ស្ងាត់បានមួយរយៈ ការដឹកជញ្ជូនឈើចេញពីតំបន់អភិរក្សចាប់ផ្តើមឡើងវិញ ?!
03-April-2024 / ព័ត៌មានជាតិ
ខេត្តមណ្ឌលគីរី៖លោកអ៊ាង សុផល្លែត រដ្ឋមន្ត្រីក្រសួងបរិស្ថានចាក់ចេញពីទឹកដីនៃខេត្តមណ្ឌលគីរី ឈ្មួញរកស៊ីដឹកជញ្ជូនឈើបានរៀបចំដំណើរការឡើងវិញហើយ យប់ថ្ងៃទី២៤ ខែមីនា ។ សេចក្តីរាយការណ៍ឲ្យដឹងថា៖ឈ្មួញធ្វើសកម្មភាពដឹកចេញនៃឈើចេញពីតំបន់វាលម្រេចនៃស្នាក់ការបរិស្ថានអូររាំង ក្រោមការត្រួតពិនិត្យរបស់លោកកេត ចន្ថា និងលោកប្លុង ចាន់ឌឿន ក៏ចាប់ដំណើរការដែរ។
សកម្មភាពនៃការកាប់បំផ្លាញព្រៃឈើនៅតំបន់អភិរក្សកែវសីមា កំពុងកើត មានយ៉ាងគគ្រឹកគគ្រេង ដោយសារពួកឈ្មួញឃុបឃិត ជាមួយមន្ត្រីបរិស្ថានថ្នាក់ក្រោម។ គេមិនដឹងថាតើលោកប្រធានមន្ទីរបរិស្ថានខេត្តមណ្ឌលគិរី ឆៅ ប៊ុនធឿនបានដឹងដែរឬត្រុវ ពួកមន្ត្រីបរិស្ថាននៅតាមស្នាក់ការស៊ីដាច់នោះទេ។ មូលហេតូដោយសារលោកឆៅ ប៊ុនធឿន មិនសូវស្គាល់ភូមិសាស្ត្រទីតាំងដែលមានឈើនៅសេសសល់នៅឡើយ។ ជាក់ស្ដែង ពេលនេះព្រៃឈើនៅតំបន់វាលម្រេច នៃជ្រោះអូរងើយ ចន្លោះស្នាក់ការអូររាំង និងស្នាក់ការរងអូប៉ាម ត្រូវពួកមន្ត្រី នៃស្នាក់ការទាំងពីរដឹកនាំដោយលោកកេត ចន្ថានិងប្លុងសេចក្តីរាយការណ៍និយាយថា៖ លោកឆៅ ប៊ុនធឿន មិនធ្លាប់បានចូលទៅដល់ជ្រោះជ្រៅនៃតំបន់វាលម្រេច ដែលស្ថិតនៅចន្លោះស្នាក់ការអូរាំងនិងស្នាក់ការរងអូប៉ាមនោះទេ ។
មន្ត្រីឧទ្យានុរក្សនិងប្រធាន,អនុប្រធានស្នាក់ការអូររាំងនិងអូរប៉ាមជាអ្នកបិទភ្នែកឲ្យមានបទល្មើស នៃការកាប់បំផ្លាញព្រៃឈើនៅក្នុងតំបន់អភិរក្សនេះ។ សេចក្តីរាយការណ៍ឲ្យដឹងថា លោកកេត ចន្ថា ប្រធានស្នាក់ការអូរាំង ដែលជាជនដៃស្ដាំរបស់លោកនាយកដែនជម្រកសត្វព្រៃកែវសីមា អមដោយអនុប្រធានស្នាក់ការអូរាំង លោកប្លុង ចាន់ឌឿន បានបណ្តោយឱ្យមានបទល្មើសកាប់បំផ្លាញព្រៃឈើនៅតំបន់វាលម្រេច នៃដែនជម្រក សត្វព្រៃកែវសីមាយ៉ាងមហន្តរាយ រយៈពេល១ខែកន្លងមកនេះ។ នៅជិតនោះគឺស្នាក់ការរងអូប៉ាមដែលគាំពារដោយលោកប្រធាន សយ សំណាង ជាមនុស្សធ្លាប់មានរឿងអាស្រូវបាញ់ប្រជាពលរដ្ឋកាលនៅជាមេស្នាក់ការចំបក់។ ពួកអស់លោកទាំងនេះត្រូវគេខ្សឹបថា ជាអ្នកស៊ីលើ,ស៊ីក្រោមឃុបឃិតជាមួយឈ្មួញ ដែលសូម្បីតែប្រធានមន្ទីរលោកឆៅ ប៊ុនធឿន ក៏មិនដឹងអំពីបទល្មើសកាប់ឈើ នៅតំបន់វាលម្រេចនេះផង។
