វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5685 នាក់
ម្សិលមិញ 5304 នាក់
សរុប 14145211 នាក់
ខេត្តព្រះសីហនុ៖នៅល្ងាចថ្ងៃទី០១ ខែមីនា ឆ្នាំ២០២៣ លើផ្លូវល្បឿនលឿនក្នុងទិសដៅព្រះសីហនុ-ភ្នំពេញ ស្ថិតក្នុងស្រុកស្ទឹងហាវ ខេត្តព្រះសីហនុចំណុចគីឡូលេខ១៦១មាន រថយន្ដទំនើបមួយគ្រឿង ម៉ាក MERCEDES BENZ C300 ត្រូវបានអគ្គិភ័យឆាបឆេះហ្ម៉ត់តែមិនបណ្ដាលឲ្យអ្នកណាម្នាក់រងគ្រោះថ្នាក់នោះទេ ។
រថយន្ដដែលត្រូវភ្លើងឆេះនេះ បើកបរដោយជនជាតិចិន និងមានអ្នករួមដំណើរម្នាក់។ មូលហេតុដែលនាំឲ្យភ្លើងឆេះ ដោយសាររថយន្ដឡើងកម្ដៅធុងទឹកខ្លាំង ហើយប៉ះជាមួយខ្សែភ្លើងបណ្ដាលឲ្យឆាបឆេះតែម្ដង។
សមត្ថកិច្ចបានបន្ថែមទៀតថា នៅពេលកើតហេតុភ្លាមៗ អ្នកបើកបរមិនបានទំនាក់ទំនងមកកាន់សមត្ថកិច្ចបានទូរស័ព្ទទាន់ហេតុការណ៍នោះទេ ពោលគ្រាន់តែកាក់ឡានអ្នកដទៃដែលធ្វើដំណើរឆ្លងកាត់ ដើម្បីឲ្យជួយអន្ដរាគមន៍។ បន្ទាប់ពីទទួលបានព័ត៌មានភ្លាម សមត្ថកិច្ចបានចេញរថយន្ដពន្លត់អគ្គិភ័យ ដើម្បីជួយអន្ដរាគមន៍ ប៉ុន្ដែភ្លើងកាន់តែឆេះខ្លាំងសព្វពេញរថយន្ដទៅហើយ។
សូមជម្រាបថា ករណីឆេះរថយន្ដលើផ្លូវល្បឿនលឿន ដែលបានកើតឡើងកាលពីម្សិលមិញនេះ គឺជាករណីទីពីរហើយ បន្ទាប់ពីផ្លូវល្បឿនលឿនត្រូវបានដាក់ឲ្យប្រើប្រាស់ ដែលករណីទីមួយប្រភេទរថយន្ដ Rang Rover។លោកឧត្តមសេនីយ៍ឯក ហេង ចាន់ធារី ប្រធាននាយកដ្ឋាននគរបាលចរាចរណ៍ និងសណ្ដាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានអំពាវនាវដល់អ្នកបើកបរទាំងអស់ ពិសេសអ្នកដែលត្រូវប្រើប្រាស់ផ្លូវល្បឿនលឿន មុនបើករថយន្ដឡើងលើផ្លូវនេះ ត្រូវពិនិត្យលក្ខណៈបច្ចេកទេសយានយន្ដឲ្យបានត្រឹមត្រូវ ក្នុងទាំងកម្រិតទឹក ប្រេងម៉ាស៉ីន ប្រព័ន្ធហ្វ្រាំង ប្រព័ន្ធភ្លើង សម្ពាធខ្យល់កង់ សំបកកង់ និងប្រេងសាំងជាដើម។