បរាជ័យជំនួបត្រាំគីមនៅវៀតណាមបង្កឲ្យមានការត្រៀមយុទ្ធសាស្ត្រថ្មីនៅឧបទ្វីបកូរ៉េ
19-January-2026 / ព័ត៌មានអន្តរជាតិ
អាមេរិក៖ លោកនាយករដ្ឋមន្ត្រីជប៉ុន ស៊ីន ហ្សូអាបេ និងប្រធានាធិបតីអាមេរិកលោក ដូណាល់ ត្រាំ គ្រោងធ្វើកិច្ចចរចាកាលពីថ្ងៃទី២៦ ខែមេសា នៅទីក្រុងវ៉ាស៊ីនតោន ដើម្បីជំរុញឲ្យសហគមន៍អន្ដរជាតិ អនុវត្ដពេញលេញនូវ ទណ្ឌកម្មលើកូរ៉េខាងជើង!។ ទីភ្នាក់ងារសារព័ត៌មាន ក្យូដូជប៉ុន នៅថ្ងៃទី១៨ ខែមេសា ឆ្នាំ២០១៩បានឲ្យដឹងថា។
លោក អាបេ និងលោក ត្រាំ ទំនងជាបញ្ជាក់ពីតម្រូវការ សម្រាប់សហគមន៍អន្តរជាតិ ក្នុងការអនុវត្តន៍យ៉ាងពេញលេញ នូវទណ្ឌកម្មរបស់សហភាពអឺរ៉ុប ទៅលើកូរ៉េខាងជើង ដើម្បីបង្ខំឱ្យប្រទេសនេះ លុបចោលនូវអាវុធនុយក្លេអ៊ែរនិងធ្វើការពិភាក្សាអំពីការ ធ្វើពាណិជ្ជកម្មផងដែរ បន្ទាប់ពីការចាប់ផ្តើមសប្តាហ៍នេះ នៃការចរចារថ្មី សម្រាប់កិច្ចព្រមព្រៀង ពាណិជ្ជកម្មទ្វេភាគី ។
ជំនួបរវាងលោកនាយករដ្ឋមន្ត្រីជប៉ុន ស៊ីន ហ្សូអាបេ និងប្រធានាធិបតីអាមេរិកលោក ដូណាល់ ត្រាំគឺនឹងធ្វើឡើងក្នុងពេលដែលមានពត៍មានថានឹងមានជំនួបកំពូលដំបូង រវាងមេដឹកនាំកូរ៉េខាងជើង លោក គីម ជុងអ៊ុន និងប្រធានាធិបតីរុស្ស៊ី លោក វ្ល៉ាឌីមៀរ ពូទីន នៅសប្តាហ៍ក្រោយនេះផងដែរ។ នេះបើយោងតាមការចុះផ្សាយ របស់ទីភ្នាក់ងារសារព័ត៌មាន យុនហាប់ នៅថ្ងៃទី១៨ ខែមេសា ឆ្នាំ២០១៩។
ជំនួបនេះបានធ្វើឲ្យក្រុងសេអ៊ូល និងទីក្រុងវ៉ាស៊ីនតោន ខឹងសម្បា ចំពោះការពង្រឹងការទូត ជាមួយក្រុងម៉ូស្គូ នេះ។សូមបញ្ជាក់ថានៅពេលដែលពតិមានស្តីពីជំនួបកំពូលអាមេរិកជប៉ុននិងកូរ៉ខាងជើងរុស្ស៊ីលេចឡើងនោះលោកគីម ជុងអ៊ុន ត្រូវបានគេមើលឃើញថា បានបញ្ចេញរូបភាព នៃការត្រួតពិនិត្យការ ធ្វើតេស្តអាវុធយុទ្ធសាស្ត្រ កាលពីថ្ងៃពុធ ដែលជាទីភ្នាក់ងារ ព័ត៌មានកណ្តាលកូរ៉េ (KCNA) បានពិពណ៌នាថាជា “មានសារៈសំខាន់ខ្លាំងណាស់” ។
