ទាហានឈុតខ្មៅថៃដើរល្បាតតាមព្រំដែនក្នុងដីខ្មែរយ៉ាងគឃ្លើន តែទាហានខ្មែរបែរជាហាមពលរដ្ឋខ្មែរកុំបង្ហោះព័ត៌មានឬ Videos ស្តីពីសកម្មភាពរបស់ទាហានថៃទៅវិញ !?

សំណុំរឿងក្រុមហ៊ុនប្រ៊ីលានអតីតឧកញ៉ាឡេង ចាន់ណា តុលាកាសម្រេចបង្កកគណនីធនាគារចំនួន១៨៣ និងទ្រព្យសម្បត្តិមួយចំនួន,

សាលាឧទ្ធរណ៍សម្រេចប្ដឹងឲ្យពិនិត្យឡើងវិញ ចំពោះការសម្រេចរបស់សាលាដំបូងរាជធានីភ្នំពេញ ករណីដោះលែងចិនតៃវ៉ាន់ ៥នាក់ ក្នុងសំណុំគ្រឿងញៀន ៨០០គីឡូក្រាម

ប្រធានរាជបណ្ឌិត្យសភាកម្ពុជា៖ វៀតណាមច្រណែនកម្ពុជាស្និទ្ធជាមួយថៃ

ទាល់តែក្រឡាប់ឡានបានដឹងថាទំនិញយួនចូលតាមច្រកបុសមនសង្ស័យបន្លំពន្ធ

សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ជាច្រើនទៀត

ចំនួនអ្នកទស្សនា

ថ្ងៃនេះ 886 នាក់

ម្សិលមិញ 4027 នាក់

សរុប 14153556 នាក់

បង្ក្រាបទីតាំងកិនកម្ទេចឈើខុសច្បាប់ក្នុងក្រុមហ៊ុនហ្គ្រីនរីសត នៅស្រុកទឹកផុស

03-April-2024 / សន្តិសុខសង្គម

កំពង់ឆ្នាំង៖ មន្ត្រីនគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកំពង់ឆ្នាំងដោយមានលោក កែវ វ៉ាន្នី ព្រះរាជអាជ្ញារងអមសាលាដំបូងខេត្តកំពង់ឆ្នាំងផង បានចុះ បង្ក្រាបទីតាំងដាក់ម៉ាស៊ីនកិនកម្ទេចឈើខុសច្បាប់មួយកន្លែង ស្ថិតនៅក្នុងភូមិក្រាំងស្គារត្បូង ឃុំក្រាំងស្គារ ស្រុកទឹកផុស ដែលដឹកនាំរុករក កាលពីថ្ងៃទី២៨ ខែមីនា ឆ្នាំ២០២៤កន្លងទៅ។ a chnang macin timbert

នៅថ្ងៃទី៣០ ខែមីនា ឆ្នាំ២០២៤នេះ តាមបញ្ជារបស់លោកព្រះរាជអាជ្ញា សមត្ថកិច្ចចម្រុះមាន នគរបាលប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត និងខណ្ឌរដ្ឋបាលព្រៃឈើកំពង់ឆ្នាំង បានរឹបអូសម៉ាស៊ីនកិនកម្ទេចឈើចំនួន២គ្រឿង និងគ្រឿងចក្រចំនួន២គ្រឿង ជាវត្ថុតាងនៃបទល្មើសយកទៅរក្សាទុកនៅផ្នែករដ្ឋបាលព្រៃឈើរមាស ដើម្បីកសាងសំណុំ រឿងតាមនិតិវិធី។លោក ពារ គឹមហេង នាយខណ្ឌរដ្ឋបាលព្រៃឈើកំពង់ឆ្នាំង បាន ឲ្យដឹងថា អនុវត្តតាមបទបញ្ជារបស់លោកព្រះរាជអាជ្ញាអមសាលាដំបូងខេត្ត សមត្ថកិច្ចបានរឹបអូសដោះយកម៉ាស៊ីនកិនកម្ទេចឈើចំនួន២គ្រឿង និងឌីណាម៉ូបំពាក់លើម៉ាស៊ីនកិនកម្ទេចឈើ ចំនួន២គ្រឿង ព្រមទាំងគ្រឿងចក្រចាប់លើកដើមឈើចំនួន២គ្រឿង នៅលើទីតាំងដីក្រុមហ៊ុនហ្គ្រីនរីសត ស្ថិតនៅក្នុងភូមិក្រាំងស្គារត្បូង ឃុំក្រាំងស្គារ ស្រុកទឹកផុស ដែលបានធ្វើសកម្មភាពបទល្មើសកិនកម្ទេចឈើដោយគ្មានច្បាប់អនុញ្ញាត.។

