វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 37 នាក់
ម្សិលមិញ 3528 នាក់
សរុប 14186422 នាក់
បាត់ដំបង៖លោក កត បូរ៉ាន ប្រធានមន្ទីរបរិស្ថានខេត្តបាត់ដំបង បានធ្វើការសន្និដ្ឋានថាគោដែលអ្នកស្រុកសំឡូតថាស្លាប់ដោយសារ សត្វសាហាវដែលខាំ កាលពីថ្ងៃទី១៨ខែធ្នូ មិនមែនជាសត្ចខ្លាខាំទេ តែជាសត្វខ្លាឃ្មុំ។លោក កត បូរ៉ាន បានឱ្យកាសែតដឹង នៅព្រឹកថ្ងៃទី១៩ខែធ្នូនេះថា មានវត្តមានខ្លាឃ្មុំជាច្រើននៅក្នុងតំបន់ការពារធម្មជាតិក្នុងខេត្តបាត់ដំបង។
ព្រោះសមត្ថកិច្ច បានឃើញ ដានជើងនៅលើដី និងរោមខ្លាឃ្មុំធំជាប់នឹងស្នាមរបួសលើសត្វគោមួយក្បាល របស់ឈ្មោះ ស៊ុន ភាពអាយុ៣៣២ឆ្នាំ ជាប្រជាជនរស់នៅភូមិស្ទឹងតូច ឃុំកំពុងល្ពៅ ស្រុកសំឡូត ខេត្តបាត់ដំបងកាលពីយប់ថ្ងៃទី១៧ខែធ្នូ។លោក បានបញ្ជាក់បន្ថែមថា នេះពិតជាមានវត្តមាននៃសត្វខ្លាឃ្មុំពិតប្រាកដ ព្រោះបើពិនិត្យឃើញ មានរោម និងស្នាមក្រចកជាប់នឹងរបួសត្វគោ ។
លោកប្រធានមន្ទីរប្រាប់បន្តថាសត្វខ្លាឃ្មុំត្រូវគេប្រទះឃើញតាមរយ:កាម៉េរ៉ាស្វ័យប្រវត្តិដាក់តាមដើមឈើក្នុងតំបន់ប្រើប្រាស់ច្រើនយ៉ាងសំឡូតនៃស្រុកសំឡូតខេត្តបាត់ដំបង។គឺជាជម្រករស់នៅនៃហ្វូងខ្លាឃ្មុំព្រៃដែលខ្លះមានទម្ងន់ចាប់ពី១៤០គីឡូក្រាមមានប្រមាណជាង១០ក្បាល។
លោកម៉ៅ ស៊ុនកាំងអធិការនគរបាលស្រុកសំឡូតបានឱ្យដឹងថាម្ចាស់គោឈ្មោះស៊ុន ភាព ភេទប្រុសអាយុ៣២ឆ្នាំនៅភូមិ ឃុំកើតហេតុខាងលើ។សត្វគោនោះ មានស្នាមរបួសត្រង់កផ្នែកខាងលើ និងបូក ។មិនតែប៉ុណ្ណោះថែមទាំងបាក់កទៀតផង។គាត់សង្ស័យថាមានសត្វខ្លាចូលមកខាំបម្រុងស៊ីពេលរំលងអធ្រាត្រហើយវាផ្អើលរត់ចូលព្រៃវិញបាត់ដោយសារមានមនុស្សចេញមកពីមើលការប្រគំតន្ត្រីដើរតាមផ្លូវ។
លោកបូរ៉ានបញ្ជាក់ដែរថាបន្ទាប់ពីមានការការពារនិងអភិរក្សធនធានធម្មជាតិបានល្អប្រសើរនៅតាមតំបន់ការពារធម្មជាតិ រយៈពេល១០ឆ្នាំកន្លងមកនេះ ជាពិសេសនៅក្នុងខេត្តបាត់ដំបង វត្តមានសត្វព្រៃមានចំនួនកើនឡើងច្រើន។ បើតាមរយៈការអង្កេតចាប់បានពីកាម៉េរ៉ា នៅតំបន់ការពារធម្មជាតិ ថនិកសត្វធំៗជាច្រើនបានបង្ហាញខ្លួន ជាពិសេសចំនួនសត្វខ្លាឃ្មុំ,ខ្លារខិន,សំពោចត្បាល់,ដំរីព្រៃនិងសត្វព្រៃជាច្រើនទៀត។
តំបន់អភិរក្សការពារព្រៃឈើប្រើប្រាស់ច្រើនយ៉ាងសំឡូតនេះគឺជាព្រៃការពាររបស់អ្នកស្រីអេនចូលីណាជោលីដតួកុនហូលីវូតល្បីឈ្មោះ(អ្នកស្រីមានសញ្ជាត់ខ្មែរដែរ)ដែលមានទំហំជាងប្រាំម៉ឺនហិកតា។ក៏ប៉ុន្តែតំបន់ការពារអភិរក្សព្រៃឈើនេះមិនបានបើកទ្វារចំហរឲ្យភ្ញៀវទេសចរចូលទស្សនាទេ។ផ្ទុយទៅវិញតំបន់នេះមានការតឹងរ៉ឹងក្នុងការចេញចូលជាទីបំផុត។