ការធ្វើតេស្តសាកល្បងនេះ ក៏ត្រូវបានគេកត់សម្គាល់ថា ជាលើកដំបូងហើយចាប់តាំងពី ជំនួបកំពូលរវាងលោកប្រធានាធិបតី គីម ជុងអ៊ុន និងលោក ដូណាល់ ត្រាំ ប្រធានាធិបតីអាមេរិក នៅប្រទេសវៀតណាម កាលពីថ្ងៃទី២៨ខែកុម្ភៈបរាជ័យ ។
លោកគីមបាននិយាយ នៅពេលនោះថា អាវុធនេះគឺជា “ការបង្ហាញពីសមត្ថភាព ការពារជាតិយ៉ាងឆាប់រហ័ស របស់យើងឆ្ពោះទៅកាន់ តំបន់ទាំងមូល” ។ អស់រយៈពេលជិតមួយឆ្នាំមកហើយ រដ្ឋាភិបាលក្រុងព្យុងយ៉ាង បានផ្អាកការធ្វើតេស្តអាវុធ រួមទាំងអាវុធនុយក្លេអ៊ែរ និងកាំជ្រួចមីស៊ីលក្នុងគោលបំណង ដើម្បីឈានដល់កិច្ចព្រមព្រៀងសន្តិភាព មួយជាមួយសហរដ្ឋអាមេរិក និងប្រទេសកូរ៉េខាងត្បូង ដែលចាប់តាំងពីឆ្នាំ ១៩៥៣ នៅចុងបញ្ចប់នៃសង្គ្រាមកូរ៉េ មានតែបទឈប់បាញ់គ្នា មួយដែលមិនច្បាស់លាស់ ជាមួយប្រទេសបងប្អូនកូរ៉េនេះ ដែលមិនមែនជាសន្ធិសញ្ញា សន្តិភាពពេញលេញទេ ។
ក្រៅពីការបង្ហាញរូបភាពស្តីពីការថ្វើតេសត្តសាកល្បងអាវុធ ជាថ្មីកាលពីថ្ងៃព្រហស្បត៍ទី១៨មេសាអង្គការឃោសនារបស់កូរ៉េខាងជើង បានរិះគន់រដ្ឋាភិបាលក្រុងសេអ៊ូល ចំពោះការធ្វើសមយុទ្ធយោធាជាមួយសហរដ្ឋអាមរិក ដែលខ្លួនហៅថាជា«អំពើបង្ករឿង»ដែលបំផ្លាញសន្តិភាពនៅលើឧបទ្វីបកូរ៉េ។
សារព័ត៌មានអនឡាញរបស់រដ្ឋUriminzokkiriបានថ្កោលទោសរដ្ឋាភិបាលក្រុងសេអ៊ូលចំពោះការខ្វះចេតនាក្នុងការអនុវត្តកិច្ចព្រមព្រៀងយោធាដែលត្រូវបានចុះហត្ថលេខាដោយកូរ៉េទាំងពីរកាលពីឆ្នាំមុន ខណៈយោធាកូរ៉េខាងត្បូងធ្វើសមយុទ្ធវាយឡើងគោកនៅជិតទីក្រុងប៉ូហាង ក្នុងខេត្តក្យុងសាងខាងជើង កាលពីថ្ងៃ៣មេសា និងសមយុទ្ធមួយទៀតកាលពីខែមីនាដែលទាហានម៉ារីនអាមេរិកបានចូលរួម។
នៅថ្ងៃ១៨មេសានេះដែរ កូរ៉េខាងជើងកាន់តែបង្ហាញជំហរតឹងត្អឹងឡើង ដោយបាននិយាយថាកូរ៉េខាងជើងលែងត្រូវការអោយរដ្ឋមន្ត្រីការបរទេសអាមេរិកម៉ៃ ប៉ុមប៉េអូ ចូលពាក់ព័ន្ធក្នុងកិច្ចពិភាក្សានុយក្លេអ៊ែរលើកក្រោយៗ ដោយស្នើអោយជំនួសនរណាម្នាក់ដែល«មានការប្រយ័ត្នប្រយែងនិងចាស់ទុំជាងនៅក្នុងការធ្វើទំនាក់ទំនង»នេះបើតាមការប្រកាសរបស់ទីភ្នាក់ងារសារព័ត៌មានកណ្តាលKCNA របស់កូរ៉េខាងជើង។
