វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1481 នាក់
ម្សិលមិញ 6677 នាក់
សរុប 14149057 នាក់
ភ្នំពេញ ៖ កាលពីថ្ងៃទី២៦មករាឆ្នាំ២០២៤លោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ើបានចេញលិខិតជូនដំណឹងមួយជម្រាបជូនអង្គភាពចំណុះដើម្បីជម្រាបជូនពីបទបញ្ជាថ្មីសម្រាប់ការគ្រប់គ្រងនិងប្រើប្រាស់កម្លាំងនគរបាលជាតិ។កម្មវត្ថុនៃសេចក្តីជូនដំណឹងគឺស្តីការស្នើសុំយកមន្ត្រីនគរបាលជាតិទៅបម្រើការងារនៅអង្គភាពផ្សេងៗ ឬបម្រើការងារជូនថ្នាក់ ដឹកនាំ នៅក្នុងនិងក្រៅក្រសួងមហាផ្ទៃ។
ទាក់់ទងកម្មវត្ថុនេះលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា ក្រសួងមហាផ្ទៃ បានពិនិត្យឃើញថា មានថ្នាក់ដឹកនាំនិងប្រធានអង្គភាព មួយចំនួនបានស្នើសុំយកមន្ត្រីនគរបាលជាតិ ដោយរក្សាឈ្មោះនៅអង្គភាពដើម ពីអគ្គស្នងការដ្ឋាននគរបាលជាតិ អគ្គនាយកដ្ឋាន និងអង្គភាពនានា ចំណុះក្រសួងមហាផ្ទៃ ឱ្យមកបម្រើការងារក្នុងអង្គភាពរបស់ខ្លួន ឬមកជួយ ការងារផ្ទាល់ខ្លួន ជាអង្គរក្ស អ្នកបើកបរ ជំនួយការ នៅក្នុងឬក្រៅក្រសួងមហាផ្ទៃ ដែលធ្វើឱ្យអង្គភាពសាមី ជួបភាពលំបាកក្នុងការគ្រប់គ្រងមន្ត្រីរបស់ខ្លួន។ ដើម្បីលើកកម្ពស់ប្រសិទ្ធភាពនៃការគ្រប់គ្រងមន្ត្រីនគរបាលជាតិ ទាក់ទងនឹងករណីខាងលើនេះ ក្រសួងមហាផ្ទៃ ជម្រាបជូន ឯកឧត្តម លោកជំទាវ ដូចខាងក្រោម៖
១- រាល់ការយកមន្ត្រីនគរបាលពីអង្គភាពណាមួយ ទៅបម្រើការងារឱ្យអង្គភាពណាមួយផ្សេងទៀត ឬមកជួយការងារឱ្យថ្នាក់ដឹកនាំណាម្នាក់ នៅក្នុងនិងក្រៅក្រសួងមហាផ្ទៃ ត្រូវមានការឯកភាពពី ប្រធានអង្គភាពសាមីជាមុន និងមានការសម្រេចពីរដ្ឋមន្ត្រីក្រសួងមហាផ្ទៃ។២- ការស្នើសុំយកមន្ត្រីនគរបាលដូចមានចែងក្នុងចំណុច១ខាងលើ ត្រូវបានអនុញ្ញាតយ៉ាងច្រើន ក្នុងរយៈពេល១ឆ្នាំ ហើយត្រូវស្នើសុំជាថ្មីក្នុងករណីចាំបាច់ លើកលែងតែឥស្សរជនជាន់ខ្ពស់។៣- សាមីអង្គភាពឬថ្នាក់ដឹកនាំដែលស្នើសុំយកមន្ត្រីនគរបាលមកបម្រើការងារ ត្រូវគ្រប់គ្រងមន្ត្រី នគរបាលនោះឱ្យបានល្អ។៤- ហាមជាដាច់ខាតការបញ្ជូនឬការអនុញ្ញាតឱ្យមន្ត្រីនគរបាលក្រោមឱវាទរបស់ខ្លួន ឱ្យទៅបម្រើ ការងារនៅក្នុងវិស័យឯកជនក្នុងម៉ោងរដ្ឋបាល។៥- អគ្គនាយកដ្ឋានធនធានមនុស្ស ត្រូវធ្វើជាសេនាធិការជូនរដ្ឋមន្ត្រីក្រសួងមហាផ្ទៃ ទាក់ទងនឹង ការស្នើសុំយកមន្ត្រីទៅបម្រើការងារដូចបានបញ្ជាក់ជូនខាងលើ។អាស្រ័យហេតុនេះ សូម ឯកឧត្ដម លោកជំទាវ ចូលរួមអនុវត្តតាមខ្លឹមសារនៃលិខិតនេះ ដោយស្មារតី ទទួលខុសត្រូវខ្ពស់ និងប្រកបដោយប្រសិទ្ធភាពចាប់ពីថ្ងៃចុះហត្ថលេខានេះតទៅ។
បើពិនិត្យតាមសេចក្តីជូនដំណឹងនេះបង្ហាញថា៖ក្រៅពីការកែទម្រង់ផ្ទៃក្នុងបណ្តេញមន្ត្រីចោលនិងដកសក្តិមន្ត្រីពុករលួយនិងប្រើប្រាស់ឬជួញដូរគ្រឿងញៀនដែលហៅថាការបោសម្អាតផ្ទះរបស់យើងនោះលោកអភិសន្តិបណ្ឌិត ស សុខាដែលជាកូនប្រុសសម្តេចក្រឡាហោមសខេងអតីតឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃអានត្តិទី៦បានបង្កើនការពង្រឹងការគ្រប់គ្រងកម្លាំងរបស់លោកក្នុងនាមជារដ្ឋមន្ត្រីវ័យក្មេងថ្មីនៃក្រសួងមហាផ្ទៃរដ្ឋភិបាលជំនាន់ថ្មីអាណត្តិទី៧ផងដែរដែលត្រូវបានគេមើលមើលឃើញជាក្រសួងសំខាន់មួយក្នុងចំណោមក្រសួងសំខាន់ៗចំនួន៥ដែលសម័យអ៊ុនតាក់យកចិត្តទុកដាក់ផងដែរ។កាលពីអាណត្តិរាជរដ្ឋាភិបាលចាស់ដឹកនាំដោយសម្តេចតេជោហ៊ុនសែនស្ថាបន័ណាដែលពាក់ពន្ធ័និងបញ្ហាសន្តិសុខនិងនយោបាយពិសេសនៅក្រួសួងមហាផ្ទៃគឺត្រូវតែទទួលបានការឯកភាពដោយសម្តេចតេជោដោយភាគច្រើន។ជាក់ស្តែងអគ្គស្នងការនគរបាលជាតិបន្ទាប់ពីអត់ពីលោកឧត្តមសេនីយ៍ហុកឡងឌីអគ្គស្នងការនគរបាលជាតិត្រូវប្រគលជូនលោកនាយឧត្តមសេនីយ៍នេតសាវឿនហើយមិនត្រូវបានផ្លាស់ប្តូបើទោះបីជាលោកដល់អាយុចូលនីវត្តន៍ក៏ដោយ។
ប៉ុន្តែអ្វីដែលជាការគួឲ្យភ្ញាក់ផ្អើលនៅក្នុងអាណត្តិរាជរដ្ឋាភិបាលទី៧ដែលមានសម្តេចធីបតីហ៊ុនម៉ាណែតជានាយករដ្ឋមន្ត្រីអគ្គស្នងការនគរបាលជាតិបែរជាត្រូវបានប្រគល់ឲ្យលោកឧត្តមសេនីយ៍សថេតដែលជាមនុស្សជិតស្និតសម្តេចក្រឡាហោមសខេង(ថ្មីៗនេះក្លាយជាកូនប្រសា)ទៅវិញបន្ថែមលើតំណែងនៅស្នងការនគរបាលរាជធានីភ្នំពេញនិងខេត្តព្រះសីហនុដែលជាំកូតាចាស់ផងដែរ។ការបែងចែកនេះត្រូវបានសម្គាល់ថាជាការបើកទូលាយរបស់សម្តេចតេជោហ៊ុនសែនដែលសម្តេចជាប្រធានគណបក្សនិងក្រោយពីខែកុម្ភៈខាងមុខជាប្រធានព្រិទ្ធសភាដែលអាចមានតួនាទីជាប្រមុខរដ្ឋស្តីទីពេលអវត្តមានព្រះមហាក្សត្រដែលព្រះអង្គមានព្រះរាជាតួនាទីជាព្រះប្រមុខរដ្ឋផងដែរ។
