វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1676 នាក់
ម្សិលមិញ 6359 នាក់
សរុប 14088309 នាក់
មណ្ឌលគីរី៖ករណីឃាតកម្មសង្ស័យរំលោភសម្លាប់លើជនរងគ្រោះឈ្មោះ សារិក ហៅលិ ភេទស្រី អាយុប្រហែល២២ឆ្នាំ ជនជាតិខ្មែរ កាលពីថ្ងៃទី២៩ ខែមិថុនា ឆ្នាំ២០២២ នៅចំណុចភូមិស្រែអណ្ដោល ឃុំស្រែឈូក ស្រុកកែវសីម៉ា ខេត្តមណ្ឌលគីរីចាប់ខ្លួនបានហើយនៅថ្ងៃទី២៦ ខែកក្កដា ឆ្នាំ២០២២ដោយ កម្លាំងជំនាញនាយកដ្ឋាននគរបាលព្រហ្មទណ្ឌ បានសហការជាមួយស្នងការដ្ឋាននគរបាលខេត្តមណ្ឌលគីរី និងស្នងការដ្ឋាននគរបាលខេត្តត្បូងឃ្មុំតាមដីកាបញ្ជាឲ្យចូលខ្លួនលេខ03អ.យ.ឃ/22 ចុះថ្ងៃទី១៥ ខែកក្កដា ឆ្នាំ២០២២ របស់លោក ស៊ាវ ងីឈាន់ ព្រះរាជអាជ្ញា នៃអយ្យកាអមសាលាដំបូងខេត្តមណ្ឌលគីរី ។
ជនសង្ស័យឈ្មោះ ឆៃ សុខា ភេទប្រុស អាយុ២៦ឆ្នាំ ជនជាតិខ្មែរ នៅចំណុចភូមិចំបក់ ឃុំនាងទើត ស្រុកតំបែខេត្តត្បូងឃ្មុំ។សូមរំលឹកថា នារីជនរងគ្រោះត្រូវគេប្រទះឃើញ សពស្អុយរលួយ នៅចំណុចចម្ការដំឡូង ស្ថិតក្នុងភូមិស្រែអណ្តោល ឃុំស្រែឈូក ស្រុកកែវសីមា ខេត្តមណ្ឌលគិរី កាលពីថ្ងៃទី០៩ ខែកក្កដា ឆ្នាំ២០២២កន្លងទៅ។ តាមការឲ្យដឹងពីសមត្ថកិច្ចថា សព អាចនឹងស្លាប់ចន្លោះ ពី៧ទៅ១០ថ្ងៃ ទម្រាំគេប្រទះឃើញ។
ប្រភពនៅពេលនោះថា សពខាងលើជាស្ត្រីមិនត្រូវបានគេស្គាល់អត្តសញ្ញាណច្បាស់ទេ តែយោងលើអ្នករស់នៅតំបន់នោះប្រាប់ថា ជនរងគ្រោះ ជាស្ត្រីដែលមានសតិមិនល្អ មានឈ្មោះហៅក្រៅ លិ ឬកូកូ ហើយនារីរូបនេះតែងដើរស្នាក់នៅរហេត រហូត ពុំមានគោលដៅច្បាស់លាស់នោះទេ។