កំណាត់ផ្លូវជាតិលេខ៣ ជិត២គីឡូម៉ែត្រ ក្នុងភូមិសាស្ត្រស្រុកគងពិសី ខេត្តកំពង់ស្ពឺត្រូវទឹកជនលិច?!

កំពង់ស្ពឺ៖ អភិបាលស្រុកគងពិសី លោក ហន ពិសិដ្ឋ បានឱ្យដឹងនៅព្រឹកថ្ងៃទី៤ ខែវិច្ឆិកា ឆ្នាំ២០២៤ ថា កំណាត់ផ្លូវជាតិ៣ ចំនួន២ទីតាំង ប្រវែងជិត ២០០០ម៉ែត្រ កំពុងតែរងការជន់លិចដោយជំនន់ទឹកភ្លៀង ។អាជ្ញាធរស្រុក មន្ត្រីជំនាញពាក់ព័ន្ធ កំពុងជួយអន្តរាគមន៍រំដោះទឹកចេញ ដើម្បីពន្លឿនចរន្តទឹកហូរ និងបញ្ជៀសការជន់លិចយូរអង្វែង។ ក្រៅពីសមត្តកិច្ចអះអាងថាការលិចលង់គឺដោយសារទឹកភ្លើៀងតែមានប្រជាពលរដ្ឋនិយាយក្នងុងបណ្តាញសង្គមថាគឺលិចមកពីប្រឡាយបញ្ជៀសទឹកស្ទឹងព្រែកត្នោត។ប្រសិនបើចឹងមែនវាលំបាក់ក្នុងការរកកន្លែងបង្ហូរទឹកចេញ?ហើយអ្នកជំនាញត្រូវសិក្សាឡើងវិញពីផែនការធ្វើប្រឡាយរំដោះទឹក។

សូមបញ្ជាក់ថាជំនន់ទឹកភ្លៀងនេះកំពុងតែជន់លិចកំណាត់ផ្លូវជាតិលេខ៣ ត្រង់ចំណុចក្បែរផ្សារប៉ាំងសី ស្ថិតក្នុងឃុំព្រៃវិហារ និងក្បែរផ្សារត្រាំខ្នា ឃុំជង្រុក នៃស្រុកគងពិសី ខេត្តកំពង់ស្។អភិបាលស្រុកគងពិសី បានបញ្ជាក់ផងដែរថា ទឹកអាចនឹងហូរអស់ពីផ្លូវនៅត្រឹមតែប៉ុន្មានម៉ោងទៀតប៉ុណ្ណោះ គ្រាដែលអាជ្ញាធរស្រុកបាទី នៃខេត្តតាកែវ កំពុងជួយដុតដៃដុតជើង អន្តរាគមន៍កាយបើកមុខទឹក ដើម្បីឱ្យហូរបានលឿន។ ទន្ទឹមនេះ លោកក៏បានអំពាវនាវដល់អ្នកបើកបរយានយន្តធំៗទាំងអស់ ដែលមានបំណងឆ្លងកាត់ផ្លូវនេះ អាចបង្វែរចេញទៅផ្លូវផ្សេងសិន រង់ចាំទឹកស្រកទៅវិញ និងដើម្បីបញ្ជៀសការកកស្ទះផងដែរ៕