វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 10174 នាក់
ម្សិលមិញ 8227 នាក់
សរុប 14137055 នាក់
ព្រៃវែង៖ ហេតុការណ៍បង្កភាពភ្ញាក់ផ្អើលមួយបានកើតឡើងនៅម៉ោង៤និង២០នាទី រសៀលថ្ងៃទី១ ខែតុលា ឆ្នាំ២០១៨ លើផ្លូវជាតិលេខ១ ក្នុងភូមិ១ ឃុំព្រែកខ្សាយ(ខ) ស្រុកពាមរក៍ ខេត្តព្រៃវែងគឺគេឃើញមានឡានធុនទេសចរណ៍មួយគ្រឿងបើកបំបុកបង្កាន់ដៃស្ពានអ្នកលឿង។
គ្រោះចរាចរណ៍មួយនេះគឺ បណ្តាលមកពីជម្លោះទាស់ទែងគ្នារវាងប្តីនិងប្រពន្ធដោយសារតែប្រពន្ធតាមទាន់ដឹងថាប្តីមានស្រី ហើយក៏ហៅប្តីឲ្យបើករថយន្តម៉ាកកាមរីហាយព្រីត ពណ៌ទឹកមាស ពាក់ស្លាកលេខ ភ្នំពេញ 2R -1670 ជូនខ្លួនទៅស្រុកកំណើតនៅផ្សារកំពង់សឹង្ហ ស្រុកព្រះស្តេច ខេត្តព្រៃវែង ដើម្បីលែងលះគ្នា។តែនៅតាមផ្លូវមានការជជែកគ្នាដោយ ប្តីមិនព្រមលែងចង់យកទាំង២ ។
លុះបើកដល់ចំណុចកើតហេតុ ប្តីខឹងក៏ទាញដៃប្រពន្ធឲ្យចុះពីឡានរួចក៏បួងចង្កូតរថយន្តបើកបំបុកនឹង បង្កាន់ដៃស្ពានអ្នកលឿនពេញទំហឹងជាច្រើនដង បណ្តាលឲ្យរងការខូចខាតទាំងបង្កាន់ដៃស្ពាន និងរថយន្តបែកធុងទឹក ហើយបានបើកគេចខ្លួនចេញទៅបាត់។ ស្ត្រីជាប្រពន្ធត្រុវបានគេដឹងថា មានមុខរបរជាបុគ្គលិកខាងអគ្គិសនី និងប្តី មានមុខរបរជា វិស្វករ ។
បន្ទាប់ពីបានបានបើករថយន្តបំបុកបង្កាន់ដៃស្ពានអ្នកលឿងរួចមក ក៏ចាប់ទាញប្រពន្ធចេញពីក្នុងរថយន្តទុកឲ្យអង្គុយយំនៅកន្លែងកើតហេតុ ព្រោះតែមិនព្រមលែងលះ ចង់យកម្តងទាំង២ឯខ្លួនបើកឡានគេចមកភ្នំពេញវិញ ។ មានសេចក្តីរាយការណ៍ការខូចខាតនៃបង្កាន់ដៃស្ពាន ភាគីខាងរថយន្តបង្ក បានសន្យានឹងសំណងជួសជុលឡើងវិញផងដែរ៕