ឧបនាយករដ្ឋមន្ត្រី ហ៊ុន ម៉ានី ស្នើសុំឲ្យមានការយោគយល់ចំពោះ ព្រឹត្តិការណ៍សាទរកម្ពុជាសម្រាប់ឆ្នាំ២០២៤
22-January-2026 / សន្តិសុខសង្គម
ភ្នំពេញ៖ លោកហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាប្រធានសហភាពសហព័ន្ធយុវជនកម្ពុជា (ស.ស.យ.ក) បានសម្តែងមោទនៈភាពថា ចាប់ពីពេលនេះតទៅ ពាក្យ «សាទរកម្ពុជា» នឹងស្ថិតជាប់នៅក្នុងក្រអៅបេះដូងប្រជាជនកម្ពុជា ក្នុងនាមជាប្រជាពលរដ្ឋខ្មែរដែលទន្ទឹមគ្នានោះក៏សុំយោគយល់ចំពោះការខ្វះខាតនសការរៀបចំផងដែរ។
ក្នុងឱកាសអញ្ជើញជាអធិបតីក្នុងព្រឹត្តិការណ៍ «សាទរកម្ពុជា» នៅថ្ងៃទី៣១ ខែធ្នូ ឆ្នាំ២០២៤ ដែលបានធ្វើឡើងនៅសួនច្បារមុខព្រះបរមរាជវាំង ដោយទទួលបានការគាំទ្រ និងអបអរសាទរពីសំណាក់បងប្អូនប្រជាពលរដ្ឋយ៉ាងច្រើនកុះករលោកមន្ត្រី ហ៊ុន ម៉ានី លើកឡើង ថា «ខ្ញុំសង្ឃឹមថាចាប់ពីឆ្នាំ២០២៤នេះតទៅ ពាក្យ [សាទរកម្ពុជា] នឹងស្ថិតនៅក្នុងបេះដូងយើងទាំងអស់គ្នា ក្នុងនាមជាខ្មែរ ហើយយើងនឹងបន្តកសាង និងផ្តល់ភាពកក់ក្តៅនេះ សម្រាប់ប្រទេសជាតិ និងប្រជាជនរបស់យើង ព្រោះថាកម្ពុជាជាទីស្រលាញ់របស់យើង ជាផ្ទះដ៏សែនមនោរម្យរបស់យើង ដែលផ្តល់នូវភាពកក់ក្តៅសម្រាប់យើង ក៏កម្ពុជាត្រូវការភាពកក់ក្តៅ និងក្តីស្រលាញ់ពីយើងសម្រាប់គាត់ដូចគ្នាដែរ»។
ប្រធានសហភាពសហព័ន្ធយុវជនកម្ពុជាដែលដឹកនាំការរៀបចំកម្មវិធីសាទរកម្ពុជា បានបង្ហាញការផ្សាភ្ជាប់ចំនួន០៣ចំណុច ដើម្បីអះអាងពីមូលហេតុត្រូវសាទរកម្ពុជា ទី១៖ អ្វីដែលជាកេរ្ដុ៍មរតកដូនតាខ្មែរដែលបានបន្សល់ទុកឲ្យកូនខ្មែរគ្រប់ជំនាន់មកដល់ពេលនេះ ទាំងមរតករូបិយ និងអរូបិយ,។ ទី២៖ គឺឆន្ទៈ និងការពុះពារយ៉ាងមោះមុត របស់ប្រជាជាតិកម្ពុជាទាំងមូល និងទី៣៖ ទំនៀមទម្លាប់ និងប្រពៃណៃរបស់ខ្មែរ ស្នាមញញឹម ភាពកក់ក្តៅ ការយោគយល់អធ្យាស្រ័យគ្រប់កាលទេសៈទាំងអស់។
ឧបនាយករដ្ឋមន្ត្រី ហ៊ុន ម៉ានី បានស្នើសុំឲ្យមានការយោគយល់ ព្រោះថា ព្រឹត្តិការណ៍សាទរកម្ពុជាសម្រាប់ឆ្នាំ២០២៤នេះ គឺជាការរៀបចំលើកទីមួយ ដូច្នេះមិនមានការល្អឥតខ្ជោះនោះទេ គឺអាចមាននូវចំណុចខ្វះខាត ខណៈដែលលោកបានបញ្ជាក់ថាក្រុមការងារបានប្រឹងអស់កម្លាំងកាយកម្លាំងចិត្តក្នុងការរៀបចំព្រឹត្តិការណ៏ដ៏ធំមួយនេះ និងបានអរគុណដល់ដៃគូរពាក់ព័ន្ធទាំងអស់ក្នុងការចូលរួមចំណែករៀបចំនូវព្រឹត្តិការណ៍នេះផងដែរ។
