វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 97 នាក់
ម្សិលមិញ 3717 នាក់
សរុប 14148430 នាក់
សៀមរាប៖ មន្ត្រីអាជ្ញាធរជាតិអប្សរាចំនួន ០២នាក់ ដែល បានព្រួតគ្នាប្រើហិង្សាលើកុមារលក់អណ្តើកមុខអង្គរវត្ត ត្រូវបានសមត្ថកិច្ចឃាត់ខ្លួននៅព្រឹកថ្ងៃទី១៣ ខែមករា ឆ្នាំ២០២៤។ករណីយ៍នេះប្រភពពីស្នងការដ្ឋាននគរបាលខេត្តសៀមរាប បានឲ្យដឹងថា ពាក់ព័ន្ធនឹងការប្រើហិង្សារបស់បុគ្គលិកសណ្ដាប់ធ្នាប់នៃអាជ្ញាធរជាតិអប្សរា ទៅលើកុមារដើរលក់កូនសត្វអណ្ដើកចល័ត នៅបរិវេណសិន្ធុមុខប្រាសាទអង្គរវត្ត ករណីនេះកម្លាំងសមត្ថកិច្ច នៃស្នងការដ្ឋាននគរបាលខេត្តសៀមរាប បានធ្វើការឃាត់ខ្លួនជនសង្ស័យចំនួន ០២នាក់ ជាបណ្តោះអាសន្ន ដើម្បីបន្តអនុវត្តនីតិវិធី។
មុននឹងកើតករណីយ៍ចាប់ឃាត់ខ្លួននេះ មានការបង្ហោះចែកចាយនូវរូបភាពមន្ត្រីផ្នែកសណ្តាប់ធ្នាប់របស់អាជ្ញាធរជាតិអប្សរា ប្រចាំការនៅប្រាសាទអង្គរវត្ត បានប្រើអំពើហិង្សា ទៅលើក្មេងប្រុសម្នាក់ដែលគេតែងតែឃើញដើរលក់សត្វអណ្តើកនៅមុខប្រាសាទអង្គរ។ បន្ទាប់ពីកើតការប្រើហឹង្សារំលោពច្បាប់អាជ្ញាអប្សារបានចេញលិខិតជុនដំណឹងមួយថាគេបានប្រាប់ឲ្យទៅសុំទោសឪពុកម្តាយកុមាររងគ្រោះនោះហើយ។
ប្រភពពីកន្លែងកើតហេតុ បាននិយាយថា មូលហេតុដែលនាំឲ្យមានការប្រើហិង្សានេះ ដោយសារមន្ត្រីសណ្តាប់ធ្នាប់បានហាមប្រាមដល់ក្មេងៗដែលប្រកបរបរនេះ មិនឲ្យចុះចាប់សត្វអណ្តើកនៅក្នុងសិន្ធុទឹកមកលក់វិញ ព្រោះសត្វអណ្តើកទាំងនោះជាសត្វដែលអ្នកទេសចរទិញពីពួកគេយកទៅលែង តែក្មេងទាំងអស់នេះមិនស្តាប់ការណែនាំ និងបានជេរប្រមាថមន្ត្រីទាំងនោះ ក៏បានជាផ្ទុះអំពើហិង្សាតែម្តងទៅ។