បុណ្យទន្លេនៅខេត្តសៀមរាប ទទួលបានភ្ញៀវទេសចរណ៍ជាង ៥៥ម៉ឺននាក់សម្តេចធិបតីណែនាំឲ្យយកចិត្តទុកដាក់ទន្លេ
21-May-2026 / ទេសចរណ៏និងវប្បធម៌
សៀមរាប៖បើយោងតាមរបាយការណ៍របស់មន្ទីរទេសចរណ៍ខេត្តសៀមរាប បានឲ្យដឹងថា បុណ្យទន្លេលើកទី៨ នៅខេត្តសៀមរាប ចាប់ថ្ងៃទី១៥ ដល់ទី១៧ ខែមីនា ឆ្នាំ២០២៤ មានអ្នកទេសចរមកកម្សាន្តក្នុងខេត្តសៀមរាប ចំនួនសរុប ៥៥៣.៧៩៤នាក់ ក្នុងនោះភ្ញៀវទេសចរជាតិ និងបងប្អូនប្រជាពលរដ្ឋក្នុងខេត្តមានប្រមាណ ៥២ម៉ឺននាក់ និង ភ្ញៀវទេសចរបរទេស មានចំនួន ៣៣.៧៧០នាក់។
លោក សុខ សុកេន រដ្ឋមន្ត្រីក្រសួងទេសចរណ៍ បានថ្លែងប្រាប់អ្នកកាសែតកាលពីថ្ងៃទី១៧ ខែមីនា ឆ្នាំ២០២៤នៅក្នុងបរិវេណប្រាសាទអង្គរវត្ត សម្រាប់ខេត្តសៀមរាប ការប្រារព្ធបុណ្យទន្លេនេះ មិនត្រឹមតែជាការរំលឹកអំពីគុណប្រយោជន៍របស់ទន្លេប៉ុនណោះទេ ប៉ុន្តែវាជាបង្កើននូវកិច្ចសហប្រតិបត្តិការណ៍រវាងបណ្តាប្រទេសតាមដងទន្លេមេគង្គ និងបណ្តាប្រទេសជាដៃគូផងដែរ។ លោកបន្តថា ជាមួយគ្នានេះ ព្រឹត្តិការណ៍បុណ្យទន្លេ គឺជាឱកាសមួយដ៏សំខាន់មួយសម្រាប់កម្ពុជា ក្នុងការការផ្សព្វផ្សាយសក្តានុពលទេសចរណ៍ខេត្តសៀមរាប និងបណ្តាខេត្តនានា តាមដងទន្លេនៃព្រះរាជាណាចក្រកម្ពុជា ពីព្រោះថាបុណ្យទន្លេនេះ មានការចូលរួមពីមន្ត្រីការទូត និងបវរកញ្ញាពិភពលោកអញ្ជើញមកចូលរួម និងភ្ញៀវទេសចរមកកម្សាន្តជាច្រើន៕នាយករដ្ឋមន្ត្រីជំរុញការថែរក្សាដងទន្លេរ!ថ្លែងនៅវេទិកាពិធីបុណ្យទន្លេលើកទី៨ ” ក្រោមប្រធានបទ “ ទន្លេដើម្បីសន្តិភាព និងការអភិវឌ្ឍ ” នាល្ងាចថ្ងៃសៅរ៍ទី១៦ ខែមីនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ទោះ។
ថ្លែងក្នុងពិធីបុណ្យសម្តេចមហាបវរធិបតី ណែនាំថា ត្រូវបន្តយកចិត្តទុកដាក់ខ្ពស់ក្នុងការថែរក្សាសន្តិសុខ និងសណ្ដាប់ធ្នាប់ ពិសេស ជំរុញការអនុវត្តគោលនយោបាយភូមិ-ឃុំ-សង្កាត់មានសុវត្ថិភាព ឱ្យបានហ្មត់ចត់ និងជាប់ជាប្រចាំ។ ពង្រឹង សុវត្ថិភាពនៅគ្រប់គោលដៅទេសចរណ៍ទាំងអស់ និងមិនត្រូវឱ្យតំបន់គោលដៅ ទេសចរណ៍ទាំងនោះ រួមទាំងតំបន់តាមដងទន្លេ ក្លាយជាតំបន់ជ្រកកោននៃអ្នកបើ ប្រាស់គ្រឿងញៀន ជួញដូរមនុស្ស និងឧក្រិដ្ឋកម្មផ្សេងៗឡើយ ។ ក្រសួង-ស្ថាប័នពាក់ព័ន្ធ ដៃគូអភិវឌ្ឍន៍ និងវិស័យឯកជន ត្រូវបន្តសហការឱ្យបាន ជិតស្និទ្ធ ស្របតាមអភិក្រម «ជវភាពនៃប្រព័ន្ធតួអង្គតែមួយ» ដើម្បីចូលរួមអនុវត្ត វិធានការ និងគោលនយោបាយនានា សំដៅសម្រេចបាននូវគោលដៅនៃយុទ្ធនា- ការ «ទស្សនាសៀមរាបឆ្នាំ២០២៤»។
ក្រសួង-ស្ថាប័នពាក់ព័ន្ធ ត្រូវបន្តផ្តល់អាទិភាពដល់ការអភិវឌ្ឍតំបន់តាមដងទន្លេ, ពិសេសបណ្តាខេត្តជុំវិញទន្លេមេគង្គ និងបឹងទន្លេសាប លើការកសាងហេដ្ឋារចនា- សម្ព័ន្ធចាំបាច់ ដើម្បីបម្រើឱ្យវិស័យទេសចរណ៍ ការតភ្ជាប់ និងការដឹកជញ្ជូន។ ក្ន សម្តេចធិបតីបានឲ្យដឹងផងដែរថា រាជរដ្ឋាភិបាលបាន និង កំពុង សិក្សាគម្រោងសាងសង់ផ្លូវល្បឿនលឿនទី៣ ភ្នំពេញ-សៀមរាប-ប៉ោយប៉ែត បន្ទាប់ពីផ្លូវល្បឿនលឿនភ្នំពេញ-ព្រះសីហនុត្រូវបានដាក់ឱ្យដំណើរការនិង គម្រោងផ្លូវល្បឿនលឿនភ្នំពេញ-បាវិត បានបើកការដ្ឋានសាងសង់កាលពីថ្ងៃទី៧ខែមិថុនា ឆ្នាំ២០២៣។
សម្ដេចធិបតី ហ៊ុន ម៉ាណែត បានថ្លែងថា ត្រូវជំរុញការផលិតផលិតផលទេសចរណ៍ឱ្យបានសម្បូរបែប ដើម្បីផ្គត់ផ្គង់ដល់ វិស័យទេសចរណ៍ សំដៅជំរុញ «ការនាំចេញនៅនឹងកន្លែង» ស្របតាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល នីតិកាលទី៧ នេះ។ សម្ដេចធិបតី ស្នើឱ្យក្រសួងកសិកម្ម រុក្ខាប្រមាញ់ និងនេសាទ, ក្រសួង ទេសចរណ៍, ក្រសួងពាណិជ្ជកម្ម, និងរដ្ឋបាលខេត្តសៀមរាប សិក្សារៀបចំឱ្យមាន តំបន់ខ្សែក្រវាត់បៃតងនៅជុំវិញក្រុងសៀមរាប ដើម្បីធានាការផ្គត់ផ្គង់កសិផល បន្លែ ផ្លែឈើ ត្រី សាច់ សម្រាប់បំពេញតម្រូវការទីផ្សារប្រចាំថ្ងៃ និងផ្គត់ផ្គង់ដល់ វិស័យទេសចរណ៍, ជាពិសេស បង្កើតជាផលិតផលកសិទេសចរណ៍ ដើម្បីបង្កើន សក្ដានុពលទេសចរណ៍កម្ពុជា។
