សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ជាច្រើនទៀត

ចំនួនអ្នកទស្សនា

ថ្ងៃនេះ 4959 នាក់

ម្សិលមិញ 5304 នាក់

សរុប 14144485 នាក់

ចាប់ខ្លួនឧកញ៉ាឡេង ចាន់ណា ប្រធានក្រុមហ៊ុន ប្រ៊ីនលានដើម្បីដោះស្រាយឬបន្លប់បញ្ហា!?

03-April-2024 / សន្តិសុខសង្គម

ខេត្តសៀមរាប៖ ទីបំផុតឧកញ៉ា ឡេង ចាន់ណា ប្រធានក្រុមហ៊ុន ប្រ៊ីនលាន ដែលផ្ទុះរឿងឆបោកលុយប្រជាពលរដ្ឋរឿងដីធ្លី ផ្ទះ និងការវិនិយោគក្នុងទំហំទឹកប្រាក់ រាប់លានដុល្លារនៅស្រុកខ្មែរនិងនៅកូរ៉េ ត្រូវបានកម្លាំងនគរបាលចាប់ខ្លួនហើយនៅរសៀលថ្ងៃទី១២ ខែមីនា ឆ្នាំ២០២៤នៅខេត្តសៀមរាប ។ នេះបើយោងតាមសេចក្តីប្រកាសពត៍មាន របស់អយ្យការអមសាលាដំបូងខេត្តសៀមរាប។ a leng chana

ឧកញ៉ា ឡេង ចាន់ណា និងបក្ខពួករបស់ខ្លួនរងការចោទពីប្រជាពលរដ្ឋចោទថាបានបោកលុយរាប់លានដុល្លារ ក្នុងរូបភាពទិញដី ផ្ទះ និងការវិនិយោគបានការប្រាក់ខ្ពស់ តែទីបំផុតអ្នកខ្លះបានការស៊ីតែប៉ុន្មានខែ ក៏លែងបានរហូត។ ប្រជាពលរដ្ឋជាច្រើននាក់ បានចាញ់បោកឧកញ៉ា ឡេង ចាន់ណា ដោយខ្លះខ្ចីលុយពីធនាគារ ដើម្បីមកនិវិយោគជាមួយ ដែលរហូតពេលនេះត្រូវសងធនាគារវិញយ៉ាងលំបាក។ប្រជាពលរដ្ឋរងគ្រោះបានធ្វើការតវ៉ាជាច្រើនខែមកហើយ ចំពោះអំពើឆបោកដ៏ធំមួយនេះ ប៉ុន្តែកន្លងទៅបើទោះបីមានការសម្របសម្រួលពីអាជ្ញាធរ និងមន្ត្រីពាក់ព័ន្ធ ក៏មិនទទួលបានលទ្ធផលនោះទេ។ព្រោះឧកញ៉ាឡេងចាន់ណាគាត់ប្រកាសថាក្ស័យធនបាត់គ្មានលុយសងទេ។

បើតាមសេចក្តីប្រកាសឲ្យដឹងថា៖អ្នកនាំពាក្យអយ្យការអមសាលាដំបូងខេត្តសៀមរាប មានកិត្តិយសសូមជម្រាបជូនបណ្តាញ សារព័ត៌មាន និងសាធារណៈជន ឲ្យបានជ្រាបថា សមត្ថកិច្ចនគរបាលនៃស្នងការដ្ឋាននរគបាលខេត្ត សៀមរាប បានឃាត់ខ្លួនឈ្មោះ ឡេង ចាន់ណា អគ្គនាយកក្រុមហ៊ុនទ្រីលានស៊ីធីមើលដ៍ ឯ.ក និងបក្ខពួក តាមដីកាបញ្ជាឲ្យចូលខ្លួនរបស់តំណាងអយ្យការអមសាលាដំបូងខេត្តសៀមរាប ដោយផ្អែកតាម ពាក្យបណ្តឹងរបស់ប្រជាពលរដ្ឋដែលបានដាក់ពាក្យបណ្ដឹងមកអយ្យការអមសាលាដំបូងខេត្តសៀមរាប ពាក់ ព័ន្ធនឹងបទល្មើស ឆបោក រំលោភលើទំនុកចិត្ត និងចេញមូលប្បទានបត្រគ្មានសាច់ប្រាក់ ហើយជនសង្ស័យ និងបក្ខពួក នឹងត្រូវបញ្ជូនមកអយ្យការអមសាលាដំបូងខេត្តសៀមរាប ដើម្បីចាត់ការតាមនីតិវិធី។ អយ្យការ នឹងជូនព័ត៌មានដើម្បីឲ្យសាធារណៈជនជ្រាបពីចំណាត់ការជាបន្តបន្ទាប់នូវសំណុំរឿងនេះ។

សូមបញ្ជាក់ដែរថា កាលពីថ្ងៃទី២១ ខែកុម្ភៈ ឆ្នាំ២០២៤ ក្រុមអ្នកនាំពាក្យរបស់ខុទ្ទកាល័យនាយករដ្ឋមន្ត្រី បានចេញសចក្តីបំភ្លឺមួយដោយប្រកាសថា សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មិនមានជាប់ពាក់ព័ន្ធ ឬនៅពីក្រោយខ្នងក្រុមហ៊ុន ប្រ៊ីនលាន ស៉ីធី របស់ឧកញ៉ា ឡេង ចាន់ណា នោះទេ។បន្ទាប់ពីការបដិសេធនេះរួចវាក៏លេចធ្លាយសម្លេងលោកសៀនបូរ៉ាតអនុប្រធានអង្គភាពប្រឆាំងអំពើពុករលួយតាមបណ្តាញសង្គមគាំទ្រឧកញ៉ាឡេងចាន់ណាឲ្យប្តឹងប្រជាពលរដ្ឋយ៉ាងក្តៅគគុកថែមទៀត។ករណីយ៍ឧកញ៉ាឡេងចាន់ណានិងបក្ខពួកឃុបឃឹតគ្នាបោកប្រាស់ប្រជាពលរដ្ឋនេះលោកផែងវណ្ណៈប្រធានបណ្តាញសង្គមដ៏ល្បីឈ្មោះបានផ្តល់ជាយោបល់ថាត្រូវចាប់ខ្លួនឧកញ៉ាឡេងចាន់ណានិងបក្ខពួកមកឲ្យទទយលខុសត្រូវថាតើយកលុយប្រជាពលរដ្ឋទៅណា?។គេមិនដឹងថាសមត្តកិច្ចមានចេតនាដោះស្រាយឬគ្រាន់តែជាការចាប់ខ្លួនដើម្បីបន្ធូបរិយាកាសដោយអូសបន្លាយការឈឹចាប់ប្រជាពលរដ្ឋឬយ៉ាងណានោះទេ?៕ a leng chana1 a manet leng chana4 a manet leng chana2 a manet leng chana1