» ចាប់បាន​ផ្កាយ​ពីរ​រត់ពន្ធ​ចិន​នៅ​ស្វាយរៀង​និង​ផ្កាយ​បី​ក្លែងក្លាយ​នៅ​បាត់ដំបង​! » សិង្ហ​បុរី​បញ្ជូន​នាវា​សង្គ្រោះ​ទៅ​ជួយ​ស្វែងរក​នាវាមុជទឹក​ឥណ្ឌូនេស៊ី​ដែល​បាត់​ » បញ្ចប់​ការប្រើ​ហឹ​ង្សា​លើ​ប្រជាពលរដ្ឋ​ក្នុង​បេសកកម្ម​បិទ​ខ្ទប់​រាជា​ធានី​ភ្នំពេញ​និង​ក្រុង​តាខ្មៅ​ខេត្តកណ្តាល​! » ប្រធានាធិបតី​លោក ពូ​ទីន ព្រមាន ថា «​ប្រសិនបើ​មិន​ចង់​មានការ​ស្តាយក្រោយ​ទេ សូមកុំ​បំពាន​លើ​ផល ប្រយោជន៍​រុស្ស៊ី​ » សម​ត្ត​កិច្ច​ខេត្តបាត់ដំបង​ចាប់​អ្នកលេង​ភ្នាល់​ទឹក​ភ្លឿ​ង​តែ​មិន​ចាប់​មេបន​!? » បែកធ្លាយ​ក្រុមគ្រូពេទ្យ​និង​ប្រធាន​មន្ទីរ​សុខាភិបាល​ខេត្តបន្ទាយមានជ័យ​រំលោភ​បំរាម​ខូ​វិដ​-19 ! » នាយទាហាន ២​នាក់ ឆ្លង​កូ​វីដ​-១៩​ក្រោយពី​ចាក់​វ៉ាកសាំង​រួច​ » សាលា​រាជធានី​នឹង​ចែក​កាត​ធ្វើដំណើរ​ទៅ​ផ្សារ​នៅតាម​ផ្ទះ ក្រៅពី​តំបន់​ក្រហម​ » សម្តេច​តេ​ជោ​ពន្យល់​ពី​ការកែប្រែ​ថវិការ​ឧបត្ថម្ភប្រជាពលរដ្ឋកូវីត​ទៅជា​គ្រឿង​ឧបភោគបរិភោគ​និង​សុំ​យោគយល់​ » ចាប់​ទា​ហ៊ាន​ម្នាក់​ថ្លើមធំ​ជិះ​ម៉ូតូ​បុក​បា​រ៉ា​ស់បិទ​ខ្ទប់​តែ​អង្គភាព​ថា​ឡេ​ឡឺ​! » អា​ការៈឈឺ​បំពង់ក​ខ្លាំង​មិនមែន​សុទ្ធតែជា​រោគសញ្ញា ជំងឺ​កូ​វីដ​១៩ ទេ​ » អ្នកនាង​ខាត់​សុ​ឃីម​បង្ហាញ​កូនប្រុស​ច្បង វ័យ​១៦​ឆ្នាំ​ដ៏​សង្ហារ​! » ខណ្ឌមានជ័យ ពោធិ៍​សែន​ជ័យ និង​ខណ្ឌទួលគោក​ត្រូវបាន ក្លាយ ​ជា​តំបន់​ក្រហម​ធ្ងន់ធ្ងរ​នៃ​ជំងឺ​កូ​វីដ​-១៩ » ក្រសួង​ព័ត៌មាន ស្នើ​ប្រព័ន្ធ​ផ្សព្វផ្សាយ​ទាំងអស់ ផ្អាក​ការផ្សាយ​គ្រឿង​ស្រវឹង​ពេល​អនុវត្ត​ការបិទ​ខ្ទប់​ភូមិសាស្ត្រ​ភ្នំពេញ និង​ក្រុង​តាខ្មៅ​ » អ្នក​ឆ្លៀតឱកាស​ក្នុង​បំរាម​កូ​វីត​ត្រូ​វ​ចាប់បាន​និង​ផាកពិន័យ​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3221 នាក់

ម្សិលមិញ 3463 នាក់

សរុប 6863168 នាក់

ផាកពិន័យ​ក្រុមហ៊ុន​នាំ​សម្រាម​ចូល​ចំនួន ១០៣៧.៥​លាន​រៀល និង​តម្រូវ​ឲ្យ​នាំចេញ​មុន​ដាច់​ខែសីហា​តែ​គ្មាន​មន្ត្រី​ដែល​ស៊ី​ញ៉េ​ឲ្យ​នាំចូល​ត្រូវ​ពិន័យ​ឡើយ​!


