សមិទ្ធផលទំនើបកម្មមូលដ្ឋានសមុទ្ររាម និងមជ្ឈមណ្ឌលភស្តុភារ និងហ្វឹកហ្វឺនរួមគ្នាកម្ពុជា-ចិន ផែរាមត្រុវបានប្រកាសឲ្យប្រើប្រាស!

ជនជាតិកាមេរ៉ូនម្នាក់ធ្លាប់ជាប់គុកតែដោះលែងទុកឲ្យប្រព្រឹត្ត ករណីជម្រឹតទាប្រាកស្ត្រីឡាវ២០ម៉ឺនដុល្លារទៀត!

អ្នកកាសែតចង់បានច្បាប់ស្តីពីសិទ្ធទទួលនិងផ្តល់ពត៍មានទើបងាយរកពត៍មានពិត

ទីតាំងសិប្បកម្មកែច្នៃឈើដុះស្លែចំនួនជិត២០កន្លែង នៅក្នុងភូមិសាស្ត្រ សង្កាត់អូរស្មាច់ នៅតែដំណើរការយ៉ាងរលូន!?

រដ្ឋមន្ត្រីក្រសួងព័ត៌មាន ប្រកាសបើក យុទ្ធនាការ «និយាយថាទេ ចំពោះព័ត៌មានក្លែងក្លាយ!» ចាប់ពីថ្ងៃទី១មេសា

ក្រុមហ៊ុនតៃវ៉ាន់មួយបញ្ជាទិញគ្រាប់ស្វាយចន្ទីកែច្នៃរួចពីកម្ពុជាចំនួន ៣ពាន់តោនក្នុង ១ឆ្នាំ!

កាស៊ីណូ ក្បែរច្រកទ្វារព្រំដែនអន្ដរជាតិបន្ទាយចក្រី ជាទីតាំងលេងល្បែងស៊ីសងគ្រប់ប្រភេទ បើកអោយខ្មែរ និងយួន ចូលមកលេងល្បែង សមត្ថកិច្ច និង អាជ្ញាធរសម្ងំប្រមូលលាភសក្ការ!

ជាច្រើនទៀត

ចំនួនអ្នកទស្សនា

ថ្ងៃនេះ 1508 នាក់

ម្សិលមិញ 2962 នាក់

សរុប 16505632 នាក់

សម្តេចបវរធិបតី ហ៊ុន ម៉ាណែត ប្តេជ្ញាការពារ និងអភិរក្សតំបន់ប្រវត្តិសាស្ត្រភ្នំឈើកាច់បាភ្នំ មិនឱ្យមានការបំផ្លាញឡើយ

30-March-2025 / ទេសចរណ៏និងវប្បធម៌

ភ្នំពេញ៖ លោក កែវ រតនៈ រដ្ឋមន្ត្រីក្រសួងរ៉ែ និងថាមពល នៅថ្ងៃទី១២ ខែមីនា ឆ្នាំ២០២៥នេះ បានចេញមកបញ្ជាក់ច្បាស់ជាថ្មីទៀតថា តំបន់ប្រវត្តិសាស្ត្រភ្នំឈើកាច់បាភ្នំ ត្រូវបានសម្តេចបវរធិបតី ហ៊ុន ម៉ាណែត ប្រមុខរាជរដ្ឋាភិបាលប្តេជ្ញាចិត្តក្នុងការការពារអភិរក្ស ដោយមានអនុញ្ញាតឱ្យមានការធ្វើអាជីវកម្ម យកថ្មចេញពីតំបន់អភិរក្សនោះទេ!។លោករដ្ឋមន្ត្រីបញ្ជាក់ថា ការដ្ឋានយកថ្មសំណង់ គឺស្ថិតនៅតំបន់ភ្នំស្វាយសាមសិប ដែលជាភ្នំតូចមួយ មានចម្ងាយប្រមាណជាង៣គីឡូម៉ែត្រ ពីតំបន់អភិរក្សឈើកាច់បាភ្នំ។ a pv kach

លោក កែវ រតនៈ ឲ្យដឹងថា តាមឯកសារប្រវត្តិសាស្ត្រ តំបន់ភ្នំស្វាយសាមសិប (ភ្នំតូចមួយ) ដែលនៅចំណាយប្រមាណ ៣គីឡូម៉ែត្រ ពីរមណីដ្ឋានឈើកាច់បាភ្នំ គឺគេយកថ្មតាំងតែពីជំនាន់ដើមមក (ជំនាន់បារាំង) យូរមកហើយមកដល់បច្ចុប្បន្ន ដោយសារតែនៅខេត្តព្រៃវែង ខេត្តស្វាយរៀង និងផ្នែកខ្លះនៃស្រុកលើកដែក ខេត្តកណ្តាល អត់មានភ្នំយកថ្មសំណង់បានទេ ដូច្នេះមានតែយកថ្មពីភ្នំតូចមួយ ដែលនៅជិតនឹងភ្នំឈើកាច់បាភ្នំ ព្រោះបើមិនយកថ្មចេញពីភ្នំនេះទេ គឺការសាងសង់ផ្ទះ ធ្វើផ្លូវ សាលារៀន មន្ទីរពេទ្យក្នុងខេត្តព្រវែង និងស្វាយរៀង ត្រូវដឹកថ្មពីខេត្តកំពង់ចាម ឬពីខេត្តកំពង់ស្ពឺ ដែលមានថ្លៃខ្ពស់ ដែលធ្វើឱ្យប៉ះពាល់ការអភិវឌ្ឍនៃខេត្តទាំងពីរ។

