វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 7038 នាក់
ម្សិលមិញ 6001 នាក់
សរុប 13879868 នាក់
ខេត្តតាកែវ ៖ បុរស២ នាក់ជាតំណាងក្រុមហ៊ុនយូនីស៊ីធី ត្រូវបាននគរបាលស្រុកត្រាំកក់ ខេត្តតាកែវឃាត់ខ្លួន នៅថ្ងៃទី ២ ខែសីហា ២០២២ ពីបទឆបោកប្រាក់ប្រជាពលរដ្ឋនៅក្នុងខេត្តកំពត និងខេត្តតាកែវអស់រាប់ម៉ឺនដុល្លារ។លោកវរសេនីយ៍ឯក ឌុក ធីយ៉ា អធិការនគបាលស្រុកត្រាំកក់បានឲ្យដឹងថា ការឃាត់ខ្លួនជនសង្ស័យខាងលើបន្ទាប់ពីមានប្រជាពលរដ្ឋចំនួន ៤នាក់បានមកដាក់ ពាក្យបណ្ដឹងដល់សមត្ថកិច្ចស្រុកត្រាំកក់ទៅលើបុរសជនសង្ស័យចំនួន២នាក់ទី១ ឈ្មោះ ជៀន វុទ្ធី អាយុ ២៧ឆ្នាំ នៅភូមិចំការបី ឃុំពងទឹក ស្រុកដំណាក់ចង្អើ ខេត្តកែប មុខងារជាតំណាងចែកចាយផលិតផលក្រុមហ៊ុនយូនីស៊ីធី និងទី ២ ឈ្មោះ ឈិន វ៉េត អាយុ ៣៧ឆ្នាំ នៅភូមិដំណាក់ទ្រព្យ ឃុំក្រាំងស្នាយ ស្រុកឈូកខេត្តកំពត មុខងារជាតំណាងចែកចាយលក់ផលិតផលក្រុមហ៊ុនយូនីស៊ីធី ពីបទឆបោកប្រាក់។
ជនរងគ្រោះដែលបានដាក់ពាក្យបណ្ដឹង ទី១ឈ្មោះ ចាន់ ចី ភេទប្រុស អាយុ៣៥ឆ្នាំនៅភូមិដំណាក់ឈើក្រម ឃុំស្នាយអញ្ជឹត ស្រុកជុំគីរីត្រូវជនសង្ស័យឆបោកប្រាក់អស់ ២៨.០០០ ដុល្លារ និង៦លានរៀល,ទី២ ឈ្មោះណុប ចាន់ណា ភេទស្រីអាយុ៤០ឆ្នាំ នៅភូមិប្រមូល ឃុំត្រមែងស្រុកឈូក ខេត្តកំពតត្រូវជនសង្ស័យឆបោកប្រាក់អស់៣៨.៣០០ ដុល្លារ,ទី៣ឈ្មោះ កយ ជា ភេទស្រីអាយុ៤០ឆ្នាំ នៅភូមិព្រៃខ្ជាយ ឃុំស្នាយអញ្ជឹត ស្រុកជុំគីរី ត្រូវជនសង្ស័យឆបោកប្រាក់អស់ប្រាក់អស់ ៧.០០០ដុល្លារ និងទី៤ ឈ្មោះ ស៊ឺម ហ៊ីម ភេទស្រីអាយុ ៣៨ឆ្នាំនៅភូមិដំណាក់ទ្រព្យឃុំក្រាំងស្នាយត្រូវជនសង្ស័យឆបោកប្រាក់អស់ ៤០.០០០ដុល្លារ។ដោយមានការសម្របសម្រួលពីលោកព្រះរាជអាជ្ញាសមត្តកិច្ចក៏បានឃាត់ ខ្លួនជនសង្ស័យទាំងពីរមកសាកសួរកសាងសំណុំរឿងតាមនីតិវិធីច្បាប់។
លោកស្រី កយ ជា តំណាងក្រុមប្រជាពលរដ្ឋបានសម្តែងការសង្ឃឹមថាសមត្ថកិច្ចក៏ដូចជាតុលាការនឹងជួយធ្វើយ៉ាងណាឱ្យជនសង្ស័យក៏ដូច ជាតំណាងក្រុមហ៊ុនយូនីស៊ីធីសងប្រាក់ត្រឡប់មកពួកគាត់វិញព្រោះលុយដែលពួកគាត់យកទៅឱ្យក្រុមហ៊ុនគឺជាលុយដែលទៅខ្ចីតាមគ្រឹះស្ថានហិរញ្ញវត្ថុនិងលុយមួយចំនួនទៀតបានទៅខ្ចីចងការគេដែលនាំឲ្យទាំងលុយការ និងដើមចេះតែឡើងរៀងរាល់ថ្ងៃ៕