សម្រាប់ការងារគ្រប់គ្រងសន្តិសុខវិញសម្តេចនាយករដ្ឋមន្ត្រីរាជរដ្ឋាភិបាលអាណត្តិទី៧ហ៊ុនម៉ាណែតបានប្រគល់ជូនលោកនាយឧត្តមសេនីយ៍នេតសាវឿនដែលជាឧបនាយករដ្ឋមន្ត្រីទី១ដែលអាចបញ្ជាអគ្គស្នងការនគរបាលជាតិកងរាជអាវុធហត្ថនិងអគ្គបញ្ជាការកងទព័ពេលអវត្តមាននាយករដ្ឋមន្ត្រី។ប៉ុន្តែកិច្ចការនេះក៏មិនមានន័យថាអ្វីៗលោករដ្ឋមន្ត្រីមហាផ្ទៃមិនដឹងអីនោះដែរ។ជាក់ស្តែងក្រៅពីពង្រឹងការគ្រប់គ្រងផ្ទៃក្នុងក្រសួងតាមរយៈបង្កើតអគ្គនាយកដ្ឋានធនធានមនុស្សសម្រាប់គ្រប់គ្រងកម្លាំងតែប៉ុន្មានថ្ងៃបន្ទាប់ពីការចូលកាន់អំណាចនៃរដ្ឋាភីបាលអាំណងត្តិទី៧ថ្មីៗសេចក្តីជូនដំណឹងស្តីការសុំកម្លាំងចេញក្រៅខាងលើធ្វើឲ្យការគ្រប់គ្រងកម្លាំងដោយលោកអភិសន្តិបណ្ឌិត ស សុខា ក្នុងក្រសួងមហាផ្ទៃកាន់តែរឹងមាំ។
សូមបញ្ជាក់រាជរដ្ឋាភិបាលអាណត្តិទី៧បានចេញអនុក្រឹត្យបង្កើត អគ្គនាយកដ្ឋានធនធានមនុស្ស ចំណុះក្រសួងមហាផ្ទៃ។ អគ្គនាយកដ្ឋានធនធានមនុស្ស មានតួនាទីធ្វើជាសេនាធិការជូនក្រសួងមហាផ្ទៃ លើការងារគ្រប់គ្រងមន្ត្រីនគរបាលជាតិ មន្ត្រីរាជការស៊ីវិល និងមន្ត្រីពន្ធនាគាររបស់អគ្គស្នងការដ្ឋាននគរបាលជាតិ និងអគ្គនាយកដ្ឋាននានា ចំណុះក្រសួងមហាផ្ទៃ និងសមាជិកក្រុមប្រឹក្សានៅរដ្ឋបាលថ្នាក់ក្រោមជាតិស្របតាមច្បាប់កំណត់ ព្រមទាំងអភិវឌ្ឍធនធានមនុស្ស។អគ្គនាយកដ្ឋានធនធានមនុស្ស នឹងដឹកនាំអគ្គនាយក ១រូប និងមានអគ្គនាយករងមួយចំនួនជាជំនួយការ ដោយផ្ទេរនាយកដ្ឋានបុគ្គលិក នៃអគ្គស្នងការដ្ឋាននគរបាលជាតិ និងនាយកដ្ឋានបុគ្គលិកនៃអគ្គនាយកដ្ឋានរដ្ឋបាលមកចំណុះអគ្គនាយកដ្ឋានធនធានមនុស្ស។អគ្គនាយកដ្ឋានធនធានមនុស្សមានរចនាសម្ព័ន្ធ ដូចជានាយករដ្ឋានរដ្ឋបាលសរុប នាយកដ្ឋានបុគ្គលិកមន្ត្រីនគរបាលជាតិ នាយកដ្ឋានបុគ្គលិកមន្ត្រីរាជការស៊ីវិល និងមន្ត្រីពន្ធនាគារ និងនាយកដ្ឋានគោលនយោបាយ។ តួនាទីរបស់អគ្គនាយកដ្ឋានធនធានមនុស្ស និងតួនាទីភារកិច្ចរបស់នាយកដ្ឋានចំណុះត្រូវកំណត់ដោយអនុក្រឹត្យមួយដោយឡែក៕