លោករដ្ឋមន្ត្រីបញ្ជាក់ទៀតថា ចំពោះរមណីដ្ឋានឈើកាច់បាភ្នំ ត្រូវបានរាជរដ្ឋាភិបាល ដែលកាលនោះសម្តេចតេជោ ហ៊ុន សែន ជាអតីតនាយករដ្ឋមន្ត្រី តាមសំណើររបស់រដ្ឋមន្ត្រីក្រសួងបរិស្ថាន និងរដ្ឋមន្ត្រីវប្បធម៌ និងវិចិត្រសិល្បៈ បានសម្រេចចេញអនុក្រឹត្យ ចុះថ្ងៃទី៣ ខែសីហា ឆ្នាំ២០២៣ កំណត់តំបន់រមណីយដ្ឋានឈើកាច់បាភ្នំ ជាតំបន់អភិរក្ស មិនអនុញ្ញាតឱ្យមានការប៉ះពាល់នោះទេ។លោកបញ្ជាក់ថា «តំបន់ភ្នំនៅរមណីយដ្ឋានឈើកាច់បាភ្នំ បានកំណត់ក្នុងអនុក្រឹត្យចុះថ្ងៃទី៣ ខែសីហា ឆ្នាំ២០២៣រួចហើយ គ្មានការផ្តល់អាជ្ញាបណ្ណណាមួយ ឱ្យធ្វើអាជីវកម្មក្នុងដែនអភិរក្ស ដែលជាសម្បត្តិបេតិកភណ្ឌវប្បធម៌ ប្រវត្តិសាស្ត្ររបស់យើងទេ។

ចំពោះតំបន់ភ្នំតូច ដែលធ្លាប់ធ្វើអាជីវកម្ម តាំងពីជំនាន់បារាំង រហូតមកដល់បច្ចុប្បន្ននេះ ដែលយកថ្មមកបម្រើការអភិវឌ្ឍរបស់ខេត្តព្រៃវែង ស្វាយរៀង និងមួយចំណែកនៃខេត្តកណ្តាល គឺជាតំបន់ដែលមានចម្ងាយប្រមាណ ៣គីឡូម៉ែត្រ ពីភ្នំដែលយើងអភិរក្ស តាមអនុក្រឹត្យលេខ២២៤ ចុះថ្ងៃទី៣ ខែសីហា ឆ្នាំ២០២៣ ដូច្នេះតំបន់ទាំងពីរនេះ គឺមានការដាច់ស្រឡះពីគ្នា ហើយនៅចំកណ្តាលនៃភ្នំទាំងពីរ គឺមានទីតាំងឈរជើងរបស់យោធា»។

លោក កែវ រតនៈ បញ្ជាក់ទៀតថា នៅក្នុងអាណត្តិដឹកនាំរបស់សម្តេចបវរធិបតី ហ៊ុន ម៉ាណែត បានយកចិត្តទុកដាក់សំខាន់ណាស់ ក្នុងការថែរក្សាធនធានធម្មជាតិ សម្បត្តិវប្បធម៌ប្រវត្តិសាស្ត្រ និងបានថ្លឹងថ្លែងឱ្យមានតុល្យភាព រវាងការអភិវឌ្ឍ និងការអភិរក្ស។ ដោយលោកបានលើកជាឧទាហរណ៍នៃការសម្រេចរបស់សម្តេចបវរធិបតីថា សម្តេចបានបញ្ឈប់ការផ្តល់អាជ្ញាបណ្ណរុករករ៉ែ នៅតំបន់ព្រៃឡង់ទៀតហើយ ពិសេសថ្មីៗកន្លងទៅនេះ សម្តេចក៏បានលុបចោលអាជ្ញាបណ្ណយកថ្មកំបោ នៅតំបន់ភ្នំកំពង់ត្រាច ក្នុងខេត្តកំពត ផងដែរ ដើម្បីអភិរក្សជាតំបន់ប្រវត្តិសាស្ត្រ និងទេសចរណ៍។លោករដ្ឋមន្ត្រីបន្ថែមថា ចំពោះតំបន់អភិរក្សឈើកាច់បាភ្នំ សម្តេចបវរធិបតីបានប្តេជ្ញាការពារឱ្យបានទាំងពេលបច្ចុប្បន្ន និងពេលអនាគត គឺមិនមានការយកទៅអភិវឌ្ឍន៍អ្វីទាំងអស់៕ a keo roitanak a pv kach1 a pv kacha a pv kacha1 a pv kacha2 a pv kacha3