វត្ថុតាងធ្វើសកម្មភាពល្មើសទាំងអស់ខាងលើនេះ បានយកទៅរក្សាទុក្ខនៅផ្នែករដ្ឋបាលព្រៃឈើរមាសនាយខណ្ឌរដ្ឋបាលព្រៃឈើកំពង់ឆ្នាំង បានអះអាងថា នៅក្នុងអំឡុងខែកក្កដា ឆ្នាំ២០២៣ សកម្មភាពកិនក្ទេចដើមឈើរបស់ក្រុមហ៊ុនខាងលើនេះ ត្រូវសមត្ថកិច្ចធ្វើការផាកពិន័យ និងផ្អាកសកម្មភាពម្ដងរួចមកហើយ។ ពេលនោះម្ចាស់ក្រុមហ៊ុន បានអះអាងថា គេកិនកម្ទេចឈើយកទៅធ្វើជី ចំណែកឈើដែលដឹកយកមកកិននោះ គឺកាប់នៅក្នុងដីចម្ការរបស់គេតែប៉ុណ្ណោះ ហើយមន្ត្រីបានណែនាំឲ្យម្ចាស់ក្រុមហ៊ុនសុំច្បាប់អនុញ្ញាតពីក្រសួងកសិកម្មឲ្យបានត្រឹមត្រូវសិន ព្រោះអាជីវកម្មទ្រង់ទ្រាយធំបែបនេះថ្នាក់ខេត្ត ពុំមានសិទ្ធិសម្រេចនោះឡើយ។

ប៉ុន្តែមកដល់ពេលនេះ ក្រុមហ៊ុននៅតែលួចលាក់ធ្វើសកម្មភាពដោយមិនមានច្បាប់អនុញ្ញាតដដែល ហើយនៅពេលសមត្ថកិច្ចចុះមកពិនិត្យទីតាំងធ្វើសកម្មភាពខាងលើនេះ ជាក់ស្ដែង គីទាំងកម្មករ និងម្ចាស់ក្រុមហ៊ុនបានរត់គេចខ្លួនបាត់អស់ ដោយពុំបាននៅសហការជាមួយសមត្ថកិច្ច និងអាជ្ញាធរនោះឡើយ។ប្រភពព័ត៌មានពីប្រជាពលរដ្ឋនៅក្នុងមូលដ្ឋាន បានបង្ហើបថា តាំងពីក្រុមហ៊ុនមួយនេះដាក់ម៉ាស៊ីនកិនកម្ទេចឈើរួចមក គេពិនិត្យឃើញមានគោយន្តក្នុងស្រុកមួយថ្ងៃៗ ជាច្រើនគ្រឿងបានដឹកកូនឈើតូចធំស្រស់ៗ យកមកឡើងលើជញ្ជីងថ្លឹងលក់ឲ្យក្រុមហ៊ុននេះ ដោយក្រុមហ៊ុនបានអះអាងថា យកមកកិនឲ្យហ្មត់រួចដឹកយកទៅធ្វើជី ដែលករណីនេះជារឿងគ្រោះថ្នាក់បំផុត ចំពោះព្រៃឈើដែលជាធនធានធម្មជាតិ និងត្រូវវិនាសបាត់បង់ថ្ងៃណាមួយមិនខានឡើយ៕ a chnang macin timber2 a chnang macin timber3