វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4970 នាក់
ម្សិលមិញ 4563 នាក់
សរុប 14172346 នាក់
ខេត្តព្រះសីហនុ ៖ លោក គួច ចំរើន អភិបាលខេត្តព្រះសីហនុបានដឹកនាំគណៈប្រតិភូខេត្តរួមជាមួយនឹងសប្បជនទៅចុះសួរសុខទុក្ខផ្តល់អំណោយជូនបងប្អូនកងទ័ពដែលកំពុងឈរជើងការពារបូរណភាពទឹកដីនៅលើកោះពូលូវ៉ៃនាថ្ងៃទី២៣ខែមេសាឆ្នាំ២០២៤ ។
ក្នុងពិធីសំណេះសំណាលសួរសុខទុក្ខលោក គួច ចំរើនបានពាំនាំនៅការនឹករលឹកសួរសុខទុក្ខពីសំណាក់សម្ដេចតេជោ ហ៊ុន សែន ប្រធានព្រឹទ្ធសភានិងជាប្រធានឧត្តមក្រុមប្រឹក្សាព្រះមហាក្សត្រសម្ដេចធិបតីហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជូនចំពោះមេបញ្ជាការ មេបញ្ជាការរង ពលនាវីគ្រួសារកងទ័ពដែលកំពុងឈរជើងការពារទឹកដីនៅលើកោះពូលូវ៉ៃដោយលះបង់នៅកម្លាំងកាយចិត្តស្មារតីពុះពាររាល់គ្រប់ឧបសគ្គដើម្បីជាតិមាតុភូមិកម្ពុជាបង្កើនការការពារឲ្យកាន់តែរឹងមាំ។លោកអភិបាលខេត្តក៏បានបន្ថែមថាដើម្បីលើកទឹកចិត្តទៅដល់បងប្អូនកងទ័ពដែលកំពុងឈរជើងការពារទឹកដីនៅតាមបណ្ដាកោះក្នុងនាមរដ្ឋបាលខេត្តក៏ដូចជាសប្បជនមានការយកចិត្តទុកដាក់ខ្ពស់ចំពោះបងប្អូនអំពីការរស់នៅការហូបចុកស្នាក់នៅដោយនាំយកនូវសម្ភារគ្រឿងឧបភោគបរិភោគថវិកាមួយចំនួនជូនដល់បងប្អូនកងទ័ពដើម្បីឲ្យបងប្អូនមានភាពកក់ក្តៅ។
លោកអភិបាលខេត្តរួមជាមួយនឹងគណៈប្រតិភូសំណូមពរដល់បងប្អូនកងទ័ពដែលកំពុងឈរជើងការពារនៅលើដែនកោះតាមព្រំដែនបន្ទាត់ខ្សែទឹកដែលជាកោះជួរមុខត្រូវការការពារអធិបតេយ្យភាពប្រទេសឲ្យរឹងមាំ ទោះបីប្រទេសមានសុខសន្តិភាពក្រោមការដឹកនាំរបស់រាជរដ្ឋាភិបាលនាពេលបច្ចុប្បន្នយ៉ាងណាក៏ដោយក៏ប៉ុន្តែយើងត្រូវតែចូលរួមបង្កើនការការពារដែលកន្លងមកក្រុមឧក្រិដ្ធជនមួយចំនួនបានធ្វើការដឹកជញ្ជូនទំនិញខុសច្បាប់ការជួញដូរគ្រឿងញៀនឆ្លងកាត់អធិបតេយ្យប្រទេសរបស់យើងដែលផ្ទុយពីរច្បាប់នៃប្រទេស និងមួយចំនួនទៀតក៏មានការចូលនេសាទបំពានបំផ្លាញនៅធនធានធម្មជាតិធនធានជលផលរបស់យើង។
លោកអភិបាលខេត្តបានឧបត្ថម្ភនៅសម្ភារៈដែលកងទ័ពខ្វះខាតរួមមាន ស៊ីម៉ង់ត៍ ដែក ធុងទឹកម៉ាស៊ីនភ្លើង កុងផ្លាស់កេ ហ្វីប្រូមួយចំនួន ដើម្បីតម្រូវការជាក់ស្ដែងរបស់កងទ័ពនៅលើកោះនិងនាំយកអំណោយរបស់សម្ដេចតេជោរួមមានសម្ភារគ្រឿងឧបភោគបរិភោគនិងថវិកាមួយចំនួនសម្រាប់ជូនទៅដល់បងប្អូនកងទ័ពក្នុងឱកាសបុណ្យចូលឆ្នាំថ្មីប្រពៃណីជាតិខ្មែរដែលកន្លងទៅថ្មីៗនេះផងដែរ.។សូមបញ្ជាក់ថាកោះពូលូវ៉ៃមានផ្ទៃដីសរុប៣,៩គីឡូម៉ែត្រការ៉េ។មានប្រចុំកោះ២ឬថ្មប៉ប្រះទឹកឬអាចហៅថាជាកូនកោះតូចមយយមានបណ្តោយលាតសន្ធឹង៥គីឡូម៉ែត្រ។ទទឹងប្រហែល១,៥គីឡូម៉ែត្រ។មានចម្ងាយ១១០គីឡូម៉ែត្រពីដីគោកខេត្តព្រះសីហនុ។