មិនដឹងថាជាការពិតដែរឬអត់នោះទេ។នៅទីនោះគេរាយការណ៍ថា ជាជ្រោះជ្រៅដែលមាននៅសេសសល់ប្រភេទឈើប្រណិតច្រើនគួរសម។ យ៉ាង ហោចណាស់គ្រឿងចក្រ២គ្រឿង សម្រាប់បម្រើឲ្យការលើក,ជញ្ជូនឈើ ដែលត្រូវឆ្លងកាត់ផ្លូវលំបាក ជ្រោះជ្រៅកំពុងបង្កប់នៅក្នុងតំបន់វាលម្រេច។ នៅទីនោះគឺមានមន្ត្រីបរិស្ថាននៃស្នាក់ការអូរាំងលោកប្លុង ចាន់ឌឿន ត្រូវគេខ្សឹបថា ជាអ្នកដែលជិតដិតជាមួយឈ្មួញរកស៊ីដឹក ជញ្ជូនឈើដ៏ល្បីឈ្មោះម្នាក់រស់នៅក្នុងតំបន់ទីប្រជុំជនកែវសីមា។ ទិដ្ឋភាពបែបនេះគឺជាមហន្តរាយដ៏ធំនៅក្នុងឆ្នាំ២០២៤ នៃដែនជម្រកសត្វព្រៃកែវសីមា ។
ឈ្មួញរកស៊ីឈើប្រើគ្រប់វិធី ដើម្បីយកឈើចេញពីតំបន់ជ្រោះជ្រៅវាលម្រេច។ អាម៉ីអាថោង នៃមន្ទីរបរិស្ថានខេត្តមណ្ឌលគិរី បានខ្សឹបថារឿងនៅតំបន់វាលម្រេចថិតក្រោមការទទួលខុសត្រូវរបស់លោកនាយកដែនជម្រកសត្វព្រៃកែវសីមា និងអ្នកប្រតិបត្តិការផ្ទាល់ជាមួយឈ្មួញម្នាក់ គឺលោកកេតចន្ថា ប្រធានស្នាក់ការអូរាំង អមដោយអនុ ប្រធានលោកប្លុង ចាន់ឌឿន ។ លោកកេត ចន្ថា ត្រូវគេប្រាប់ថាជាមនុស្សរបស់លោកនាយកដែនជម្រកសត្វព្រៃកែវសីមា។ លោកប្លុង ចាន់ឌឿន ជាមនុស្សដែលមានសមត្ថភាពធ្វើការងារកាន់កុំព្យូទ័រ ដូច្នេះជាអ្នកធ្វើរបាយ ការណ៍បោកប្រាស់ជូនប្រធានមន្ទីរ។ប្រសិនបើដូចសេចក្តីរាយការណ៍មានន័យថា៖ការមិនដឹងគ្រប់ពេលវេលារបស់លោកឆៅ ប៊ុនធឿន ធ្វើឲ្យពួកមន្ត្រីក្រោមបង្គាប់ជិះសេះ លែងដៃ ក្នុងផលប្រយោជន៍ដែលបានបន្តិចបន្តួចឲ្យទៅលោកប្រធានមន្ទីរ។ លោកឆៅ ប៊ុនធឿន សូម្បីតែជាមួយថ្នាក់ដឹកនាំក្រសួងបរិស្ថានឋានៈជារដ្ឋលេខាធិការក៏លោកនៅតែឆ្លើយភាសា១ម៉ាត់ថា “បាទមិនដឹង, មិន បានដឹង,អត់ដឹង”ទេ ឯកឧត្តម !។ បើ មិនដឹង គ្រប់ពេលយ៉ាងដូច្នេះ តើក្រសួងបរិស្ថាន គួរទុកគាត់ឲ្យនៅធ្វើការ ដើម្បីតែ “មិនដឹង”រហូតទៅឬយ៉ាងណា?៕
