ករណិយ៍បើកឡានបុកស្លាប់មនសុស្សដំណោះមានដំណោះស្រាយល្អជាងមុនតិច!
03-April-2024 / សន្តិសុខសង្គម
ស្វាយរៀង៖ស្ត្រីកម្មករកាត់ដេរម្នាក់ដៃម្ខាងបីស,.ពកូនតូច ដៃម្ខាងទៀតឈោងទៅឱបស,.ពប្តី និងបីកូនប្រុសម្នាក់ទៀតដែលស្លាប់ដែរដោយសារបុរសជនជាតិចិនម្នាក់បើករថយន្តទំនើបម៉ាក Lexus 570 បុក ស្លាប់ភ្លាមៗទាំង៣នាក់នៅនឹងកន្លែងនាល្ងាចថ្ងៃទី៣ ខែកុម្ភៈ ឆ្នាំ២០២៤ នៅលើផ្លូវក្រាលកៅស៊ូ (ផ្លូវតាព្រឹម) ស្ថិតនៅក្នុងភូមិថ្នាញ សង្កាត់បាទី ក្រុងបាវិត ខេត្តស្វាយរៀង ។ ក្រោយកើតហេតុកម្លាំងសមត្ថកិច្ចក្រុងបាវិតបានឃាត់ខ្លួនជនជាតិចិន២នាក់ ដែលបើករថយន្ត Lexus 570 បង្កហេតុ ខណៈបុរសរងគ្រោះដឹកកូនតូច២នាក់ទៅយកប្រពន្ធដែលចេញពីធ្វើការរោងចក្រ ។
ទោះបីយ៉ាងណាក្នុងហេតុការណ៍គ្រោះថ្នាក់ចរាចរណ៍នៅថ្ងៃទី០៤ ខែកុម្ភៈ ឆ្នាំ២០២៤ ជនរងគ្រោះ ទទួលបានសំណងពីភាគីបង្កជនជាតិចិន ចំនួន៥ម៉ឺនដុល្លារ និងយល់ព្រមដកពាក្យបណ្ដឹងឈប់ប្ដឹងផ្ដល់ ។
បើតាមសេចក្ដីរាយការណ៍បានឲ្យដឹងថា បើទោះបីជនរងគ្រោះព្រមព្រៀងជាមួយភាគីបង្ក ទទួលយកសំណង ហើយដកពាក្យបណ្ដឹងក៏ពិតមែន ប៉ុន្ដែនីតិវិធីតាមផ្លូវតុលាការមិនត្រូវបានបញ្ចប់នោះទេ ពោលនៅតែដំណើរការតាមផ្លូវច្បាប់ដដែលគ្រាន់តែមិនដឹងថាតើត្រូវជាបើគុកឬឲ្យនៅក្រៅឃុំ(ដាក់គុកដែរតែព្យួនោះទេតែយ៉ាងណាឃើញគ្រាន់ជាងមុនដោយសារមានបណ្តាញសង្គមជួយ) ។
ដោយឡែកករណីយ៍បុកស្លាប់ដូចគ្នានេះដែរសំណុំរឿងគ្រោះថ្នាក់ចរាចរណ៍រថយន្ត Jeep បុកកីឡាករវាយសីជម្រើសជាតិម្នាក់បណ្តាលឲ្យស្លាប់ ដែលកក្រើកតាមបណ្តាញសង្គម និងមានការចាប់អារម្មណ៍ខ្លាំងនោះ បានឈានដល់ដំណោះស្រាយមួយហើយនៅថ្ងៃទី៣១មករឆ គឺភាគីក្រុមគ្រួសាររបស់អ្នកបើករថយន្ត បានយល់ព្រមសងសំណងរដ្ឋប្បវេណីចំនួន៩៥០០០ដុល្លារក្រោមការសម្របសម្រួលពីលោកទេសរដ្ឋមន្ត្រី គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោសែន និងសហការីដោយពុំមានការបង្ខិតបង្ខំ និងមានឆន្ទះបញ្ចប់សំណុំរឿងព្រហ្មទណ្ឌ។ប្រសិនចឹងមែនវាជាយុត្តិសាស្ត្រមួយសម្រាប់ករណិយ៍បុកសា្លប់លើកក្រោយៗទៀត។
