វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4901 នាក់
ម្សិលមិញ 9706 នាក់
សរុប 14083144 នាក់
ខេត្តក្រចេះ៖ក្មេងទំនើងបួននាក់អូសកាំបិទផ្គាក់តាមថ្នល់គម្រាមកាប់គ្នាត្រូវបានកម្លាំងអធិការដ្ឋាននគបាលក្រុងក្រចេះចាប់ក្របួចបានបន្តបន្ទាប់ នៅថ្ងៃទី០៨.វិច្ឆិកា.២០២១។
ជនស្ទាវដែលប្រើផ្គាក់ជាអាវុធដែលសមត្តកិច្ចឃាត់ខ្លួនមានចំនួន០៣នាក់មានឈ្មោះដូចខាងក្រោមៈ១-ឈ្មោះ យ៉ាន់ រ៉ាន់ ភេទប្រុស អាយុ ១៨ឆ្នាំ មានទីលំនៅភូមិទី១ សង្កាត់រកាកណ្តាល ក្រុងក្រចេះ ខេត្តក្រចេះ។២-ឈ្មោះ ឃុន ណារ៉ូ ហៅម៉ុង ភេទប្រុស អាយុ ១៨ឆ្នាំ មានទីលំនៅភូមិទួលមនោរម្យ សង្កាត់ក្រគរ ក្រុងក្រចេះ ខេត្តក្រចេះ។៣-ឈ្មោះ ពៅ ឡៃអ៊ី ភេទប្រុស អាយុ ១៥ឆ្នាំ មានទីលំនៅខេត្តប៉ៃលិន មកស្នាក់នៅបណ្តោះអាសន្នភូមិផ្សារវែង សង្កាត់ក្រចេះ ក្រុងក្រចេះ ខេត្តក្រចេះ។
នគបាលក្រុងក្រចេះប្រាប់ថា ជនរងគ្រោះឈ្មោះ លន់ ឈុនហ៊ុយ ភេទប្រុស អាយុ ១៤ឆ្នាំ មានទីលំនៅភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។ស្ទាវទាំងបីត្រូវឃាត់ខ្លួនគឺពាក់ពន្ធ័ករណីបទផលិត ឬ ធ្វើចរាចរណ៍អាវុធសម្រាប់ប្រហារផ្សេងទៀត ប្រព្រឹត្តកាលពីថ្ងៃទី០៥.១១.២០២១ ចន្លោះម៉ោង២១,០០នាទី នៅចំណុចតូបលក់ម្ជូរ ស្ថិតក្នុងភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។
ហេតុការណ៍កើតឡើង កាលពីថ្ងៃទី០៤វិច្ឆិកា.២០២១ ម៉ោងជាង២១,០០នាទីមាន ក្មេងស្ទាវចំនួន០២នាក់: ១.ឈ្មោះ យ៉ាន់ រ៉ាន់ និង ២.ឈ្មោះ ឃុន ណារ៉ូ បានធ្វេីសកម្មភាពយកកាំបិតផ្គាក់ចំនួន០១ដេីមអូសតាមផ្លូវថ្នល់គំរាមទៅលេីក្មេងស្ទាវ១ក្រុមទៀតដែលធ្លាប់មានជម្លោះពាក្យសំដីនិងគ្នា។ នៅថ្ងៃទី០៥ ខែ.ឆ្នាំដដែល ម៉ោងជាង២១ ក្មេងស្ទាវ១ក្រុមដដែលមានគ្នាចំនួន០៥នាក់: ១.ឈ្មោះ យ៉ាន់ រ៉ាន់, ២.ឈ្មោះ ឃុន ណារ៉ូ, ៣.ឈ្មោះ ពៅ ឡៃអ៊ី, ៤.ឈ្មោះ ហ៊ាង, ៥.ឈ្មោះ ហាប់(ពីរអ្នកត់គេចខ្លួន) បានយកកាំបិតផ្គាក់ចំនួន០២ដេីមដាក់តាមខ្លួននិងធ្វើសកម្មភាពចាប់ក្របួចកអាវឈ្មោះ លន់ ឈុនហ៊ុយ ហេីយយារកាំបិតគំរាមរកកាប់ថែមទៀត និងបានឈ្លោះប្រកែកគ្នាទៅវិញទៅមក ប៉ុន្តែមិនបានបង្កអោយមានហិង្សាកើតឡើងឡើយ។
ក្រោយមក ដោយមានការសម្របសម្រួលនីតិវិធីពីឯកឧត្តម គឺ ប៊ុណ្ណារ៉ា ព្រះរាជអាជ្ញាអមសាលាដំបូងខេត្តក្រចេះ សមត្ថកិច្ចបានធ្វើការស្រាវជ្រាវនិងចាប់ឃាត់ខ្លួនចំនួន០៣នាក់ខាងលេី និងដកហូតបានកាំបិតផ្គាក់ចំនួន០១ដើម ។ នៅថ្ងៃទី០៨វិច្ឆិកា២០២១ វេលាម៉ោង ១៨:១០នាទី កម្លាំងនគរបាលក្រុងក្រចេះ បានធ្វើការបន្តស្រាវជ្រាវឃាត់ខ្លួនជនសង្ស័យចំនួន០១នាក់បន្ថែមទៀតមានឈ្មោះ ហម ប៊ុនហ៊ាង ហៅខ្មៅ ភេទប្រុស អាយុ ១៨ឆ្នាំ រស់នៅស្រុកព្រែកប្រសព្វ ខេត្តក្រចេះ និងដកហូតបានកាំបិតផ្គាក់ចំនួន០១ដេីម។