សម្តេច បានស្នើក្រសួងបរិស្ថាន, ក្រសួងទេសចរណ៍, ក្រសួងវប្បធម៌ និងវិចិត្រសិល្បៈ, ក្រសួង កសិកម្ម រុក្ខាប្រមាញ់ និងនេសាទ, និងរដ្ឋបាលខេត្តសៀមរាប សហការគ្នាសិក្សា និងគិតគូររៀបចំតំបន់ឧទ្យានជាតិភ្នំគូលែន ឱ្យក្លាយជាគោលដៅទេសចរណ៍ វប្បធម៌ ធម្មជាតិ ផ្សងព្រេង និងសាសនា ប្រកបដោយភាពទាក់ទាញខ្ពស់ ដើម្បីបង្កើនពិពិធកម្មផលិតផលទេសចរណ៍កម្ពុជា។ក្រសួង-ស្ថាប័នពាក់ព័ន្ធ, អាជ្ញាធរគ្រប់លំដាប់ថ្នាក់, កងកម្លាំងប្រដាប់អាវុធគ្រប់ប្រភេទ, បងប្អូនជនរួមជាតិទាំងអស់ និងវិស័យឯកជនចូលរួមឱ្យបានផុសផុលប្រកបដោយស្មារតីទទួលខុសត្រូវខ្ពស់ដើម្បីឱ្យពិធីបុណ្យទន្លេនៅឆ្នាំនេះទទួលបានជោគជ័យ, ជាពិសេសត្រូវរួមគ្នា ដើម្បីវិស័យទេសចរណ៍ ស្របតាមប្រធានបទ «ទន្លេដើម្បីសន្តិភាព និងការអភិវឌ្ឍ», «ទាំងអស់គ្នាដើម្បី ទេសចរណ៍», និង «ទេសចរណ៍ដើម្បីទាំងអស់គ្នា ផងដែរ។
សម្ដេចធិបតី អំពាវនាវដល់ប្រតិបត្តិករទេសចរណ៍ជាតិអន្តរជាតិ, អាជ្ញាធរ មូលដ្ឋាន, និងបងប្អូនប្រជាពលរដ្ឋទាំងអស់ ចូលរួមឱ្យកាន់តែសកម្ម ក្នុងចលនា ប្រឡងប្រណាំង «ទីក្រុងស្អាត រមណីយដ្ឋានស្អាត សេវាល្អ បដិសណ្ឋារកិច្ចល្អ» និងសហការថែរក្សាសោភ័ណភាព អនាម័យ បរិស្ថាន, ដែលជាកត្តាចម្បងមិន អាចខ្វះបាន ក្នុងការថែរក្សាតំបន់ប្រាសាទឱ្យស្រស់ស្អាតយូរអង្វែង ដើម្បីបន្តជាមរតកដល់កូនចៅជំនាន់ក្រោយ។សម្តេចធិបតី លើកទឹកចិត្តឱ្យក្រសួង-ស្ថាប័នពាក់ព័ន្ធទាំងអស់រៀបចំយុទ្ធសាស្ត្រ ជំរុញឱ្យមានការជួបជុំ ដូចជា៖ កិច្ចប្រជុំ, វិបស្សនា, កីឡា និងកម្មវិធីនានា នៅខេត្តសៀមរាប ដើម្បីគាំទ្រដល់យុទ្ធនាការទស្សនាសៀមរាបឆ្នាំ ២០២៤ ឱ្យ សម្រេចបានជោគជ័យ និងសម្រាប់ឆ្នាំក្រោយៗទៀត។
សម្ដេចធិបតី ស្នើឱ្យក្រសួងសាធារណការនិងដឹកជញ្ជូន, ក្រសួងទេសចរណ៍, រដ្ឋលេខាធិការដ្ឋានអាកាសចរណ៍ស៊ីវិល, អគ្គនាយកដ្ឋានអន្តោប្រវេសន៍, និង ក្រុមហ៊ុនអាកាសយានដ្ឋានអន្តរជាតិសៀមរាប-អង្គរ សហការដោះស្រាយបញ្ជ ទាំងឡាយ ដែលពាក់ព័ន្ធនឹងការធ្វើដំណើររបស់ភ្ញៀវទេសចរ ដើម្បីធ្វើឱ្យការធ្វើ ដំណើររបស់ភ្ញៀវទេសចរជាតិនិងអន្តរជាតិមានភាពងាយស្រួលនិងកក់ក្តៅ៕