តាមរយៈសំណងរដ្ឋប្បវេណីនេះ ភាគីក្រុមគ្រួសាររងគ្រោះវិញ ក៏បានយល់ព្រមដកពាក្យបណ្តឹងនៅស្ថាប័នតុលាការ ហើយភាគីទាំង២នាក់ បានឯកភាពគ្នាមិនប្តឹងផ្តល់ ហើយមិនឆ្លើយឆ្លងនៅតាមបណ្តាញសង្គមតទៅទៀត។ក្រោយទទួលបានសំណងពីលោក ព្រហ្ម វិចិត្រសុភា និងលោកស្រី សុខ លីណា ដែលជាឪពុកម្តាយជនត្រូវចោទ រួចមក នៅថ្ងៃទី៣១ ខែមករា ឆ្នាំ២០២៤, លោក សៀង ប៊ុនហេង និងលោកស្រី គ្រុយ ឈិញលាង បានបញ្ជាក់ក្នុងលិខិតដកពាក្យបណ្តឹងថា «នៅថ្ងៃទី៣១ ខែមករា ឆ្នាំ២០២៤ ដោយសារតែមានកិច្ចសម្របសម្រួលដ៏ខ្ពង់ខ្ពស់របស់ឯកឧត្តម ទេសរដ្ឋមន្ត្រី គី តិច ប្រធានក្រុមមេធាវីរាជរដ្ឋាភិបាល និងជាប្រធានក្រុមមេធាវីស្ម័គ្រចិត្តសម្តេចតេជោសែន យើងខ្ញុំ បានព្រមព្រៀង និងឯកភាពសះជាលើសំណងរដ្ឋប្បវេណីជាមួយក្រុមគ្រួសាររបស់ជនត្រូវចោទ ដែលបានបង្ក ឧបទ្ទវហេតុគ្រោះថ្នាក់ចរាចរណ៍ បណ្តាលឲ្យស្លាប់បាត់បង់ជីវិតជនរងគ្រោះឈ្មោះ សៀង គឹមហុង កាលពីថ្ងៃទី១៤ ខែធ្នូ ឆ្នាំ២០២៣កន្លងទៅនេះ។ ដោយសារតែយើងខ្ញុំបានទទួលប្រាក់សំណងរួចរាល់ ហេតុដូចនេះ យើងខ្ញុំស្នើសុំកពាក្យបណ្តឹងបានដាក់នៅដំណាក់កាលមន្ត្រី នគរបាលយុត្តិធម៌ និងនៅចំពោះមុខចៅក្រមស៊ើបសួរវិញ និងមិនបន្តប្តឹងផ្តល់ភាគីជនត្រូវចោទទៀតនោះទេ»។
សូមរំលឹកថា ករណីគ្រោះថ្នាក់ចរាចរណ៍នេះ បានកើតឡើងកាលពីថ្ងៃទី១៤ ខែធ្នូ ឆ្នាំ២០២៣ រវាងរថយន្ត Jeep ពណ៌ខ្មៅ ពាក់ផ្លាកលេខភ្នំពេញ2CB-9963 និងម៉ូតូ ត្រង់ចំណុចផ្លូវប្រសព្វ លើផ្លូវលេខ៣១៧ ប្រសព្វផ្លូវលេខ៥៦៦ ភូមិ៦ សង្កាត់បឹងកក់២ ខណ្ឌទួលគោក រាជធានីភ្នំពេញ បណ្ដាលឲ្យជនរងគ្រោះស្លាប់ភ្លាមៗនៅកន្លែងកើតហេតុ។ករណីយ៍នេះមានការប្រតិកម្មយ៉ាងខ្លាំងក្លាពីអ្នកលេងពន្តាញសង្គមផងដែរ។ការពិតករណិយ៍បុកស្លាប់នេះវាមិនមែនមានតែរឿងខាងលើនេះទេជាក់ស្តែងករណិយ៍មន្ត្រីក្រសួងហិរញ្ញវត្ថុស្រវឹងបើកឡានចុះពីស្ពានឬស្ស៊ីកែវបុកស្លាប់មនុស្ស៤នាក់ដែលនៅក្មេងៗមិនទាន់ឃើញមានចំណាត់ការបែបណានៅឡើយទេ៕