ការសុំអធ្យាស្រ័យពីលោកហ៊ុនម៉ានីពិតជាត្រឹមត្រូវព្រោះទន្ទឹមនិងគុណសម្បត្តិខាងលើនៅពេលឆ្លងឆ្នាំមានការបាញ់កាំជ្រួចអបអរសាទរយ៉ាងភ្លឺរន្ទាលព្រះឆយាលក្ក័ព្រះមាក្សត្រដែលដាក់តាំងអបអរសាទរនៅសួនមុខព្រះបរមរាជវាំងត្រូវបានអគ្គិភ័យឆេះបំផ្លាញហ្ម៉ត់ដោយមិនអាចពន្លត់បានភ្លាមៗ។គេមិនទាន់ដឹងពីមូលហេតុដែលនាំឲ្យមានអគ្គិភ័យនិងហេតុអីបានជាការៀបចំទំហំធំធេងមានមនុស្សរាប់ម៉ឺននាក់ចូលរួមបែរជាមិនបានត្រៀមការបង្ការអគ្គិភ័យចឹងឡើយ?។គណៈកម្មការរៀបចំព្រឹត្តិការណ៍ «សាទរកម្ពុជា» បានប្រកាសលើទំព័រហ្វេសប៊ុករបស់ខ្លួនថា ព្រឹត្តិការណ៍ «សាទរកម្ពុជា» បានបញ្ចប់នៅវេលាម៉ោង ១២:០០ នាទីរំលងអាធ្រាតថ្ងៃទី៣១ ខែធ្នូ ឆ្នាំ២០២៤ ឈានចូលថ្ងៃទី០១ ខែមករា ឆ្នាំ២០២៥ ដោយទទួលបានការគាំទ្រ និងអបអរពីប្រជាពលរដ្ឋយ៉ាងច្រើនកុះករ។ តែក្នុងពេលជាមួយគ្នា គណៈកម្មការដដែលបានសម្តែងការសោកស្តាយដែលនៅចុងបញ្ចប់នៃកម្មវិធី ក៏ស្រាប់តែមានកើតឧបទ្ទវហេតុអគ្គិភ័យមួយជាយថាហេតុ តែត្រូវបានគ្រប់គ្រងភ្លាមៗដោយអាជ្ញាធរមានសមត្ថកិច្ចដែលឈរជើងនៅទីតាំង និងបញ្ជាក់ថា ពុំបណ្តាលឱ្យមានគ្រោះថ្នាក់ណាមួយដល់អ្នកចូលរួមនោះទេ។
ទោះគណៈកម្មការរៀបចំព្រឹត្តិការណ៍ «សាទរកម្ពុជា» មិនបានបញ្ជាក់ថាជាអគ្គិភ័យឆាបឆេះអ្វីក៏ដោយក៏រូបភាពចែកចាយតាមបណ្តាញសង្គមបានបង្ហាញពីការឆេះរូបព្រះឆាយលក្ខណ៍របសព្រះមហាក្សត្រសម្តេចព្រះបរមនាថ នរោត្តម សីហមុនីដែលតាំងនៅមុខព្រះបរមរាជវាំង។ តាមគណៈកម្មការដដែល ក្រុមការងារកំពុងសហការជាមួយអាជ្ញាធរមានសមត្ថកិច្ចដើម្បីស្រាវជ្រាវរកមូលហេតុនៃការកើតមានអគ្គិភ័យមួយនេះ។ នៅព្រឹកថ្ងៃទី១ ខែមករា ឆ្នាំ២០២៥ លោកឃួង ស្រេង អភិបាលរាជធានីភ្នំពេញសុំមិនធ្វើអត្ថាធិប្បាយដោយត្រឹមបញ្ជាក់ថា លោករវល់ពេញមួយយប់មិនទាន់បានសម្រាន្តនៅឡើយទេ។
ករណីយ៍នេះតាមបណ្តាញសង្គមតិកតុកមានការចែកចាយពាសពេញបើទោះជារដ្ឋមន្ត្រីព្រះបរមរាជវាំងស្នើសុំឲ្យលុបចោលនិងកុំឲ្យចែកចាយរឿងអាស្រូវនៃកង្វះខាតចំណាត់ចែងចឹងនោះឡើយ។សង្ឃឹមថានឹងមានការស៊ើបអង្កេតរកកំហុសនិងដាក់ទោសអ្នកទទួលខុសត្រូវដើម្បីឲ្យការរៀបចំកម្មវិធីធំៗលើកក្រោយមានការប្រុងប្រយត្ន័និងមានការទទួលខុសត្រូវ។ព្រោះករណីយ៍មុនដូចជាការរត់ជាន់គ្នាស្លាប់មនុស្សជាច្រើននាក់លើស្ពាន់កោះពេជ្រគ្មានអ្នកទទួលខុត្រូវឡើងដោយសារសម្តេចនាយករដ្ឋមន្ត្រីសម្តេចតេជោហ៊ុនសែនចេញមុខ ចេញសំណងជូនប្រជាពលរដ្ឋបិទសំណុំរឿង។តើស្រុកយើងគួរមាននិទណ្ដភាពបែបហ្នឹងបន្តទៀត?។
