វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2091 នាក់
ម្សិលមិញ 3717 នាក់
សរុប 14150424 នាក់
បាត់ដំបង៖ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនាវានុវត្តន៍ បានចេញប្រកាសផ្អាកដំណើរការរបស់ក្រុមហ៊ុន ហ្វីនីក អ៊ិនដាស្ទ្រៀល ឯ.ក ទាក់ទងរឿងធ្វើឱ្យមានការលេចធ្លាយសំណល់រាវ(ទឹកកខ្វក់) ចូលក្នុងទឹកស្ទឹងសង្កែបណ្តាលឲ្យខូចបរិស្ថាន ងាប់ត្រីមួយចំនួន។
លិខិតដែលក្រសួងឧស្សាហកម្មចុះនៅថ្ងៃសុក្រ ទី០៤ ខែសីហា ផ្ញើជូនដល់ប្រធានក្រុមហ៊ុនហ្វីនិក អ៊ិនដាស្ទ្រៀល ឯ.ក(Phoenix Industrial Co.Ltd) លោក Shuai Fangwenតម្រូវឱ្យក្រុមហ៊ុនផ្អាកដំណើរការទាំងស្រុងជាបណ្តោះអាសន្នក្នុងរយៈពេល២សប្តាហ៍ ដោយរក្សាបៀវត្សរ៍បុគ្គលិក កម្មករជាធម្មតា គិតចាប់ពីថ្ងៃទី០៤ ខែសីហា ឆ្នាំ២០២៣ រហូតដល់ថ្ងៃទី១៨ ខែសីហា ឆ្នាំ២០២៣ ដើម្បីធ្វើការកែសម្រួលឡើងវិញនូវរាល់កំហុសឆ្គងរបស់ក្រុមហ៊ុន។
ក្រសួងឧស្សាហកម្ម ព្រមានថា ក្រុមហ៊ុនចិនមួយនេះអាចនឹងត្រូវប្រឈមមុខក្នុងការផ្អាកដំណើរការជាបន្តទៀត ក្នុងករណីក្រុមហ៊ុនពុំបានអនុវត្តត្រឹមត្រូវ និងទាន់ពេលវេលាតាមលក្ខខណ្ឌខាងលើនេះ ខណៈក្រុមហ៊ុននេះធ្លាប់បានបង្ហូរសំណល់រាវទៅទឹកស្ទឹងសង្កែចំនួន៣លើកមកហើយគិតទាំងលើកនេះទៀត។ក្រសួងឧស្សាហកម្មបញ្ជាក់ ថា «សូមលោកប្រធានក្រុមហ៊ុន ចាត់ចែង និងអនុវត្តតាមខ្លឹមសារលិខិតនេះ ដោយស្មារតីទទួលខុសត្រូវប្រកបដោយប្រសិទ្ធភាពខ្ពស់។សូមរំលឹកថា កាលពីថ្ងៃទី០២ ខែសីហា ឆ្នាំ២០២៣ មានត្រីមួយចំនួនពុលងាប់អណ្តែតនៅលើទឹកស្ទឹងសង្កែដោយសារតែក្រុមហ៊ុនខាងលើនេះបានបង្ហូរសំណល់រាវម្យ៉ាងចូលក្នុងទឹកស្ទឹងសង្កែដែលមាន ទីតាំងស្ថិតនៅភូមិភ្ជាវ ឃុំត្រែង ស្រុករតនមណ្ឌល ខេត្តបាត់ដំបង៕