​ភ្នំពេញ​៖​ពាក់ព័ន្ធ​នឹង​ការ​នាំចូល​សំរាម​ផ្លា​ស្ទិ​ក​៨៣​កុងតឺន័រ មកកាន់​កម្ពុជា​នេះ រាជរដ្ឋាភិបាល បានសម្រេច​ដាក់ពិន័យ ក្រុមហ៊ុន ជុង​យៀន ផ្លា​ស្ទីក មេ​នូ​ហ្វេ​ក​ឈ័​រ ឯក​. ដោយ​ត្រូវ​នាំ​ទំនិញ​នេះ ត្រឡប់​ប្រទេស​ដើម​វិញ ឱ្យបាន​មុន​ថ្ងៃទី​២៤ ខែសីហា ឆ្នាំ​២០១៩ ផងដែរ​។a custom kun2

ជាមួយគ្នានេះ រាជរដ្ឋាភិបាល បានសម្រេច​ផាកពិន័យ​ក្រុមហ៊ុន​នេះ​ជា​ទឹកប្រាក់​ចំនួន ១០៣៧.៥​លាន​រៀល ចូល​ជា​ថវិកាជាតិ​។​នេះ​ជាការ​ឲ្យ​កាសែត​ដឹង​ពី​មេ​គយ​ស្រុក​ខ្មែរ​លោក​គន់​ញឺ​មនា​រសៀល​ថ្ងៃទី​៣០​កក្កដា​។​

លោក នេ​ត ភក្ត្រា អ្នកនាំពាក្យ​ក្រសួងបរិស្ថាន បាន​បញ្ជាក់ថា រដ្ឋាភិបាល​សហរដ្ឋអាមេរិក និង​កាណាដា បាន​សហការ​ជាមួយ​កម្ពុជា ដើម្បី​ស៊ើបអង្កេត​រក​ប្រភព​សំណល់​ផ្លា​ស្ទិ​ក ៨៣​កុង​តឹ​ន័​រ ដែល​បាន​នាំចូល​មកកាន់​ប្រទេស​កម្ពុជា​។​របាយការណ៍​របស់ អគ្គនាយកដ្ឋាន​គយ និង​រដ្ឋាករ នៃ​ក្រសួង​សេដ្ឋកិច្ច និង​ហិរញ្ញវត្ថុ បានឱ្យដឹងថា ទំនិញ​ជា​កាកសំណល់​ប្លា​ស្ទីក​ទាំងនេះ បាន​នាំមក​ជាច្រើន​ជើង​នាវា​ដឹកជញ្ជូន (២៧ លើក​) មកដល់ និង​បាន​សំចត​នៅ​ទីលាន​កំពង់ផែ​ស្វយ័ត​ក្រុងព្រះសីហនុ ដែល​លើក​ទី​១ នា​ខែកញ្ញា ឆ្នាំ ២០១៨ និង​លើកចុងក្រោយ នា​ខែមករា ឆ្នាំ​២០១៩ សរុប​ទាំងអស់​ចំនួន ៨៣ កុងតឺន័រ មាន​ទំហំ ៤០ ហ្វី​ត​ដូចគ្នា​។​

​ក្នុងចំណោម​សំណល់​ផ្លា​ស្ទិ​ក​ទាំង​៨៣​កុងតឺន័រ​នោះ មាន​កុងតឺន័រ​ចំនួន ៧០ (​មាន​ទម្ងន់​១,៣២២ តោន​) នាំចេញ​មកពី​សហរដ្ឋ​អាមេរិក និង​កុងតឺន័រ​ចំនួន​១៣ (​មាន​ទម្ងន់​២៧០ តោន​) បាន​នាំចេញ​មកពី​ប្រទេស​កាណាដា​។ ឯកសារ​ដឹកជញ្ជូន​ក៏បាន​បញ្ជាក់​ផងដែរ​ថា មុននឹង​មកដល់​កម្ពុជា កុងតឺន័រ​ទាំង ៨៣ នោះបាន​ឆ្លងកាត់​កំពង់ផែ​ប្រទេស​សិង្ហ​បុរី (២២ ជើង​) ម៉ាឡេស៊ី (២ ជើង​) និង វៀតណាម​(៣ ជើង​)​។​

