនបែបនេះ គួរតែថ្នាក់ដឹក នាំអគ្គស្នងការនគរបាលជាតិ បើកការស៊ើបអង្កេតនិងចាត់វិធានការដាក់ពិន័យទណ្ឌទោសចំពោះមន្ត្រីនគរបាលខិលខូចមួយចំនួនតូច ដែលឆក់ឱកាសយកតួនាទី និងភារកិច្ចខ្លួនទៅប្រព្រឹត្តអំពើពុក រលួយគាបសង្កត់កោស រូសជំរិតទារលុយពីប្រជា ពលរដ្ឋ ដែលមិនអាចអត់ឱនឲ្យបានឡើយ ៕ ដោយ: សុផលTel:012 953 824 / 086 911 920