រឿងនាយចឺមមានមនុស្សសំខាន់ៗចេញមុខការពារជនបង្កបណ្តើៗហើយចាំមើលឃុំបានប៉ុន្មានថ្ងៃ!
27-March-2024 / សន្តិសុខសង្គម
ភ្នំពេញ ៖ សមាគមមិត្តសិល្បៈស្ម័គ្រចិត្តជួយសង្គម ដែលបានខ្នះខ្នែងជួយនាយចឺមរហូតមក ក្រោយពីរងនូវអំពើហិង្សាពីអតីតកីឡាបាល់ទាត់ក្រសួងការពារជាតិនោះ បាន រកមេធាវីជូននាយចឺមរួចរាល់ហើយបន្ទាប់ពីបានទំលាយថាមានអ្នកធំមានអំណាចអន្តរាគមន៍ជួយជនបង្ក។
ជាក់ស្តែងថ្មីៗនេះដែរបន្ទាប់ពីលោកផែងវណ្ណៈសកម្មជនហ្វេសប៊ុកល្បីចេញសាអំពាវនាឲ្យបន្ធូបន្ថយការចោទប្រកាន់មកលោកឧត្តមេនីយ៍ ហ៊ុន ជា បានផ្ដាំតាមហ្វេសប៊ុកទៅនាយចឺមតារាប្រុសល្បីឈ្មោះរូបនេះថា ឈប់បានឈប់ទៅ តែ បើចង់បានស្រួល ហើយបានលុយទៀត ធ្វើទៅ?។លោកឧត្តមសេនីយ៍ឯក ហ៊ុន ជា សសេរថា«បើខ្ញុំមិនមែនជាតារាល្បី ហើយខ្ញុំញ៉ែសង្សារគេហើយសង្សារគេវ៉ៃតើគាំទ្រខ្ញុំទេ ? ឈប់បានឈប់ទៅ អាចឺម អើយទឹកស្រែទឹកម៉ាស៊ីនក៏ដូចតែគ្នាទេ យល់ គេក៏មានឈ្មោះល្បីខាងកីឡាដែ តើ យល់ពីគ្នានិយាយគ្នាបញ្ចប់រឿង គឺល្អ តែបើចង់បានស្រួលហើយបានលុយទៀតធ្វើទៅ»។ក្រោយមកទើបលោកហ៊ុនជារំលឹករឿងសមត្តកិច្ចរងរបួសកាលពីឆ្ន២០០៨ថាមិនមានអ្នកជួយដូចតារាល្បីឆ្ន២០១៩។
ឯលោកសាន ប៊ុនធឿន ដែលគេឲ្យរហស្សនាមថា លោកចាងហ្វាងABCផងនោះក៏បាន ចេញវីដេអូវែងអន្លាយមួយ ដោយរៀបរាប់បង្អាប់កិត្តិយសពនាយ ចឺមរឿង ញ៉ែសង្សារគេ និងអត្តចរិតរបស់អតីតកីឡាល្បីឈ្មោះ ដែលវាយនាយចឺមផងដែរ។ ជាមួយនិងវីដេអូលោកស៊ាន ប៊ុនធឿន ពន្លះនាយចឺម Admin ផេកRa Sabayបានលើកឡើងថា «សួរថា ប្រុសណាទប់ចិត្តបានម៉ោង៣យប់ឆាតទៅហៅប្រពន្ធគេអោយមកដេកជាមួយ? ក្អួតឈាមដាក់ឡើងចុកៗសាន ប៊ុនធឿន ចេញមុខព្រលះនាយចឺមត្រូវគេវ៉ៃដាក់ចំៗកប់ៗមិនលំអៀង,។
កំហុសប្អូនលីទីមានតែពីរទេ ទីមួយស្រលាញ់ស្រីខុស ទីពីរគឺមិនចេះទប់កំហឹងមិនបានគិតវែងឆ្ងាយតាមភាសាក្មេង សូមតុលាការគិតឡើងវិញគួរសម្រាលទោសប្អូនអោយតិចបំផុតផងព្រោះដើមហេតុមកពីនាយជឺមនិងស្រីជ្រើមម្នាក់នុងដែរ អាងតែឆាតហៅស្រីគេមកដេកជាមួយអត់មានទោសចែងក្នុងច្បាប់។ អាណិតលីទីជាកីឡាករមានសមត្ថភាពម្នាក់មកខូចអនាគតដោយសារវៃមនុស្សអាវាសែដើរញ៉ែសង្សារគេញ៉ែប្រពន្ធគេតាពាសចឹងសួរថាសមឬអត់? កុំឃើញគេតារាល្បីផ្កាប់មុខនឹងតារាពេកចេះយកខួរគិតផងណាបាទ បងប្អូនណាបាទ Media Clips Service»។