​ក្រុមហ៊ុន ដែល​ចាំ​ទទួលយក​សំណល់​ផ្លា​ស្ទិ​ក​ទាំងនោះ​យកទៅ​កែច្នៃ មានឈ្មោះ ជុង​យៀន ផ្លា​ស្ទីក មេ​នូ​ហ្វេ​ក​ឈ័​រ ឯក​. ដែលមាន​ថៅកែ​ជនជាតិខ្មែរ មានឈ្មោះ សួន ឡុ​ក​។ ប៉ុន្តែ​ក្រុមហ៊ុន​ដែល ផ្តល់​សំណល់​ផ្លា​ស្ទិ​ក​ជូន​ក្រុមហ៊ុន​នេះ នៅ​សហរដ្ឋអាមេរិក និង​កាណាដា គេ​នៅ​មិនទាន់​ដឹង​នៅឡើយ​ទេ រហូតមកដល់​ពេលនេះ​។​គេ​មិនដឹងថា​តើ​ស្ថាប​ន័​ណា​ជា​អ្នក​ស៊ី​ញ៉ែ​ឲ្យ​នាំចូល​នោះទេ​?​បានសេចក្តីថា​គ្មាន​មន្ត្រី​ណា​ខុស​រឿង​ស៊ី​ញ៉ា​ឲ្យ​ចូល​ទាំង​ភ្លីភ្លើ​ចឹ​ង​នោះឡើយ​!​។​


​ក្រសួង​សេដ្ឋកិច្ច និង​ហិរញ្ញវត្ថុ បានចេញ​សេចក្តីប្រកាស​ព័ត៌មាន​រួមមួយ នា​រសៀល​ថ្ងៃទី​៣០ ខែកក្កដា​នេះ អំពី​លទ្ធផល​នៃ​ការស្រាវជ្រាវ​ករណី​នាំចូល​កាកសំណល់​ប្លា​ស្ទិ​ក និង​វិធានការ​ដាក់បន្ទុក​ចំពោះ​ក្រុមហ៊ុន CHUNGYUEN PLÀSTIC MANUFACTURE CO.,LTD ដែលជា​អ្នកទទួល​ទំនិញ​។

​តាម​ការត្រួតពិនិត្យ​ដោយ​ឧបករណ៍​របស់​អគ្គនាយក​ដ្ឋា​ន​គយ និង​រដ្ឋាករ​កម្ពុជា និង​ដោយ​ឧបករណ៍​មន្ទីរពិសោធន៍​របស់​ក្រសួងបរិស្ថាន ទំនិញ​ជា​កាកសំណល់​ប្លា​ស្ទិ​ក​នោះ​មិនមាន​ផ្ទុក​សារធាតុ​គ្រោះថ្នាក់​ឡើយ​។ នេះ​បើតាម​សេចក្តីបញ្ជាក់​របស់​ក្រសួង​សេដ្ឋកិច្ច និង​ហិរញ្ញវត្ថុ​។

​យោងតាម​តាម​បញ្ញត្តិ​ស្តីពី​ទោសទណ្ឌ​ដែលមាន​ចែង​នៅក្នុង​ច្បាប់​ជា​ធរមាន និង​ស្របតាម​អនុសញ្ញា​បា​សែ​ល​ស្តីពី​ការត្រួតពិនិត្យ​ចលនា​ដឹក​ជ​ញ្ជួ​ន និង​ការបោះបង់ចោល​សំណល់​គ្រោះថ្នាក់​ឆ្លងដែន រាជរដ្ឋាភិបាល​កម្ពុជា បានសម្រេច​ចាត់វិធានការ​ដាក់បន្ទុក​ចំពោះ​ក្រុមហ៊ុន CHUNGYUEN PLÀSTIC MANUFACTURE CO.,LTD ដូចខាងក្រោម​៖

១.​ត្រូវ​នាំចេញ​ទំនិញ​កាកសំណល់​ប្លា​ស្ទិ​ក​ទាំង ៨៣ កុងតឺន័រ ត្រឡប់​ទៅ​ប្រទេស​ដើម​វិញ​។២.​ត្រូវ​រង​ពិន័យ​រដ្ឋបាល​ជា​ប្រាក់ ១,០៣៧,៥០០,០០០.០០ (​មួយ​ពាន់​សា​មសិ​ប្រាំ​ពីរលាន​ហាសិប​មឺ​ុ​ន​) រៀល ដែល​ត្រូវ​បង់​ចូល​ជា​ប្រយោជន៍​ថវិកាជាតិ​។៣.​ក្រុមហ៊ុន CHUNGYUEN PLÀSTIC MANUFACTURE CO.,LTD ត្រូវអនុវត្ត​ចំណុច​ទី​១ និង​ចំណុច​ទី​២ ខាងលើ​ឲ្យ​បាន​ចប់សព្វគ្រប់​ត្រឹម​ថ្ងៃទី​២៤ ខែសីហា ឆ្នាំ​២០១៩ ជា​កំហិត​៕a custom kun a custom kun1 a congtenor1