វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1385 នាក់
ម្សិលមិញ 5304 នាក់
សរុប 14140911 នាក់
កម្ពុជា៖គេហទំពរ័អន្តរជាតិមួយឈ្មោះ «Rough Guides» ដែលជាទីភ្នាក់ងារ ទេសចរណ៍ និងជាក្រុមហ៊ុនបោះពុម្ពផ្សាយសៀវភៅមគ្គុទេសក៍ដ៏ល្បីល្បាញ អំពីប្រទេសដែលរួសរាយរាក់ទាក់ជាងគេបំផុតនៅលើពិភពលោក «The World’s Friendliest Countries» បានបង្ហាញថា កម្ពុជាជាប់ចំណាត់លេខ១ ដែលមានអ្នក បោះឆ្នោតគាំទ្រច្រើនជាងគេ នៅក្នុងប្រព័ន្ធអ៊ីនធើណេតថា ជាប្រទេសដែលមាន ភាពរួសរាយរាក់ទាក់បំផុត នៅលើពិភពលោក។
Rough Guides ជាក្រុមហ៊ុនជំនាញខាងទេសចរណ៍ មានស្នាក់ការនៅទីក្រុងឡុងដ៍ ចក្រភពអង់គ្លេស បានដាក់ការស្ទង់មតិមួយ នៅលើបណ្តាញសង្គម Twitter និង Facebook របស់ខ្លួន អំពីប្រទេសដែលមានភាព រួសរាយរាក់ទាក់ ជាងគេបំផុតលើពិភពលោក។លទ្ធផលនៃការស្ទង់មតិនេះ Rough Guides បានលើកឡើងថា «រហូតមកដល់ពេល នេះប្រទេសកម្ពុជា គឺបានស្ថិតក្នុងកំពូលតារាង នៅក្នុងការស្ទង់មតិរបស់យើង ដែលជាជម្រើសដ៏មានប្រជាប្រិយក្នុងចំណោមបុគ្គលិក និងអ្នកតាមដាន Rough Guides នៅលើ Twitter ដូចគ្នា»។
លោកស្រី អេនឌ្រ័ ឡីប័រ (Andrea Leber) អ្នកពិគ្រោះយោបល់សម្រាប់វេបសាយនេះ បាននិយាយថា «ពួកគេ (ប្រជាជនកម្ពុជា) បានឆ្លងកាត់ការលំបាកច្រើន ប៉ុន្តែពួកគេ នៅតែមានស្នាមញញឹមនៅលើមុខ»។ក្រៅពីកម្ពុជា មានប្រទេសចំនួន ៩ទៀត ត្រូវបានអ្នកទេសចរអន្តរជាតិចាត់ទុកថា ជាប្រទេសមានភាពរួសរាយរាក់ទាក់ផងដែរ ដែលភាគច្រើនជាប្រទេសនៅក្នុង តំបន់អាស៊ានផងដែរ គឺប្រទេសហ្វីលីពីន ស្ថិតក្នុង លេខរៀងទី ២ និងតាមពីក្រោយដោយប្រទេសឡាវ ដែលទទួលបានចំណាត់លេខ ៣ និងប្រទេសណេប៉ាល់ ជាប់ចំណាត់លេខ ៤។ ចំណែកថៃដែលល្បីល្បាញខាងទេសចរណ៍ ឈរនៅលេខរៀងទី ៥ ខណៈដែល ប្រទេសសមាជិកអាស៊ាន ២ ទៀតគឺ មីយ៉ាន់ម៉ា ជាប់ចំណាត់ថ្នាក់ ៦ និងឥណ្ឌូនេស៊ី ជាប់ចំណាត់លេខ ៧។ រីឯប្រទេសដែលទទួលបានចំណាត់ទី ៨ គឺប្រទេសហ្វីជី ក្នុងពេលដែលប្រទេសស្កុតលែន ជាប់ចំណាប់ថ្នាក់ទី ៩ និងចុងក្រោយ គឺប្រទេស ស្រីលង្កា ទទួលបានចំណាត់ថ្នាក់ទី ១០៕