វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3203 នាក់
ម្សិលមិញ 5467 នាក់
សរុប 14162780 នាក់
ភ្នំពេញ៖សម្តតកិច្ចជំនាញសង្គ្រោះ៧១១នៃកងពលតូចលេខ៧០បានប្រើពេលជិត៤ម៉ោងដើម្បីជយយសង្គ្រោះក្មេងស្រីវ័យជំទង់ម្នាក់ដែលបានធ្លាក់ពីលើផ្ទះចូលប្រហោងជញ្ជាំងផ្ទះនៅខណ្ឌទួលគោក នៅវេលាម៉ោងប្រមាណ៦និង៣០នាទីល្ងាច ថ្ងៃទី៦ ខែមីនា ឆ្នាំ២០២៤ រហូតជួយសង្គ្រោះយកចេញមកវិញនៅវេលាម៉ោងជាង៩ និង៣០នាទីយប់ ។ ក្មេងស្រីរងគ្រោះឈ្មោះ សុខ នីតាអាយុ១៣ឆ្នាំ ។
ក្រោយជួយសង្គ្រោះបានភ្លាមៗត្រូវសមត្ថកិច្ចបញ្ជូនក្មេងស្រីរងគ្រោះទៅកាន់មន្ទីរពេទ្យគន្ធបុប្ផា ដើម្បីជួយអាយុជីវិត ដោយសារនាងមានសភាពអស់កម្លាំងយ៉ាងខ្លាំង និងការឈឺចុកចាប់លើរាងកាយ ដែលខ្លួនជាប់ក្នុងប្រហោងជញ្ជាំងផ្ទះច្រើនម៉ោង មិនអាចកម្រើកខ្លួនបានទាល់តែសោះ ។ករណីដ៏កម្រនេះបានធ្វើឲ្យមានការភ្ញាក់ផ្អើលខ្លាំងនៅផ្ទះលេខ២៦ ក្រុមទី៧ ភូមិ២ ក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ ។ ក្រោយកើតហេតុ អាជ្ញាធរ និងសមត្ថកិច្ចខណ្ឌទួល គោក បានទាក់ទងក្រុមកងប្រតិបត្តិការរុករក និងសង្គ្រោះគ្រោះមហន្តរាយ៧១១ កងពលតូចលេខ៧០ មកសង្គ្រោះ ។ទោះបីយ៉ាងណាពេលសម្រាកនៅមន្ទីរពេទ្យសម្តេចធិបតីនិងលោកជំទាវតាមរយៈតំណាងក៏បាននាំយកថវិកាចំនួន៥លានរៀលជួយឧបត្ថម្ភផងដែរ។
សូមបញ្ជាក់ថាកាលពីថ្ងៃទី១៣ ខែកុម្ភៈ ឆ្នាំ២០២៣ក៏មាន ក្មេងស្រីជនជាតិចិនម្នាក់ អាយុទើបតែ២ខួបកន្លះ បានធ្លាក់ពីលើអគារខុនដូរជាន់ទី៧ បណ្ដាលឲ្យរងរបួសធ្ងន់ធ្ងរ និងស្លាប់ពេលបញ្ជូនដល់មន្ទីរពេទ្យ។ ហេតុការណ៍នេះ បានបង្កឲ្យមានការភ្ញាក់ផ្អើល នៅវេលាម៉ោងប្រមាណជិត១២ថ្ងៃត្រង់ នៅអគារខុនដូរ Borey Sen Sok ស្ថិតតាមបណ្ដោយផ្លូវ៥៩៧ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។