វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3536 នាក់
ម្សិលមិញ 5467 នាក់
សរុប 14163113 នាក់
ភ្នំពេញ៖ បុរសម្នាក់បានយកកាំបិតចុងស្រួចចូលទៅក្នុងផ្ទះចាក់សម្លាប់ស្ត្រីម្នាក់នៅផ្ទះបាយ បណ្តាលឱ្យស្ត្រីរងគ្រោះស្លាប់ក្នុងថ្លុកឈាម នដៃដល់បានអារ.កសម្លាប់ខ្លួនឯងតាមក្រោយតែមិនស្លាប់។
ហេតុការណ៍ខាងលើនេះបានបង្កឲ្យមានការភ្ញាក់ផ្អើលកើតឡើងកាលពីវេលាម៉ោង៣និង៣០នាទីរសៀលថ្ងៃទី១៨ ខែមេសា ឆ្នាំ២០២៤ នៅចំណុចផ្ទះលេខ៣១ ផ្លូវ៣៦ បុរីឈូកវ៉ា២ ស្ថិតនៅក្នុងភូមិតិក្ខបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
ស្ត្រីដែលរងគ្រោះដល់ស្លា.ប់ឈ្មោះមាស លក្ខិណា អាយុ២៤ឆ្នាំ ជនជាតិខ្មែរ មានប្ដីឈ្មោះហួ ស៊ិន អាយុ៣៧ឆ្នាំ ជាជនជាតិចិន មុខរបរធ្វើការនៅក្រុមហ៊ុនកិនថ្មក្នុងខេត្តកំពង់ស្ពឺ។ អ្នកទាំង២មានកូនប្រុស២នាក់ សព្វថ្ងៃស្នាក់នៅក្នុងផ្ទះកើតហេតុខាងលើ។ ដោយឡែកជនដៃដល់ជាឃា.តករមិនទាន់ត្រូវបានស្គាល់អត្តសញ្ញាណនៅឡើយទេ ហើយត្រូវបានគេបញ្ជូនទៅសង្គ្រោះបន្ទាន់ភ្លាមៗផងដែរ ។អ្នករស់នៅជិតខាងកន្លែងកើតហេតុនោះបាននិយាយថា នៅមុនពេលកើតហេតុ ស្ត្រីរងគ្រោះកំពុងនៅក្រោមសំយ៉ាបផ្ទះខាងមុខ ចំណែកកូនៗរបស់នាងនៅក្នុងផ្ទប់លើផ្ទះ ហើយប្ដីរបស់នាងមិននៅផ្ទះទេ ព្រោះជាប់រវល់ទៅធ្វើការ ។ ពេលនោះជនដៃដល់ខាងលើប្រដាប់ដោយកូនកាំបិតចុងស្រួចបានដើរចូលទៅក្នុងផ្ទះស្ត្រីរងគ្រោះ រួចចាក់ទៅលើនាងជាច្រើនកាំបិត បណ្ដាលឲ្យនាងដួលដេកស្លាប់នៅក្នុងថ្លុកឈាមភ្លាមៗតែម្ដង។ប្រជាពលរដ្ឋជិតខាងក៏រត់ទៅជួយតែទៅមិនទាន់ធ្វើឱ្៦ជនដៃដល់មានឱកាសចាក់ស្ត្រីរងគ្រោះជាច្រើនកាំបិតបណ្តាលឱ្យស្លាប់ក្នុងថ្លុកឈាម។
តាមប្រភពដដែលបានប្រាប់ឲ្យដឹងបន្តទៀតថា ក្រោយពីចាក់សម្លាប់នាងរួចហើយ ជនជាឃាតកររូបនោះអត់បានរត់ទៅណានោះទេ ក៏បានយកកូនកាំបិតនោះអារ.កសម្លា.ប់ខ្លួនឯងតាមក្រោយដែរ ប៉ុន្តែមិនបានស្លា.ប់តាមបំណងនោះទេ គ្រាន់តែរបួសធ្ងន់ប៉ុណ្ណោះ។ បន្ទាប់មកត្រូវបានគេបញ្ជូនតាមរថយន្តពេទ្យនាំទៅសង្គ្រោះបន្ទាន់ភ្លាមៗ។ ចំពោះដើមហេតុដែលឈានដល់ការចាក់សម្លា.ប់គ្នានេះ ពុំទាន់ត្រូវបានដឹងច្បាស់ថាជារឿងស្នេហាត្រីកោណ ឬ ក៏ជារឿងគំនុំអ្វីមួយនៅឡើយទេ ។សមត្ថកិច្ចខណ្ឌពោធិ៍សែនជ័យ ក៏បានចុះទៅកាន់ទីនោះធ្វើការស្រាវជ្រាវ អំពីដើមហេតុខាងលើនោះ និងរាយការណ៍ជូននគរបាលការិយាល័យបច្ចេកទេសនិងវិទ្យាសាស្ត្រនៃស្នងការដ្ឋាននគរបាលរាជធានីភ្នំពេញឲ្យចុះទៅធ្វើកោសល្យវិច័យផងដែររួចជនដៃដល់បានអារ.កសម្លាប់ខ្លួនឯងតាមក្រោយតែមិនស្លាប់។សមត្ថកិច្ចមិនទាន់បញ្ជាក់ថា ករណីនេះ ជារឿងគំនុំឬយ៉ាងណានោះទេ? ដោយសមត្ថកិច្ចកំពុងស្រាវជ្រាវ៕