ងាកមកមើលតារាចម្រៀងនាយចឺម ឯណោះវិញ ពេលនេះ បានមកដល់ស្រុកកំណើតរបស់ខ្លួននៅឯខេត្តកំពង់ស្ពឺហើយ ជាមួយនឹងការទទួលរង់ចាំពីក្រុមគ្រួសារ។ ក្នុងនោះដែរ ក្រុមគ្រួសារគ្រាន់តែឃើញនាយ ចឺម មកដល់ភ្លាម ម្នាក់ៗបានសម្ដែងការអាណិតនាយ ជាមួយនឹងសម្រែកទ្រហោយំជាខ្លាំង ជាពិសេស គឺយាយរបស់នាយចឺមតែម្ដង។
តារាចម្រៀងប្រចាំផលិតកម្មសាន់ដេរូបនេះ បានបញ្ជាក់ពីស្ថានភាពរបស់ខ្លួនភ្ជាប់ជាមួយវីដេអូថា «ជម្រាបសួរពុកម៉ែបងប្អូនទាំងអស់គ្នា នៅពេលនេះអាយដលបានធូរស្រាលបន្តិចហើយ អរគុណពុកម៉ែបងប្អូនទាំងអស់គ្នាដែលបានខ្វល់ខ្វាយបារម្ភ និងបានសួរសុខទុក្ខអរគុណខ្លាំងណាស់»។ទាក់ទងរឿងរកមេធាវីវិញលោកហេង ឡុង ប្រធាន សមាគមមិត្តសិល្បៈស្ម័គ្រចិត្តជួយសង្គម បានប្រកាស ថា «សមាគមមិត្តសិល្បៈស្ម័គ្រចិត្តជួយសង្គម បានផ្ដល់មេធាវីជូននាយចឺមរួចរាល់ហើយ នាព្រឹកថ្ងៃទី២២ ខែធ្នូឆ្នាំ២០១៩នេះ។ សូមគោរពថ្លែងអំណរគុណដល់ អាជ្ញាធរខេត្តប៉ៃលិន ដែលបានផ្ដល់យុត្តិធម៌ជូនជនរងគ្រោះ ជាពិសេសក្រោមការដឹកនាំដ៏ខ្ពង់ខ្ពស់របស់ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា»។
គួរបញ្ជាក់ថា គួររំលឹកផងដែរថា ៖ កាលពីវេលាទៀបភ្លឺ ថ្ងៃទី១៨ ខែធ្នូ ឆ្នាំ២០១៩ មានករណីហិង្សាមួយកើតឡើងនៅចំណុចហាងម៉ាស្សាមួយកន្លែង ស្ថិតក្នុងភូមិផ្សារព្រំជើង ឃុំស្ទឹងកាច់ ស្រុកសាលាក្រៅ បង្កឡើងដោយ ឈ្មោះ ង៉ែត លីទី ភេទប្រុស អាយុ២២ឆ្នាំ ជាអតីតកីឡាបាល់ទាត់នៅក្លឹបបឹងកេត រស់នៅភូមិកើតហេតុខាងលើ បានយកឈឺប្រវែង០,៥ម៉ែត្រ វាយទៅលើយុវជនម្នាក់ឈ្មោះ សុខ មេសា (ហៅនាយចឺម) ជាតារាចម្រៀង រស់នៅភូមិត្រាចកោះ ឃុំមហាឫស្សី ស្រុកគងពីសី ខេត្តកំពង់ស្ពឺ បណ្តាលឲ្យមានរងរបួសត្រង់កំភួនដៃទាំងសងខាង និងបែកក្បាលចំនួន៥ថ្នេរ (ធ្ងន់ធ្ងរ) ព្រមទាំងបែកទូរស័ព្ទ ម៉ាកអាយហ្វូនអិច មួយគ្រឿង(ខូចទាំងស្រុង) ដែលគេសង្ស័យថា ករណីប្រច័ណ្ឌ(ដណ្តើមស្រីស្នេហ៍)។
រឿងនាយចឺមលេងហ្វេសប៊ុកញ៉ែសង្សារយុវជនង៉ែតលីទីកីឡាបាល់ទាត់កវាជារឿងធម្មតាសម្រាប់ប្រុសនិងស្រីសម័យហ្វេសប៊ុកតែការប្រើហឹង្សារដោះស្រាយមញ្ហាគឺជារឿងខុសច្បាប់ដែលមិនត្រូវឲ្យកើតមានឡើយ។មហាជនចាំមើលថាតើតុលារការឃុំខ្លួនជនបង្កបានប៉ុន្មានថ្ងៃដែរ?៕
សង្សាង៉ែតលីទី
