វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4266 នាក់
ម្សិលមិញ 4027 នាក់
សរុប 14156936 នាក់
ខេត្តឧត្តរមានជ័យ: ប្រជាពលរដ្ឋខ្មែរ ដែលបានធ្វើចំណាកស្រុក ចេញទៅរកស៊ី និងធ្វើពលករនៅប្រទេសថៃ តាមច្រកទ្វារអន្តរជាតិកម្ពុជា-ថៃ នៃបណ្តាខេត្តនានារបស់ប្រទេសកម្ពុជាដែលមានព្រំដែនជាប់ប្រទេសថៃ បាននាំគ្នាធ្វើដំណើរវិលត្រឡប់មកស្រុកកំណើតរបស់ខ្លួន ជាបណ្តើរៗហើយ ចាប់តាំងពីថ្ងៃ ៣១ ខែ មីនា ឆ្នាំ ២០២៤ តាមច្រកព្រំដែន រវាងប្រទេសទាំងពីរ ( កម្ពុជា-ថៃ) និយាយជារួម ។ និយាយដោយឡែកនៅ ច្រកទ្វារព្រំដែនអន្តរជាតិ អូរស្មាច់-ឆងចម ចាប់តាំងពីព្រឹកថ្ងៃទី៣១ ខែ មីនា ឆ្នាំ២០២៤ បងប្អូនប្រជាពលករខ្មែរទាំង ប្រុសទាំងស្រី ក៏កំពុងនាំគ្នាធ្វើ ដំណើរវិលត្រឡប់ ចូលមកក្នុងប្រទេសកម្ពុជាវិញ យ៉ាងពពាក់ ពពូនក្នុង១ថ្ងៃៗមានចំនួនរាប់រយនាក់ តាមច្រកទ្វារព្រំដែនអន្តរ ជាតិ អូរស្មាច់ ស្ថិតក្នុងសង្កាត់អូរស្មាច់ ស្រុកសំរោង ខេត្តឧត្តរ មានជ័យ ។
ដោយអនុវត្តន៍តាម បទបញ្ជា និងសេចក្តីណែនាំស្តីពី ការសម្រួលដំណើរចូល-ចេញ ជូនពលករកម្ពុជា ក្នុងឱកាសបុណ្យចូលឆ្នាំប្រពៃណីជាតិខ្មែរ ឆ្នាំ២០២៤ លេខ: ០២៨ ស.ជ.ណ.អ.អ របស់អគ្គនាយកដ្ឋានអន្តោប្រវេសន៍ នៃក្រសួងមហាផ្ទៃ ចុះថ្ងៃទី ៣០ ខែមីនា ឆ្នាំ២០២៤ ចុះហត្ថលេខាដោយលោកឧត្តមសេនីយ៍ឯក សុខ វាសនា អគ្គនាយកអន្តោប្រវេសន៍ ។ លោក ស្រេង ធារី នាយប៉ុស្តិ៍ អន្តោប្រវេសន៍ច្រកទ្វារព្រំដែនអន្តរជាតិអូរស្មាច់ បានយកចិត្ត ទុកដាក់និងចាត់ចែងការងារដល់ កម្លាំងនគរបាលក្រោមឱវាទតាម មុខជំនាញរៀងៗខ្លួន ជួយសំរបសំរួលការងារទាំងលើផ្នែកឯកសារលិខិតស្នាមឆ្លងដែន និង រៀបចំសណ្តាប់ធ្នាប់ សុវត្ថិភាពជូនបងប្អូនប្រជាពលករខ្មែរយើង ដែលវិលត្រឡប់ចូលស្រុកកំណើតវិញ នាឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំ២០២៤ ដែលខិតជិតមកដល់ក្នុងពេលដ៏ខ្លីខាងមុខឆាប់ៗនេះ បានយ៉ាងល្អប្រសើរ ។
ប្រជាពល រដ្ឋ ដែលធ្វើចំណាកស្រុកទៅប្រទេសថៃ នៅពេលបានវិល ត្រឡប់ចូលប្រទេសវិញឃើញ សកម្មភាពរបស់កងកម្លាំងមន្ត្រី នគរបាលអន្តោប្រវេសន៍ នៅច្រក ទ្វារព្រំដែនអន្តរជាតិ អូរស្មាច់ ដែលបានបំរើសេវា និងសម្រួលដល់ ការធ្វើដំណើរជូនពួកគាត់ បានយ៉ាងល្អររលូនដោយគ្មាន យកលុយកាក់បែបនេះ ពួកគាត់ មានសេចក្តីសប្បាយរីករាយចិត្ត ខ្លាំងណាស់ ហើយក៏សូមថ្លែង អំណរគុណ ដល់មន្ត្រីនគរបាល អន្តោប្រវេសន៍នៅច្រកទ្វារព្រំដែនអន្តរជាតិអូរស្មាច់ និងជាពិសេសក៏សូមអរគុណ យ៉ាងខ្ពស់បំផុតដល់ ប្រមុខថ្នាក់ដឹកនាំប្រទេស ដែលមានសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ ព្រះរាជាណាចក្រកម្ពុជា ដែល លោកបានយកចិត្តទុកដាក់គិត គូរដល់សុខទុក្ខរបស់បងប្អូនប្រជសពលករខ្មែរ ដែលធ្វើចំណាក ស្រុកទៅរកការងារធ្វើនៅក្រៅប្រទេស ពិសេសនៅ ប្រទេសថៃ គឺសម្តេចធិបតីនាយករដ្ឋមន្ត្រី បានសម្រប សម្រួលជាមួយនាយករដ្ឋមន្ត្រីថៃ ដោយបានឯកភាពគ្នា ចេញសេចក្តីប្រកាសរបស់រាជរដ្ឋាភិបាល នៃប្រទេសទាំងពីរ កម្ពុជា-ថៃ ស្តីពីការសម្រួលការធ្វើដំណើរ ចូល-ចេញ ប្រទេសជូនពលករកម្ពុជាក្នុងឱកាសបុណ្យចូលឆ្នាំប្រពៃណីជាតិខ្មែរ រយ: ពេល៤៥ថ្ងៃ ចាប់ព៏ថ្ងៃទី ០១ ខែ មេសា ឆ្នាំ២០២៤ ដល់ថ្ងៃទី ១៥ ខែ ឧសភា ឆ្នាំ២០២៤ ។
សម្រាប់កិច្ចព្រមព្រៀងរវាងប្រទេសទាំងពីរដែលមិនយកកម្រៃសេវាឆ្លងកាត់នេះមានរយ:ពេល៤៥ថ្ងៃ គឺចាប់ពីថ្ងៃទី ១ ខែមេសាដល់ថ្ងៃទី ១៥ ខែឧសភា ឆ្នាំ ២០២៤ ប៉ុន្តែ ខាងប៉ូលីសអន្តោប្រវេសន៍ថៃ នៅតែគាបសង្កត់បង្ខំអោយពលករខ្មែរ បង់លុយចំនួន ៥០០ បាត (ប្រាក់ថៃ) គឺបង់ចំនួន២កន្លែង ១កន្លែង៣០០បាត និង១កន្លែងទៀតចំនួន២០០បាត ដោយគ្មានការលើកលែងសោះ ទោះជាមានសេចក្តីប្រកាសរបស់រដ្ឋាភិបាលទាំងពីរក៏ដោយ ៕ ដោយ: សុផល Tel : 012 953 824 / 016 953 222